ਸੁਨਾਮ (ਰਮੇਸ਼ ਗਰਗ) : ਅਗਰਵਾਲ ਸਭਾ (ਰਜਿ. 159) ਸੁਨਾਮ ਵੱਲੋਂ ਮਹਾਰਾਜਾ ਅਗਰਸੈਨ ਜੀ ਦੀ 5149ਵੀਂ ਜਯੰਤੀ ਸ਼ਿਵ ਨਿਕੇਤਨ ਧਰਮਸ਼ਾਲਾ ਸੁਨਾਮ ਵਿੱਚ ਸ਼ਾਨਦਾਰ ਢੰਗ ਨਾਲ ਮਨਾਈ ਗਈ। ਸਮਾਗਮ ਦੀ ਅਗਵਾਈ ਅਗਰਵਾਲ ਸਭਾ ਸੁਨਾਮ ਦੇ ਪ੍ਰਧਾਨ ਵਿਕਰਮ ਗਰਗ ਨੇ ਕੀਤੀ। ਉਨ੍ਹਾਂ ਨੇ ਸਾਰੇ ਮਹਿਮਾਨਾਂ ਦਾ ਧੰਨਵਾਦ ਕਰਦਿਆਂ 7 ਅਕਤੂਬਰ ਨੂੰ ਅਗਰੋਹਾ ਧਾਮ ਸਾਲਾਨਾ ਮੇਲੇ ‘ਚ ਸ਼ਿਰਕਤ ਕਰਨ ਦੀ ਅਪੀਲ ਕੀਤੀ। ਇਸ ਮੌਕੇ ‘ਤੇ ਧਾਰਮਿਕ, ਸਮਾਜਿਕ ਤੇ ਰਾਜਨੀਤਿਕ ਹਸਤੀਆਂ ਨੇ ਮਹਾਰਾਜਾ ਅਗਰਸੈਨ ਦੇ ਆਦਰਸ਼ਾਂ ‘ਤੇ ਚੱਲਣ ਦਾ ਸੰਕਲਪ ਲਿਆ।
ਪ੍ਰਮੁੱਖ ਮਹਿਮਾਨਾਂ ਦੀ ਹਾਜ਼ਰੀ
ਸਮਾਗਮ ਵਿੱਚ ਅਗਰੋਹਾ ਵਿਕਾਸ ਟਰੱਸਟ ਦੇ ਕਾਰਜਕਾਰੀ ਪ੍ਰਧਾਨ ਬਜਰੰਗ ਦਾਸ ਗਰਗ, ਪੰਜਾਬ ਦੇ ਕੈਬਿਨੇਟ ਮੰਤਰੀ ਅਮਨ ਅਰੋੜਾ, ਸੰਗਰੂਰ ਤੋਂ ਸੰਸਦ ਮੈਂਬਰ ਮੀਤ ਹੇਅਰ, ਏਆਈਸਸੀਸੀ ਦੇ ਸੰਯੁਕਤ ਖ਼ਜ਼ਾਨਚੀ ਵਿਜੈ ਇੰਦਰ ਸਿੰਗਲਾ, ਆਰਵ ਦੇ ਐਮ.ਡੀ. ਅਰੁਣ ਸਿੰਗਲਾ, ਰੀਅਲ ਐਸਟੇਟ ਡਿਵੈਲਪਰ ਮਹਿੰਦਰ ਗੋਇਲ, ਡੇਕੋ ਸਟਾਰ ਦੇ ਐਮ.ਡੀ. ਮਨੋਜ ਕੁਮਾਰ ਅਤੇ ਪੰਜਾਬ ਕੇਸਰੀ ਦੇ ਬਿਊਰੋ ਚੀਫ਼ ਵਿਵੇਕ ਸਿੰਧਵਾਨੀ ਸਮੇਤ ਕਈ ਪ੍ਰਸਿੱਧ ਹਸਤੀਆਂ ਨੇ ਹਾਜ਼ਰੀ ਭਰੀ।
ਬਜਰੰਗ ਦਾਸ ਗਰਗ ਨੇ ਕੀਤੀ ਰਾਸ਼ਟਰੀ ਛੁੱਟੀ ਦੀ ਮੰਗ
ਬਜਰੰਗ ਦਾਸ ਗਰਗ ਨੇ ਕਿਹਾ ਕਿ ਮਹਾਰਾਜਾ ਅਗਰਸੈਨ ਜਯੰਤੀ ਦੇਸ਼-ਪੱਧਰ ‘ਤੇ ਮਨਾਈ ਜਾ ਰਹੀ ਹੈ। ਕੇਂਦਰ ਸਰਕਾਰ ਨੂੰ ਚਾਹੀਦਾ ਹੈ ਕਿ ਇਸ ਦਿਨ ਨੂੰ ਰਾਸ਼ਟਰੀ ਛੁੱਟੀ ਘੋਸ਼ਿਤ ਕਰੇ, ਜਿਸ ਨਾਲ ਦੇਸ਼ ਵਿੱਚ ਭਾਈਚਾਰੇ ਅਤੇ ਏਕਤਾ ਦਾ ਸੁਨੇਹਾ ਜਾਵੇ। ਉਨ੍ਹਾਂ ਕਿਹਾ ਕਿ ਮਹਾਰਾਜਾ ਅਗਰਸੈਨ ਨੇ ਤਿਆਗ, ਸਹਿਯੋਗ, ਸਮਾਨਤਾ ਅਤੇ ਆਤਮਨਿਰਭਰਤਾ ਦਾ ਪਾਠ ਪੜ੍ਹਾਇਆ ਸੀ।
ਅਮਨ ਅਰੋੜਾ – ‘ਮਹਾਰਾਜਾ ਅਗਰਸੈਨ ਸਹਿਕਾਰਤਾ ਦੇ ਅਗਰਦੂਤ’
ਕੈਬਿਨੇਟ ਮੰਤਰੀ ਅਮਨ ਅਰੋੜਾ ਨੇ ਕਿਹਾ ਕਿ ਮਹਾਰਾਜਾ ਅਗਰਸੈਨ ਨੇ ਹਜ਼ਾਰਾਂ ਸਾਲ ਪਹਿਲਾਂ “ਇੱਕ ਇੱਟ, ਇੱਕ ਰੁਪਇਆ” ਦੀ ਪਰੰਪਰਾ ਸ਼ੁਰੂ ਕਰਕੇ ਕਮਜ਼ੋਰ ਵਰਗਾਂ ਦੀ ਸਹਾਇਤਾ ਲਈ ਨਵਾਂ ਰਸਤਾ ਦਿਖਾਇਆ।
ਮੀਤ ਹੇਅਰ – ‘ਭਾਈਚਾਰੇ ਦੇ ਪ੍ਰਤੀਕ’
ਸੰਸਦ ਮੈਂਬਰ ਮੀਤ ਹੇਅਰ ਨੇ ਕਿਹਾ ਕਿ ਮਹਾਰਾਜਾ ਅਗਰਸੈਨ ਨੇ ਭਾਈਚਾਰੇ ਅਤੇ ਸਮਾਨਤਾ ਦੇ ਆਧਾਰ ‘ਤੇ ਰਾਜ ਸਥਾਪਤ ਕੀਤਾ। ਅੱਜ ਵੀ ਉਹਨਾਂ ਦੇ ਦਿਖਾਏ ਰਾਹ ‘ਤੇ ਚੱਲਣ ਦੀ ਲੋੜ ਹੈ।
ਵਿਜੈ ਇੰਦਰ ਸਿੰਗਲਾ – ‘ਪਿਆਰ ਅਤੇ ਸਾਂਝ ਦੇ ਪ੍ਰਤੀਕ ਮਹਾਰਾਜਾ ਅਗਰਸੈਨ’
ਵਿਜੈ ਇੰਦਰ ਸਿੰਗਲਾ ਨੇ ਕਿਹਾ ਕਿ ਆਪਸੀ ਭਾਈਚਾਰੇ, ਸਾਂਝ ਅਤੇ ਪਿਆਰ ਹੀ ਮਹਾਰਾਜਾ ਅਗਰਸੈਨ ਦਾ ਸੁਨੇਹਾ ਰਿਹਾ ਹੈ ਅਤੇ ਅਗਰਵਾਲ ਸਮਾਜ ਨੇ ਹਮੇਸ਼ਾਂ ਇਸਨੂੰ ਅਪਣਾਇਆ ਹੈ।
ਹੋਰ ਪ੍ਰਸਿੱਧ ਹਸਤੀਆਂ
ਸਮਾਗਮ ਵਿੱਚ ਐਸ.ਡੀ.ਐਮ. ਕਾਲਾ ਰਾਮ ਕਾਂਸਲ, ਡਾ. ਸੰਜੈ ਬਾਂਸਲ, ਗਿਆਨ ਚੰਦ ਗਰਗ, ਸਤੀਸ਼ ਗੋਇਲ, ਕੈਂਬਰਿਜ ਸਕੂਲ ਦੇ ਐਮ.ਡੀ. ਸ਼ਿਵ ਆਰਿਆ, ਵਿਨਰ ਜੀਤ ਸਿੰਘ ਗੋਲਡੀ (ਸ਼੍ਰੋਮਣੀ ਅਕਾਲੀ ਦਲ ਹਲਕਾ ਇੰਚਾਰਜ), ਭਾਜਪਾ ਜ਼ਿਲ੍ਹਾ ਪ੍ਰਧਾਨ ਦਾਮਨ ਥਿੰਦ ਬਾਜਵਾ, ਰਾਜਿੰਦਰ ਦੀਪਾ, ਅਗਰਵਾਲ ਸਭਾ ਦੇ ਪ੍ਰਧਾਨ ਵਿਕਰਮ ਗਰਗ, ਮਨਪ੍ਰੀਤ ਬਾਂਸਲ, ਅਗਰਰਤਨ ਸ਼ਿਆਮ ਲਾਲ, ਜਯੰਤੀ ਚੇਅਰਮੈਨ ਵੇਦ ਪ੍ਰਕਾਸ਼ ਹੋਡਲਾ, ਅਗਰਰਤਨ ਕ੍ਰਿਸ਼ਨ ਸੰਦੋਹਾ, ਰਵੀ ਕਮਲ, ਯਸ਼ਪਾਲ ਮੰਗਲਾ, ਸ਼ਿਵ ਜਿੰਦਲ, ਮਨੀਸ਼ ਸੋਨੀ, ਸੂਮਿਤ ਬੰਦਲਿਸ਼, ਮਾਸਟਰ ਰਾਜੀਵ ਬਿੰਦਲ, ਮੀਡੀਆ ਸੈਕ੍ਰੇਟਰੀ ਰਾਜੀਵ ਸਿੰਗਲਾ, ਆਰ. ਐਨ. ਕਾਂਸਲ, ਯੋਗੇਸ਼ ਗਰਗ, ਮੰਜੂ ਗਰਗ, ਰਾਜੇਸ਼ ਗਰਗ, ਸ਼੍ਰੀਕ੍ਰਿਸ਼ਨ ਰਾਜੂ, ਕਮਲ ਗਰਗ, ਹਕੂਮਤ ਰਾਇ ਜਿੰਦਲ, ਯਸ਼ਪਾਲ ਸਿੰਗਲਾ, ਮਾਸਟਰ ਧੀਰਜ ਕੁਮਾਰ, ਪ੍ਰਭਾਤ ਜਿੰਦਲ, ਐਡਵੋਕੇਟ ਰਾਕੇਸ਼ ਜਿੰਦਲ, ਰੂਪਿੰਦਰ ਭਾਰਦਵਾਜ, ਵਰਿੰਦਰ ਸ਼ਰਮਾ, ਜਗਦੀਪ ਭਾਰਦਵਾਜ, ਗੋਪਾਲ ਸ਼ਰਮਾ, ਕਿਸ਼ੋਰ ਛਾਡੀਆ ਅਤੇ ਰਾਜਨ ਹੋਡਲਾ, ਰਾਮਾ ਆਲਮਪੁਰੀਆ,ਜੀਵਨ ਰੋਕੀ,ਜਨਕ ਰਾਜ ਫੀਡ ਵਾਲੇ,ਅਸ਼ੋਕ ਗਾਂਧੀ ਸਮੇਤ ਵੱਡੀ ਗਿਣਤੀ ‘ਚ ਸ਼ਰਧਾਲੂ ਤੇ ਸਮਾਜਸੇਵੀ ਮੌਜੂਦ ਰਹੇ।
ਸਮਾਜ ਨੂੰ ਇਕ ਸੂਤਰ ‘ਚ ਜੋੜਨ ਦਾ ਸੰਕਲਪ
ਸਮਾਗਮ ਦੌਰਾਨ ਪੂਰੇ ਪੰਜਾਬ ਤੋਂ ਆਈਆਂ ਅਗਰਵਾਲ ਸਭਾਵਾਂ ਅਤੇ ਧਾਰਮਿਕ-ਸਮਾਜਿਕ ਸੰਗਠਨਾਂ ਦਾ ਸਨਮਾਨ ਕੀਤਾ ਗਿਆ। ਮੇਰਿਟੋਰਿਅਸ ਵਿਦਿਆਰਥੀਆਂ ਅਤੇ ਵੱਖ-ਵੱਖ ਖੇਤਰਾਂ ਵਿੱਚ ਮਾਣ ਪਾ ਰਹੇ ਨੌਜਵਾਨਾਂ ਨੂੰ ਵੀ ਸਨਮਾਨਿਤ ਕੀਤਾ ਗਿਆ। ਹਾਜ਼ਰ ਲੋਕਾਂ ਨੇ ਮਹਾਰਾਜਾ ਅਗਰਸੈਨ ਦੇ ਆਦਰਸ਼ਾਂ ‘ਤੇ ਚੱਲਣ ਅਤੇ ਸਮਾਜ ਵਿੱਚ ਭਾਈਚਾਰਾ ਬਣਾਈ ਰੱਖਣ ਦਾ ਵਚਨ ਲਿਆ।