ਦੁਬਈ : ਸਊਦੀ ਅਰਬ ਨੂੰ ਬਹਿਰੀਨ ਟਾਪੂ ਨਾਲ ਜੋੜਨ ਵਾਲਾ ਮੁੱਖ ਪੁਲ 'ਕਿੰਗ ਫਾਹਦ ਕਾਜ਼ਵੇਅ' (King Fahd Causeway) ਮੰਗਲਵਾਰ ਸਵੇਰੇ ਮੁੜ ਆਵਾਜਾਈ ਲਈ ਖੋਲ੍ਹ ਦਿੱਤਾ ਗਿਆ । ਈਰਾਨ ਵੱਲੋਂ ਸੰਭਾਵਿਤ ਹਮਲਿਆਂ ਦੇ ਡਰ ਕਾਰਨ ਇਸ ਮਹੱਤਵਪੂਰਨ ਮਾਰਗ ਨੂੰ ਕੁਝ ਘੰਟਿਆਂ ਲਈ ਬੰਦ ਕਰ ਦਿੱਤਾ ਗਿਆ ਸੀ।
ਕਿੰਗ ਫਾਹਦ ਕਾਜ਼ਵੇਅ ਅਥਾਰਟੀ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਐਕਸ' (X) 'ਤੇ ਇਸ ਦੀ ਪੁਸ਼ਟੀ ਕਰਦਿਆਂ ਦੱਸਿਆ ਕਿ ਬਹਿਰੀਨ ਅਤੇ ਅਰਬ ਪ੍ਰਾਇਦੀਪ ਵਿਚਕਾਰ ਸੜਕੀ ਸੰਪਰਕ ਦਾ ਇਹ ਇਕਲੌਤਾ ਰਸਤਾ ਹੁਣ ਪੂਰੀ ਤਰ੍ਹਾਂ ਚਾਲੂ ਹੈ। ਜ਼ਿਕਰਯੋਗ ਹੈ ਕਿ ਈਰਾਨੀ ਹਮਲਿਆਂ ਦੇ ਲਗਾਤਾਰ ਖ਼ਤਰੇ ਕਾਰਨ ਬਹਿਰੀਨ ਦਾ ਹਵਾਈ ਅੱਡਾ ਵੀ ਪਿਛਲੇ ਕਈ ਹਫ਼ਤਿਆਂ ਤੋਂ ਬੰਦ ਪਿਆ ਹੈ। ਇਸ ਪੁਲ ਨੂੰ ਉਸ ਸਮੇਂ ਅਚਾਨਕ ਬੰਦ ਕਰਨਾ ਪਿਆ ਜਦੋਂ ਈਰਾਨ ਵੱਲੋਂ ਦਾਗੀ ਗਈ ਇੱਕ ਬੈਲਿਸਟਿਕ ਮਿਜ਼ਾਈਲ ਨੇ ਸਊਦੀ ਅਰਬ ਨੂੰ ਨਿਸ਼ਾਨਾ ਬਣਾਇਆ। ਇਸ ਹਮਲੇ ਕਾਰਨ ਸਊਦੀ ਅਰਬ ਦੇ ਊਰਜਾ ਢਾਂਚੇ ਨੂੰ ਨੁਕਸਾਨ ਪਹੁੰਚਣ ਦਾ ਖ਼ਦਸ਼ਾ ਸੀ। ਹਾਲਾਂਕਿ, ਸਊਦੀ ਅਰਬ ਨੇ ਅਜੇ ਤੱਕ ਇਸ ਹਮਲੇ ਨਾਲ ਹੋਏ ਅਸਲ ਨੁਕਸਾਨ ਬਾਰੇ ਕੋਈ ਵਿਸਤ੍ਰਿਤ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਹੈ।