ਵਾਹਨ ਚਾਲਕਾਂ ਲਈ ਖ਼ਤਰੇ ਦੀ ਘੰਟੀ, ਟਰੈਫਿਕ ਪੁਲਸ ਦੇ ਨਵੇਂ ਫ਼ੈਸਲੇ ਨਾਲ ਲੱਗੇਗਾ ਤਗੜਾ ਝਟਕਾ

ਚੰਡੀਗੜ੍ਹ : ਸ਼ਹਿਰ ਦੀਆਂ ਸੜਕਾਂ ’ਤੇ ਟਰੈਫਿਕ ਨਿਯਮਾਂ ਦੀ ਆਦਤਨ ਉਲੰਘਣਾ ਕਰਨ ਵਾਲੇ ਵਾਹਨ ਚਾਲਕਾਂ ਨੂੰ ਸਬਕ ਸਿਖਾਉਣ ਦੀ ਦਿਸ਼ਾ ’ਚ ਕਦਮ ਚੁੱਕਦਿਆਂ ਚੀਫ਼ ਜੁਡੀਸ਼ੀਅਲ ਮੈਜਿਸਟਰੇਟ (ਸੀ.ਜੀ.ਐੱਮ.) ਕੋਰਟ ਨੇ ਸ਼ੁੱਕਰਵਾਰ ਨੂੰ ਇਕ ਵਿਅਕਤੀ ਨੂੰ 15 ਦਿਨਾਂ ਤੱਕ ਕਿਸੇ ਵੀ ਟਰੈਫ਼ਿਕ ਸਿਗਨਲ ’ਤੇ ਕਮਿਊਨਿਟੀ ਸੇਵਾ ਤਹਿਤ ਸੇਵਾ ਦੇਣ ਦਾ ਹੁਕਮ ਦਿੱਤਾ ਹੈ, ਇਸ ਸੇਵਾ ਦੌਰਾਨ ਉਸ ਨੂੰ ਇਹ ਵੀ ਯਕੀਨੀ ਬਣਾਉਣਾ ਹੋਵੇਗਾ ਕਿ ਲੋਕ ਟਰੈਫ਼ਿਕ ਸਬੰਧੀ ਨਿਯਮਾਂ ਦੀ ਪਾਲਣਾ ਕਰਨ। ਇਸ ਦੇ ਨਾਲ ਹੀ ਅਦਾਲਤ ਨੇ 222 ਵਾਰ ਟਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਦਾ ਮੁਲਜ਼ਮ ਪਾਏ ਗਏ ਵਿਅਕਤੀ ’ਤੇ 43 ਹਜ਼ਾਰ 400 ਰੁਪਏ ਦਾ ਜੁਰਮਾਨਾ ਵੀ ਲਗਾਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਮੁਲਜ਼ਮ ਵਿਅਕਤੀ ਨੂੰ ਜਾਰੀ ਕੀਤੇ ਗਏ ਕੁੱਲ 222 ਚਲਾਨਾਂ ਵਿਚੋਂ ਸਭ ਤੋਂ ਵੱਧ 168 ਚਲਾਨ ਓਵਰ ਸਪੀਡ ਅਤੇ 44 ਚਲਾਨ ਰੈੱਡ ਲਾਈਟ ਜੰਪਿੰਗ ਦੇ ਹਨ। ਇਸ ਤੋਂ ਇਲਾਵਾ ਮੁਲਜ਼ਮ ਵਿਅਕਤੀ ਵੱਲੋਂ ਕੀਤੇ ਗਏ ਕਈ ਟਰੈਫਿਕ ਉਲੰਘਣਾਵਾਂ ਦੇ ਚਲਾਨ ਸ਼ਾਮਲ ਹਨ।

ਸ਼ਹਿਰ ਦੀਆਂ ਸੜਕਾਂ ’ਤੇ ਆਦਤਨ ਟਰੈਫਿਕ ਨਿਯਮਾਂ ਦੀ ਉਲੰਘਣਾ ਦੀ ਸਮੱਸਿਆ ਨਾਲ ਨਜਿੱਠਣ ਲਈ ਟਰੈਫਿਕ ਪੁਲਸ ਨੇ ਅਜਿਹੇ ਅਪਰਾਧੀ ਦੀ ਪਛਾਣ ਕੀਤੀ ਅਤੇ ਇਹ ਮਾਮਲਾ ਜ਼ਿਲ੍ਹਾ ਅਦਾਲਤ ਅਤੇ ਰਜਿਸਟਰੇਸ਼ਨ ਅਤੇ ਲਾਇਸੈਂਸਿੰਗ ਅਥਾਰਟੀ (ਆਰ.ਐੱਲ.ਏ.) ਕੋਲ ਉਠਾਇਆ। ਜਿਸ ਦੇ ਤਹਿਤ ਸ਼ੁੱਕਰਵਾਰ ਨੂੰ ਸੀ.ਜੀ.ਐੱਮ. ਕੋਰਟ ਨੇ ਇਕ ਆਦਤਨ ਅਪਰਾਧੀ ਨੂੰ 222 ਵਾਰ ਟਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਦਾ ਮੁਲਜ਼ਮ ਪਾਇਆ। ਅਦਾਲਤ ਨੇ ਪਾਇਆ ਕਿ ਵਿਅਕਤੀ ਨੇ ਕੁੱਲ 222 ਵਾਰ ਟਰੈਫਿਕ ਨਿਯਮਾਂ ਦੀ ਉਲੰਘਣਾ ਕੀਤੀ ਹੈ। ਜਿਸ ਵਿਚ 168 ਵਾਰ ਓਵਰ ਸਪੀਡ, 44 ਰੈੱਡ ਲਾਈਟ ਜੰਪਿੰਗ ਅਤੇ ਹੋਰ ਗੰਭੀਰ ਟਰੈਫਿਕ ਉਲੰਘਣਾਵਾਂ ਕੀਤੀਆਂ ਗਈਆਂ ਹਨ।

ਮੁਲਜ਼ਮ ਉਲੰਘਣਕਰਤਾ ਵੱਲੋਂ ਕੀਤੀ ਗਈ ਉਲੰਘਣਾ ਨੂੰ ਗੰਭੀਰਤਾ ਨਾਲ ਲੈਂਦਿਆਂ ਸੀ.ਜੀ.ਐੱਮ. ਕੋਰਟ ਨੇ ਮੁਲਜ਼ਮ ਦਾ ਵਾਹਨ ਉਦੋਂ ਤੱਕ ਲਈ ਜ਼ਬਤ ਕਰ ਲਿਆ, ਜਦੋਂ ਤੱਕ ਕੋਈ ਡਰਾਈਵਿੰਗ ਲਾਇਸੈਂਸਧਾਰੀ ਵਿਅਕਤੀ ਅਦਾਲਤ ’ਚ ਉਲੰਘਣਾ ਕਰਨ ਵਾਲੇ ਦੀ ਤਰਫੋਂ ਪੇਸ਼ ਨਹੀਂ ਹੁੰਦਾ ਅਤੇ ਵਾਹਨ ਨੂੰ ਛੱਡਣ ਲਈ ਅਰਜ਼ੀ ਨਹੀਂ ਦਿੰਦਾ। ਅਦਾਲਤ ਨੇ ਉਲੰਘਣਾ ਲਈ ਮੁਲਜ਼ਮ ਵਿਅਕਤੀ ’ਤੇ 43,400 ਰੁਪਏ ਦਾ ਜੁਰਮਾਨਾ ਵੀ ਲਗਾਇਆ ਹੈ। ਇਸ ਦੇ ਨਾਲ ਹੀ 15 ਦਿਨਾਂ ਤੱਕ ਕਿਸੇ ਵੀ ਟਰੈਫਿਕ ਸਿਗਨਲ ’ਤੇ ਕਮਿਊਨਿਟੀ ਸੇਵਾ ਦੇਣ ਦੇ ਵੀ ਹੁਕਮ ਦਿੱਤੇ ਹਨ।

ਪੁਲਸ ਨੇ 10 ਹੋਰ ਟਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲਿਆਂ ਦੇ ਉਪਰੋਕਤ ਤੋਂ ਇਲਾਵਾ, ਪੁਲਸ ਨੇ ਸੀ.ਜੀ.ਐੱਮ. ਕੋਰਟ ਤੋਂ ਆਦਤਨ ਅਪਰਾਧੀਆਂ ਵਿਰੁੱਧ ਪ੍ਰਕਿਰਿਆ ਸ਼ੁਰੂ ਕਰਨ ਦੀ ਵੀ ਬੇਨਤੀ ਕੀਤੀ ਹੈ। ਟਰੈਫਿਕ ਪੁਲਸ ਨੇ ਅਜਿਹੇ ਹੀ 10 ਹੋਰ ਆਦਤਨ ਅਪਰਾਧੀਆਂ ਖ਼ਿਲਾਫ਼ ਮਾਮਲੇ ਤਿਆਰ ਕਰਕੇ ਸੀ.ਜੀ.ਐੱਮ. ਕੋਰਟ ’ਚ ਪੇਸ਼ ਕੀਤੇ ਹਨ। ਜਿਨ੍ਹਾਂ ’ਤੇ ਅਗਲੇਰੀ ਕਾਰਵਾਈ 17 ਫਰਵਰੀ 2025 ਨੂੰ ਹੋਣੀ ਤੈਅ ਕੀਤੀ ਗਈ ਹੈ।