ਖਰੜ/ਮੋਹਾਲੀ (ਪ੍ਰੀਤ ਪੱਤੀ) : ਰਿਆਤ ਬਾਹਰਾ ਯੂਨੀਵਰਸਿਟੀ ਦੇ ਸਕੂਲ ਆਫ ਫਿਜੀਓਥੈਰੇਪੀ ਅਤੇ ਰੇਡੀਓਲੋਜੀ ਦੇ ਵਿਭਾਗ ਨੇ ਕਲੀਅਰਮੇਡੀ ਬਾਹਰਾ ਮਲਟੀ ਸਪੈਸ਼ਲਿਟੀ ਹਸਪਤਾਲ ਦੇ ਸਹਿਯੋਗ ਨਾਲ ਤੀਜੇ ਨਿਰੰਤਰ ਮੈਡੀਕਲ ਸਿੱਖਿਆ ਸੀ ਐਮਈ ਦੇ ਨਾਲ ਵਿਸ਼ਵ ਫਿਜੀਓਥੈਰੇਪੀ ਦਿਵਸ 2022 ਮਨਾਇਆ।
ਇਸ ਸਾਲ ਦਾ ਵਿਸ਼ਾ " ਸਿਹਤਮੰਦ ਉਮਰ -ਫਿਜੀਓਥੈਰੇਪੀ ਅਤੇ ਸ਼ਰੀਰਿਕ ਗਤੀਵਿਧੀ ਦੀ ਭੂਮਿਕਾ " ਸੀ , ਜਿਸ ਨੇ ਬਜ਼ੁਰਗ ਆਬਾਦੀ ਵਿੱਚ ਗਤੀਸ਼ੀਲਤਾ , ਸੁਤੰਤਰਤਾ ਅਤੇ ਮਾਣ ਨੂੰ ਉਤਸਾਹਿਤ ਕਰਨ ਵਿੱਚ ਫਿਜੀਓਥੈਰੇਪੀ ਦੀ ਅਹਿਮ ਭੂਮਿਕਾ ਨੂੰ ਰੌਸ਼ਨ ਕੀਤਾ।
ਸਮਾਗਮ ਦੀ ਅਗਵਾਈ ਚਾਂਸਲਰ ਗੁਰਵਿੰਦਰ ਸਿੰਘ ਬਾਹਰਾ, ਗਰੁੱਪ ਵਾਈਸ ਚਾਂਸਲਰ ਪ੍ਰੋਫੈਸਰ ਡਾ. ਸੰਜੇ ਕੁਮਾਰ ਅਤੇ ਪ੍ਰੋ ਵਾਈਸ-ਚਾਂਸਲਰ ਡਾ. ਐਸ.ਕੇ. ਬਾਂਸਲ ਨੇ ਕੀਤੀ। ਪ੍ਰੋ ਡਾ. ਲਲਿਤ ਕੁਮਾਰ ਗੁਪਤਾ , ਡੀਨ , ਯੂਐਸਪੀਆਰ ਨੇ ਪ੍ਰੋਗਰਾਮ ਦੀ ਅਗਵਾਈ ਕੀਤੀ ਲਗਭਗ 300 ਵਿਦਿਆਰਥੀਆਂ, ਫੈਕਲਟੀ ਮੈਂਬਰਾਂ ਅਤੇ ਪਤਵੰਤਿਆਂ ਨੇ ਇਸ ਵਿੱਚ ਭਾਗ ਲਿਆ।
ਪ੍ਰੋਗਰਾਮ ਦੀ ਸ਼ੁਰੂਆਤ ਪ੍ਰੋ. (ਡਾ.)ਲਲਿਤ ਕੁਮਾਰ ਗੁਪਤਾ ਦੇ ਸਵਾਗਤੀ ਸੰਬੋਧਨ ਨਾਲ ਹੋਈ , ਜਿਨਾਂ ਨੇ ਅੰਤਰਰਾਸ਼ਟਰੀ ਦਾਖਲਿਆਂ , ਪਲੇਸਮੈਂਟ , ਆਊਟਰੀਚ ਪ੍ਰੋਗਰਾਮਾਂ ਅਤੇ ਜਨਤਕ ਸਿਹਤ ਵਿੱਚ ਯੂਨੀਵਰਸਟੀ ਦੀਆਂ ਪ੍ਰਾਪਤੀਆਂ ਸਾਂਝੀਆ ਕੀਤੀਆਂ। ਗਰੁੱਪ ਵਾਈਸ ਚਾਂਸਲਰ ਪ੍ਰੋ. ਡਾ. ਸੰਜੇ ਕੁਮਾਰ ਨੇ ਵਿਦਿਆਰਥੀਆਂ ਨੂੰ ਅਕਾਦਮਿਕ , ਖੋਜ ਅਤੇ ਕਲੀਨੀਕਲ ਅਭਿਆਸ ਨੂੰ ਏਕਸਾਰ ਕਰਕੇ ਸਿਹਤ ਸੰਭਾਲ ਵਿੱਚ ਉੱਤਮਤਾ ਹਾਸਲ ਕਰਨ ਲਈ ਪ੍ਰੇਰਿਤ ਕੀਤਾ।
ਗੈਸਟ ਆਫ ਆਨਰ ਵਜੋਂ ਕਲੀਅਰਮੇਡੀ ਬਾਹਰਾ ਮਲਟੀ-ਸਪੈਸ਼ਲਿਟੀ ਹਸਪਤਾਲ ਦੇ ਕਲਸਟਰ ਹੈਡ ਅਤੇ ਫੈਸਲਿਟੀ ਡਾਇਰੈਕਟਰ ਵਿਵਾਨ ਸਿੰਘ ਗਿੱਲ ਨੇ ਵਿਸ਼ੇਸ਼ ਭਾਸ਼ਣ ਦਿੱਤਾ ਅਤੇ ਆਰਵੀਯੂ ਦੇ ਵਿਦਿਆਰਥੀਆਂ ਲਈ ਸਟੂਡੈਂਟ ਵੈਲਨੈਸ ਕਾਰਡ ਲਾਂਚ ਕੀਤੇ । ਇਹ ਪਹਿਲਕਦਮੀ ਭਾਗੀਦਾਰਾਂ ਅਤੇ ਪਤਵੰਤਿਆਂ ਦੁਆਰਾ ਸਰਾਹੀ ਗਈ । ਕਲੀਅਰਮੇਡੀ ਦੇ ਆਰਥੋਪੈਡੀਕ ਸਰਜਨ ਡਾਕਟਰ ਵਿਕਾਸ ਮਹਿਰਾ ਨੇ ਵੀ ਸੈਸ਼ਨ ਨੂੰ ਸੰਬੋਧਨ ਕੀਤਾ।
ਸਮਾਰੋਹ ਦੀ ਮੁੱਖ ਮਹਿਮਾਨ ਚੰਡੀਗੜ੍ਹ ਦੀ ਮੇਅਰ ਹਰਪ੍ਰੀਤ ਕੌਰ ਬਬਲਾ , ਨੇ ਵਿਭਾਗ ਦੀ ਸਮਾਜਿਕ ਤੌਰ 'ਤੇ ਢੁਕਵੇਂ ਅਕਾਦਮਿਕ ਪ੍ਰੋਗਰਾਮਾਂ ਲਈ ਸ਼ਲਾਘਾ ਕੀਤੀ ਅਤੇ ਸਰਗਰਮ ਤੇ ਸਿਹਤਮੰਦ ਉਮਰ ਯਕੀਨੀ ਬਣਾਉਣ ਲਈ ਫਿਜੀਓਥੈਰੇਪੀ ਦੀ ਅਹਿਮ ਭੂਮਿਕਾ 'ਤੇ ਜੋਰ ਦਿੱਤਾ।
ਸਮਾਗਮ ਦੇ ਮੁੱਖ ਆਕਰਸ਼ਣ ਵਿਗਿਆਨਕ ਸੈਸ਼ਨ ਰਹੇ , ਜਿੱਥੇ ਮਾਹਿਰਾਂ ਨੇ ਉਮਰ ਵਧਣ ਦੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਨ ਲਈ ਸੂਝਵਾਨ ਕਲੀਨੀਕਲ ਦ੍ਰਿਸ਼ਟੀਕੋਣ ਅਤੇ ਸੰਪੂਰਨ ਪਹੁੰਚ ਸਾਂਝੀਆਂ ਕੀਤੀਆਂ ।ਇਹਨਾਂ ਸੈਸ਼ਨਾਂ ਨੇ ਭਾਗੀਦਾਰਾਂ ਦੇ ਗਿਆਨ ਨੂੰ ਸਮਰਿਧ ਕੀਤਾ ਅਤੇ ਸਿਹਤ ਸੰਭਾਲ ਵਿੱਚ ਫਿਜੀਓਥੈਰੇਪੀ ਦੀ ਮਹੱਤਤਾ ਉਜਾਗਰ ਕੀਤੀ।