ਸੁਨਾਮ (ਰਮੇਸ਼ ਗਰਗ) : ਮਾਸਟਰ ਬਿਹਾਰੀ ਲਾਲ ਸ਼ਰਮਾਂ ਦੀ ਪਵਿੱਤਰ ਯਾਦ ਨੂੰ ਸਮਰਪਿਤ ਸ਼੍ਰੀ ਸਿੱਧ ਬਾਬਾ ਬਾਲਕ ਨਾਥ ਜਾਗਰਣ ਕਮੇਟੀ (ਰਜਿ: 8205) ਸੁਨਾਮ (ਸੰਗਰੂਰ) ਵੱਲੋਂ ਸ੍ਰੀ ਸਿੱਧ ਬਾਬਾ ਬਾਲਕ ਨਾਥ ਜੀ ਦਾ 26ਵਾਂ ਵਿਸ਼ਾਲ ਜਾਗਰਣ
ਮਿਤੀ 4 ਅਕਤੂਬਰ, ਦਿਨ ਸ਼ਨੀਵਾਰ ਨੂੰ ਸ਼ਿਵ ਨਿਕੇਤਨ ਧਰਮਸ਼ਾਲਾ, ਸੁਨਾਮ ਵਿੱਚ ਕਰਵਾਇਆ ਜਾ ਰਿਹਾ ਹੈ।
ਪ੍ਰੋਗਰਾਮ ਦੀ ਜਾਣਕਾਰੀ ਦਿੰਦੇ ਹੋਏ ਸ਼੍ਰੀ ਸਿੱਧ ਬਾਬਾ ਬਾਲਕ ਨਾਥ ਜਾਗਰਣ ਕਮੇਟੀ ਸੁਨਾਮ ਦੇ ਸਰਪ੍ਰਸਤ ਪ੍ਰਮੋਦ ਹੋਡਲਾ ,ਚੇਅਰਮੈਨ ਰਾਕੇਸ਼ ਕੁਮਾਰ (ਭੋਲਾ), ਪ੍ਰਧਾਨ ਪਰਮਾਨੰਦ ਕਾਂਸਲ , ਜਰਨਲ ਸੱਕਤਰ ਪੰਕਜ ਕੁਮਾਰ (ਰਿੰਪੀ) ਅਤੇ ਸੱਕਤਰ ਫਾਇਨਾਂਸ ਅਸ਼ਵਨੀ ਕੁਮਾਰ (ਆਸੂ) ਨੇ ਮੀਡੀਆ ਨੂੰ ਇਸ ਵੱਡੇ ਧਾਰਮਿਕ ਪ੍ਰੋਗਰਾਮ ਦੀ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ ਅਮਨ ਅਰੋੜਾ ਕੈਬਨਿਟ ਮੰਤਰੀ, ਪੰਜਾਬ ਸਰਕਾਰ ਮੁੱਖ ਮਹਿਮਾਨ ਹੋਣਗੇ। ਇੰਜ: ਵਿਨਰਜੀਤ ਸਿੰਘ ਗੋਲਡੀ,ਜਨਰਲ ਸਕੱਤਰ ਸ਼੍ਰੋਮਣੀ ਅਕਾਲੀ ਦਲ, ਹਲਕਾ ਇੰਚਾਰਜ ਸੰਗਰੂਰ ਵਿਸੇਸ਼ ਮਹਿਮਾਨ ਵਜੋਂ ਸ਼ਿਰਕਤ ਕਰਨਗੇ ਅਤੇ ਬਾਬਾ ਜੀ ਦੀ ਮਹਿਮਾ ਦਾ ਗੁਣਗਾਨ ਸ੍ਰੀ ਸਿੱਧ ਬਾਬਾ ਬਾਲਕ ਨਾਥ ਦੁਰਗਾ ਭਜਨ ਮੰਡਲੀ ਨੰਗਲ ਟਾਊਨਸ਼ਿਪ (ਪੰਜਾਬ) ਕਰੇਗੀ।
ਪ੍ਰੋਗਰਾਮ ਅਨੁਸਾਰ ਮਿਤੀ 4 ਅਕਤੂਬਰ, ਦਿਨ ਸ਼ਨੀਵਾਰ ਨੂੰ ਜਯੋਤੀ ਪ੍ਰਚੰਡ ਦਾ ਸਮਾਂ 8:15 ਵਜੇ ਰਾਤ ਰਵੇਗਾ ਅਤੇ ਮਿਤੀ 5 ਅਕਤੂਬਰ , ਦਿਨ ਐਤਵਾਰ ਨੂੰ ਆਰਤੀ ਅਤੇ ਭੋਗ ਦਾ ਸਮਾਂ ਸਵੇਰੇ 2:00 ਦਾ ਹੋਵੇਗਾ। ਕਮੇਟੀ ਵਲੋਂ ਸਾਰੇ ਭਗਤਾਂ ਨੂੰ ਸਹਿ-ਪਰਿਵਾਰ ਖੁੱਲਾ ਸੱਦਾ ਦਿੰਦੇ ਹੋਏ ਸਮੇਂ ਅਨੁਸਾਰ ਪਹੁੰਚ ਕੇ ਬਾਬਾ ਜੀ ਦੇ ਦਰਸ਼ਨ ਕਰਕੇ ਜੀਵਨ ਸਫਲ ਕਰਨ ਦੀ ਬੇਨਤੀ ਕੀਤੀ ਗਈ। ਕਹਿੰਦੇ ਨੇ ਜਿਸ ਵੀ ਭਗਤ ਨੇ ਸ਼ਰਦਾ ਨਾਲ ਬਾਬਾ ਜੀ ਦੇ ਦਰਬਾਰ ਤੇ ਮੱਥਾ ਟੇਕਿਆ ਮਨ ਮੰਗੀ ਮੁਰਾਦ ਪੂਰੀ ਕਰਕੇ ਗਿਆ ਹੈ ।