ਮਾਂ ਭਦਰਕਾਲੀ ਬਗਲਾਮੁਖੀ ਧਾਮ ਗਾਰਡਨ ਕਲੋਨੀ ਵਿੱਚ ਸ੍ਰੀ ਨਵ ਚੰਡੀ ਮਹਾਂ ਯੱਗ ਤੇ ਕਲਸ਼ ਯੋਗ ਸਾਧਨਾ ਆਯੋਜਿਤ

ਖਰੜ (ਪ੍ਰੀਤ ਪੱਤੀ) : ਨਿਊ ਗਾਰਡਨ ਕਲੋਨੀ ਸਥਿਤ ਮਾਂ ਭਦ੍ਰਕਾਲੀ ਬਗਲਾਮੁਖੀ ਧਾਮ ਵਿੱਚ ਸ਼ਹਿਰ ਵਾਸੀਆਂ ਤੇ ਪੰਜਾਬ, ਹਿਮਾਚਲ ਵਿਚ ਆਫ਼ਤ ਤੋਂ ਪ੍ਰਭਾਵਿਤ ਖੇਤਰਾਂ ਦੇ ਵਿਕਾਸ ਲਈ ਮਾਤਾ ਰਾਣੀ ਦਾ ਮਹਾਂ ਯੱਗ ਕੀਤਾ ਜਾ ਰਿਹਾ ਹੈ ਜੋਕਿ 22 ਸਤੰਬਰ ਤੋਂ 1 ਅਕਤੂਬਰ ਤੱਕ ਚੱਲੇਗਾ।ਇਸ ਬਾਰੇ ਮਾਂ ਬਗਲਾਮੁਖੀ ਧਾਮ ਵੱਲੋਂ ਦੱਸਿਆ ਗਿਆ ਕਿ ਇਸ ਯੱਗ ਵਿੱਚ ਮਹੰਤ ਰੰਜਨਦਾਸ ਜੀ ਜੋਕਿ ਮਾਂ ਰਾਜ ਰਾਜੇਸਵਰੀ ਦੇ ਭਗਤ ਹਨ ਇਸ ਨਵਰਾਤਰਿਆਂ ਵਿੱਚ ਚੱਲ ਰਹੇ ਯੱਗ ਦੌਰਾਨ ਪੂਰੇ ਨਵਰਾਤਰੇ ਮਾਤਾ ਰਾਣੀ ਦਾ ਕਲਸ਼ ਆਪਣੀ ਛਾਤੀ ਤੇ ਰੱਖ ਕੇ ਬਿਨਾਂ ਭੋਜਨ ਅਤੇ ਪਾਣੀ ਤੋਂ 1-25 ਲੱਖ ਮੰਤਰਾਂ ਦਾ ਜਾਪ ਕਰਨਗੇ। ਉਹਨਾਂ ਦੱਸਿਆ ਕਿ ਵੈਦਿਕ ਬ੍ਰਾਹਮਣਾਂ ਦੁਆਰਾ ਹਰ ਰੋਜ਼ 12500 ਮੰਤਰਾਂ ਦੀ ਵਰਤੋਂ ਕਰਕੇ ਹਵਨ ਕੀਤਾ ਜਾਵੇਗਾ। ਉਹਨਾਂ ਦੱਸਿਆ ਕਿ ਇਹ ਪ੍ਰੋਗਰਾਮ ਲਗਾਤਾਰ ਨੌ ਦਿਨ ਅਤੇ ਰਾਤਾਂ ਜਾਰੀ ਰਹੇਗਾ। ਇਸ ਮੌਕੇ ਭਗਤੀ ਤੇ ਬੈਠੇ ਮਹੰਤ ਰੰਜਨਦਾਸ ਜੀ ਨੇ ਦੱਸਿਆ ਕਿ ਮਾਂ ਦੇ ਵੀ ਜੋ ਹਰ ਤਰ੍ਹਾਂ ਦੀਆਂ ਰੁਕਾਵਟਾਂ ਤੋਂ ਰਾਹਤ ਦਿੰਦੀ ਹੈ ਅਤੇ ਧਨ ਅਤੇ ਖੁਸ਼ਹਾਲੀ ਵਧਾਉਂਦੀ ਹੈ ਤੇ ਸ਼ਰਧਾਲੂਆਂ ਤੇ ਆਪਣਾ ਆਸ਼ੀਰਵਾਦ ਬਣਾਈ ਰੱਖਦੀ ਹੈ। ਉਨ੍ਹਾਂ ਸ਼ਹਿਰ ਨਿਵਾਸੀਆਂ ਅਪੀਲ ਕਰਦੇ ਅਪੀਲ ਕਰਦਿਆਂ ਕਿਹਾ ਕਿ ਸਾਰੇ ਸ਼ਰਧਾਲੂਆਂ ਨੂੰ ਇਸ ਯੱਗ ਵਿੱਚ ਹਿੱਸਾ ਲੈਣ ਅਤੇ ਯੱਗ ਦਰਸ਼ਨ, ਪਰਿਕਰਮਾ ਕੀਰਤਨ ,ਪੂਜਾ ਅਤੇ ਆਰਤੀ ਵਿੱਚ ਪਹੁੰਚ ਆਪਣੀ ਹਾਜ਼ਰੀ ਜਰੂਰ ਲਗਵਾਉਣ।