ਬੀ. ਐੱਲ ਐੱਮ ਗਰਲਜ਼ ਕਾਲਜ ਵਿਖੇ ਐਨ ਐੱਸ ਐੱਸ ਦਿਵਸ ਮਨਾਇਆ ਗਿਆ

ਨਵਾਂਸ਼ਹਿਰ  (ਮਨੋਰੰਜਨ ਕਾਲੀਆ) - ਬੀ. ਐੱਲ ਐੱਮ  ਗਰਲਜ਼ ਕਾਲਜ ਵਿਖੇ ਐਨ ਐੱਸ ਐੱਸ ਯੂਨਿਟ ਦੇ ਇੰਚਾਰਜ ਪ੍ਰੋ  ਹਰਦੀਪ ਕੌਰ ਦੀ ਦੇਖ ਰੇਖ 'ਚ ਐਨ ਐੱਸ ਐੱਸ ਦਿਵਸ  ਨੂੰ ਉਤਸ਼ਾਹਪੂਰਵਕ ਮਨਾਇਆ ਗਿਆ। ਇਸ ਮੌਕੇ ਵਿਦਿਆਰਥਣਾਂ ਨੂੰ  ਐਨ ਐੱਸ ਐੱਸ ਦੀਆਂ ਗਤੀਵਿਧੀਆਂ ਬਾਰੇ ਜਾਣਕਾਰੀ ਦਿੱਤੀ ਗਈ ਅਤੇ ਸਮਾਜ ਸੇਵਾ ਦੇ ਮੁੱਲਾਂ ਨਾਲ ਜਾਣੂ ਕਰਵਾਇਆ ਗਿਆ। ਕਾਰਜਕ੍ਰਮ ਦੀ ਸ਼ੁਰੂਆਤ ਮੁੱਖ ਮਹਿਮਾਨਾਂ ਡਾ. ਚਰਨਜੀਤ ਕੌਰ ਮਾਨ ( ਰਿਟਾਇਰਡ ਪ੍ਰਿੰਸੀਪਲ ਮਕੁੰਦਪੁਰ ਕਾਲਜ) ਅਤੇ ਸ. ਜਸਪਾਲ ਸਿੰਘ ਗਿੱਧਾ (ਸਮਾਜ ਸੇਵਕ), ਕਾਲਜ ਮੈਨੇਜਿੰਗ ਕੈਮੇਟੀ ਦੇ ਸਕੱਤਰ ਸ਼੍ਰੀ ਵਿਨੋਦ ਭਾਰਦਵਾਜ ਦੇ ਹੱਥੋਂ ਦੀਪ ਪ੍ਰਜਵੱਲਿਤ ਕਰਕੇ ਹੋਈ। ਉਨ੍ਹਾਂ ਨੇ ਵਿਦਿਆਰਥਣਾਂ ਨੂੰ ਐਨ ਐੱਸ ਐੱਸ ਦੇ ਸਿਧਾਂਤ “Not Me But You” ਸਮਾਜ ਸੇਵਾ, ਸਮਾਜ ਦੀ ਭਲਾਈ ਲਈ ਨਿਸ਼ਕਾਮ ਭਾਵ ਨਾਲ ਕੰਮ ਕਰਨਾ। ਨੇਤ੍ਰਤਵ ਤੇ ਟੀਮਵਰਕ ਮਿਲ ਕੇ ਕੰਮ ਕਰਨਾ ਅਤੇ ਹੋਰਨਾਂ ਨੂੰ ਪ੍ਰੇਰਿਤ ਕਰਨਾ। ਸਵੈ-ਅਨੁਸ਼ਾਸਨ- ਜ਼ਿੰਮੇਵਾਰੀ ਨਾਲ ਕੰਮ ਕਰਨ ਦੀ ਆਦਤ ਵਿਕਸਿਤ ਕਰਨਾ। ਰਾਸ਼ਟਰੀ ਏਕਤਾ - ਧਰਮ, ਜਾਤ, ਭਾਸ਼ਾ ਤੋਂ ਉਪਰ ਹੋ ਕੇ ਰਾਸ਼ਟਰ ਦੀ ਸੇਵਾ ਕਰਨੀ। ਸਮਾਜਿਕ ਜਾਗਰੂਕਤਾ - ਅਸ਼ਿੱਖਤਾ, ਗਰੀਬੀ, ਬਿਮਾਰੀਆਂ, ਪ੍ਰਦੂਸ਼ਣ ਵਰਗੀਆਂ ਸਮੱਸਿਆਵਾਂ ਬਾਰੇ ਲੋਕਾਂ ਨੂੰ ਜਾਗਰੂਕ ਕਰਨਾ। ਪਰੀਆਵਰਨ ਸੰਰੱਖਣ - ਰੁੱਖ ਲਗਾਉਣਾ, ਸਫ਼ਾਈ ਰੱਖਣਾ ਅਤੇ ਕੁਦਰਤ ਦੀ ਸੰਭਾਲ ਕਰਨਾ।ਦੀ ਮਹੱਤਤਾ ਬਾਰੇ ਪ੍ਰੇਰਕ ਵਿਚਾਰ ਸਾਂਝੇ ਕੀਤੇ। ਇਸ ਮੌਕੇ ਐਨ ਐੱਸ ਐੱਸ ਵਾਲੰਟੀਅਰਾਂ,  ਮੁੱਖ ਮਹਿਮਾਨਾਂ ਡਾ. ਚਰਨਜੀਤ ਕੌਰ ਮਾਨ ( ਰਿਟਾਇਰਡ ਪ੍ਰਿੰਸੀਪਲ ਮਕੁੰਦਪੁਰ ਕਾਲਜ)ਅਤੇ ਸ. ਜਸਪਾਲ ਸਿੰਘ ਗਿੱਧਾ (ਸਮਾਜ ਸੇਵਕ) ਵੱਲੋਂ ਪੌਧਾ  ਲਗਾਉਣ ਦੀ ਰਸਮ ਅਦਾ ਕੀਤੀ ਗਈ । ਕਾਲਜ ਪ੍ਰਿੰਸੀਪਲ ਸ੍ਰੀਮਤੀ ਤਰਨਪ੍ਰੀਤ ਕੌਰ ਵਾਲਿਆ ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਐਨ ਐੱਸ ਐੱਸ ਵਿਦਿਆਰਥਣਾਂ ਨੂੰ ਕੇਵਲ ਸਿੱਖਿਆ ਹੀ ਨਹੀਂ ਦਿੰਦਾ ਸਗੋਂ ਉਨ੍ਹਾਂ ਵਿੱਚ ਸਮਾਜ ਪ੍ਰਤੀ ਜ਼ਿੰਮੇਵਾਰੀ ਅਤੇ ਸੇਵਾ ਭਾਵਨਾ ਵੀ ਪੈਦਾ ਕਰਦਾ ਹੈ। ਮੰਚ ਸੰਚਾਲਨ ਪ੍ਰੋ ਸੋਨੀਆ ਅੰਗਰਿਸ਼ ਨੇ ਕੀਤਾ।  ਕਾਰਜਕ੍ਰਮ ਵਿੱਚ ਸਮੂਹ ਸਟਾਫ ਮੇਂਬਰ ਅਤੇ 100 ਵਿਦਿਆਰਥਣਾਂ  ਨੇ ਹਿੱਸਾ ਲਿਆ ਅਤੇ ਸਮਾਰੋਹ ਨੂੰ ਸਫ਼ਲ ਬਣਾਇਆ।