ਬੀ.ਡੀ.ਸੀ. ਲਾਈਫ ਮੈਂਬਰ ਮੀਟਿੰਗ ਵਲੋਂ ਖੂਨਦਾਨ ਤੇ ਲੈਬ ਟੈਸਟ ਸੇਵਾਵਾਂ ਵਿੱਚ ਲੋੜਵੰਦਾਂ ਦੀ ਮੱਦਦ ਜਾਰੀ ਰੱਖਣ ਦਾ ਅਹਿਦ

ਨਵਾਂਸ਼ਹਿਰ (ਮਨੋਰੰਜਨ ਕਾਲੀਆ) : ਸਥਾਨਕ ਬਲੱਡ ਡੋਨਰਜ਼ ਕੌਂਸਲ ਦੇ ਲਾਈਫ ਮੈਂਬਰਜ਼ ਦੀ ਸਲਾਨਾ ਮੀਟਿੰਗ ਦੀ ਪ੍ਰਧਾਨਗੀ ਸੁਲਕਸ਼ਨ ਸਰੀਨ, ਡਾ.ਵਿਸ਼ਵ ਮੋਹਿਨੀ, ਜੇ ਐਸ ਗਿੱਦਾ ਤੇ ਪ੍ਰਵੇਸ਼ ਕੁਮਾਰ ਤੇ ਅਧਾਰਿਤ ਪ੍ਰਧਾਨਗੀ ਮੰਡਲ ਨੇ ਕੀਤੀ। ਇਸ ਮੌਕੇ ਡਾ.ਅਜੇ ਬੱਗਾ, ਅੰਜੂ ਸਰੀਨ, ਰਾਜਿੰਦਰ ਕੌਰ ਗਿੱਦਾ, ਨੋਬਲ ਸਰੀਨ, ਯੁਵਰਾਜ ਕਾਲ੍ਹੀਆ, ਰੇਖਾ ਜੈਨ, ਨਰਿੰਦਰ ਸਿੰਘ ਭਾਰਟਾ, ਭੁਪਿੰਦਰ ਸਿੰਘ ਰਾਣਾ ਦੀ ਮੌਜੂਦਗੀ ਵਿੱਚ ਸਵਾਗਤੀ ਸ਼ਬਦ ਪ੍ਰਵੇਸ਼ ਕੁਮਾਰ ਵਲੋਂ ਉਚਾਰੇ ਗਏ ਤੇ ਸਲਾਨਾ ਰਿਪੋਰਟ ਸਕੱਤਰ ਜੇ ਐਸ ਗਿੱਦਾ ਵਲੋਂ ਪੇਸ਼ ਕੀਤੀ ਗਈ। ਸਲਾਨਾ ਰਿਪੋਰਟ ਵਿੱਚ ਜਿਕਰ ਕੀਤਾ ਗਿਆ ਕਿ ਬੀਤੇ ਵਿਤੀ ਸਾਲ ਦੌਰਾਨ 69 ਖੂਨਦਾਨ ਕੈਂਪ ਅਤੇ 07 ਬਲੱਡ ਗਰੁਪਿੰਗ ਕੈਂਪ ਆਯੋਜਿਤ ਕੀਤੇ ਗਏ। ਸਲਾਨਾ ਵਿਤੀ ਰਿਪੋਰਟ ਰਾਹੀਂ ਹਾਊਸ ਨੂੰ ਜਾਣੂ ਕਰਵਾਇਆ ਗਿਆ ਕਿ ਪਿਛਲੇ ਬੀਤੇ ਵਿਤੀ ਸਾਲ ਦੌਰਾਨ ਲੋੜਵੰਦਾਂ ਨੂੰ ਬਲੱਡ ਸੈਂਟਰ ਫੀਸਾਂ ਵਿੱਚ ਦੋ ਲੱਖ ਛੱਬੀ ਹਜਾਰ ਤੋਂ ਵੱਧ ਅਤੇ ਲੈਬ ਟੈਸਟਾਂ ਵਿੱਚ ਛਪੰਜਾ ਹਜਾਰ ਤੋਂ ਵੱਧ ਰੁਪਏ ਦੀ ਮਦੱਦ ਕੀਤੀ ਗਈ ਜਿਸ ਦੀ ਤਾੜੀਆਂ ਰਾਹੀਂ ਪ੍ਰਸੰਸਾ ਕੀਤੀ ਗਈ। ਖੂਨਦਾਨ ਭਵਨ ਤੋਂ ਦਿਨ ਰਾਤ ਦੀਆਂ ਸੇਵਾਵਾਂ ਕਾਰਨ ਸਟਾਫ ਦੀ ਕੁੱਲ ਗਿਣਤੀ 28 ਹੈ ਜਿਹਨਾਂ ਵਿੱਚ ਦੋ ਬੀ.ਟੀ.ਓਜ਼, ਇੱਕ ਮੈਨੇਜਰ ਅਤੇ ਪੰਝੀ ਹੋਰ ਵੱਖ ਵੱਖ ਅਸਾਮੀਆਂ ਹਨ। ਦੱਸਿਆ ਗਿਆ ਕਿ ਇਸ ਸੰਸਥਾ ਵਲੋਂ, ਖੂਨਦਾਨ ਸੇਵਾਵਾਂ ਵਾਸਤੇ ਸਿਹਤ ਵਿਭਾਗ ਦੁਆਰਾ ਨਿਰਧਾਰਤ ਫੀਸਾਂ ਤੋਂ ਵੀ ਘੱਟ ਫੀਸਾਂ ਚਾਰਜ ਕੀਤੀਆਂ ਜਾਂਦੀਆਂ  ਹਨ। ਇਸ ਤੋਂ ਇਲਾਵਾ ਥੈਲੇਸੀਮੀਆ ਤੇ ਕਿਡਨੀ ਵਰਗੀਆਂ ਕਰੌਨਿਕ ਬਿਮਾਰੀਆਂ ਤੋਂ ਪੀੜਤ ਮਰੀਜ਼ਾਂ ਦੀ ਵਿਸ਼ੇਸ਼ ਮਦੱਦ ਕੀਤੀ ਜਾਂਦੀ ਹੈ। ਰਿਪੋਰਟ ਵਿੱਚ ਦੱਸਿਆ ਗਿਆ ਕਿ ਫੀਲਡ ਵਿੱਚ ਲੱਗਣ ਵਾਲ੍ਹੇ ਖੂਨਦਾਨ ਕੈਂਪਾਂ ਲਈ ਇੱਕ ਵੱਡੀ ਬੱਸ, ਇੱਕ ਵੈਨ ਤੇ ਵੱਡੇ ਬਿਜਲੀ ਬਿੱਲਾਂ ਤੋਂ ਬਚਣ ਲਈ 25 ਕਿਲੋਵਾਟ ਦਾ ਸੋਲਰ-ਪਾਵਰ ਪਲਾਂਟ ਸਥਾਪਿਤ ਕੀਤਾ ਗਿਆ ਹੈ ਜਿਸ ਕਰਕੇ ਵੱਡੇ ਖਰਚਿਆਂ ਨੂੰ ਸਹਿਣ ਲਈ ਫੰਡ-ਰੇਜ਼ਿੰਗ ਤੇ ਕਰਜ਼ਾ-ਯੋਜਨਾ ਦਾ ਸਹਾਰਾ ਲੈਣਾ ਪਿਆ। ਇਸ ਮੌਕੇ ਫੰਡ ਰੇਜ਼ਿੰਗ ਅਧੀਨ ਇੱਕ ਪ੍ਰੀਵਾਰ ਵਲੋਂ ਦੂਜੀ ਮੰਜ਼ਿਲ ਤੇ ਬਣੇ ਬਹੁ-ਮੰਤਵੀ ਹਾਲ ਦਾ ਨਾਮ ਦਾਨੀ ਪ੍ਰੀਵਾਰ ਦੀ ਇੱਛਾ ਅਨੁਸਾਰ “ਜੀ.ਏ.ਵੀ.ਸਰੀਨ ਹਾਲ” ਰੱਖਣ ਦੀ ਪੇਸ਼ਕਸ਼ ਨੂੰ ਸਰਵਸੰਮਤੀ ਨਾਲ੍ਹ ਪ੍ਰਵਾਨ ਕੀਤਾ ਗਿਆ। ਇਸ ਮੌਕੇ ਡਾ. ਦਿਆਲ ਸਰੂਪ, ਡਾ.ਨਿੱਕੀਤਾ ਪੁਰੀ ਚਰਨਪ੍ਰੀਤ ਸਿੰਘ ਲਾਡੀ, ਪੁਨੀਤ ਸਰੀਨ, ਗੌਰਵ ਸਰੀਨ, ਡਾ.ਨਿੱਤੀਕਾ ਸਰੀਨ, ਵਿਭੂਤੀ ਸਰੀਨ, ਡਾ. ਸੁੱਖਇੰਦਰ ਕੌਰ ਨਾਗਰਾ, ਰਜਨੀਸ਼ ਜੈਨ, ਸਾਕਸ਼ੀ ਜੈਨ,ਪਲਵਿੰਦਰ ਕੌਰ ਬਡਵਾਲ੍ਹ, ਪ੍ਰਿੰਸੀਪਲ ਬਿਕਰਮਜੀਤ ਸਿੰਘ, ਕਮਲਜੀਤ ਕੌਰ, ਡਾ.ਸੁਸ਼ਮਾ ਆਰੀਆ, ਹੁਸ਼ਿਆਰਪੁਰ ਤੋਂ ਭੈਣ ਭਰਾ ਡਾ.ਅਸੀਮ ਬੱਗਾ,ਆਸਥਾ ਬੱਗਾ, ਭੁਪਿੰਦਰਪਾਲ ਸਿੰਘ ਸੈਣੀ, ਵਿਨੋਦ ਕੁਮਾਰ, ਵਿਨੇ ਕੁਮਾਰ ਸਿੱਕਾ, ਹਿਤੇਂਦਰ ਖੰਨਾ, ਦੇਸ ਰਾਜ ਬਾਲੀ, ਰਾਜੀਵ ਭਾਰਦਵਾਜ, ਮੁਕੇਸ਼ ਕਾਹਮਾ,ਅਨੀਤਾ ਕੁਮਾਰੀ, ਦ੍ਰਿਸ਼ਟੀ ਤੇ ਨਿਸ਼ਤ ਹਾਜਰ ਸਨ। ਵਿਦੇਸ਼ ਤੋਂ ਜੀ ਐਸ ਤੂਰ, ਜੋਗਾ ਸਿੰਘ ਸਾਧੜਾ ਵਲੋਂ ਵਿਸ਼ੇਸ਼ ਸੰਦੇਸ਼ ਭੇਜ ਕੇ ਖੂਨਦਾਨ ਲਹਿਰ ਲਈ ਸ਼ੁੱਭ ਕਾਮਨਾਵਾਂ ਪੜ੍ਹੀਆਂ ਗਈਆਂ । ਮਨਮੀਤ ਸਿੰਘ ਮੈਨੇਜਰ ਵਲੋਂ ਵਿਛੜੇ ਸੰਸਥਾਪਿਕ ਮੈਂਬਰਾਂ ਸਵ:ਕੈਪਟਨ ਆਈ.ਜੇ.ਸਰੀਨ ਤੇ ਸਵ:ਪੀ.ਆਰ.ਕਾਲ੍ਹੀਆ ਨੂੰ ਯਾਦ ਕਰਦਿਆਂ ਸ਼ਰਧਾਂਜਲੀ ਭੇਟ ਕੀਤੀ ਗਈ। ਪ੍ਰਧਾਨ ਐਸ.ਕੇ.ਸਰੀਨ ਵਲੋਂ ਬੀ.ਡੀ.ਸੀ. ਲਾਈਫ ਮੈਂਬਰਜ਼ ਦਾ ਧੰਨਵਾਦ ਕੀਤਾ ਗਿਆ ਤੇ ਮੀਟਿੰਗ ਦੀ ਸੰਪੂਰਨਤਾ ਕੀਤੀ।