ਮੁੰਬਈ : ਅਦਾਕਾਰ ਕਰਣ ਵੀਰ ਮਹਿਰਾ ਨੂੰ ਆਪਣੀ ਆਉਣ ਵਾਲੀ ਫਿਲਮ “ਸਿਲਾ” ਦੀ ਸ਼ੂਟਿੰਗ ਦੌਰਾਨ ਪੈਰ 'ਤੇ ਗੰਭੀਰ ਸੱਟ ਲੱਗੀ ਗਈ ਹੈ। ਸੱਟ ਦੇ ਬਾਵਜੂਦ ਉਨ੍ਹਾਂ ਨੇ ਸ਼ੂਟਿੰਗ ਰੋਕਣ ਤੋਂ ਇਨਕਾਰ ਕਰ ਦਿੱਤਾ ਅਤੇ ਆਪਣੀ ਕੰਮ ਪ੍ਰਤੀ ਵਚਨਬੱਧਤਾ ਨੂੰ ਸਭ ਤੋਂ ਵੱਧ ਤਰਜੀਹ ਦਿੱਤੀ। ਕਰਣ ਨੇ ਕਿਹਾ, “ਕਮਿਟਮੈਂਟ ਇੱਕ ਵਾਅਦਾ ਹੈ ਜਿਸ ਨੂੰ ਤੁਸੀਂ ਤੋੜਦੇ ਨਹੀਂ ਹੋ। ਅਸਲੀ ਕਸੌਟੀ ਉਹ ਹੈ ਜਦੋਂ ਤੁਸੀਂ ਅਸੁਵਿਧਾ ਦੇ ਬਾਵਜੂਦ ਆਪਣਾ ਵਾਅਦਾ ਨਿਭਾਓ।”
ਕਰਣ ਵੀਰ ਮਹਿਰਾ, ਜੋ ਬਿਗ ਬੌਸ 18 ਦੇ ਮੁਕਾਬਲੇਬਾਜ਼ ਵੀ ਰਹੇ ਹਨ, ਨੇ ਦੱਸਿਆ ਕਿ ਫਿਲਮ ਦੀ ਸ਼ੂਟਿੰਗ ਦੌਰਾਨ ਕਈ ਦਿਨ ਸਰੀਰਕ ਤੌਰ ’ਤੇ ਬਹੁਤ ਮੁਸ਼ਕਲ ਰਹੇ। ਫਿਰ ਵੀ ਉਨ੍ਹਾਂ ਨੇ ਆਪਣੇ ਧਿਆਨ ਅਤੇ ਤਿਆਰੀ ਵਿੱਚ ਕੋਈ ਕਮੀ ਨਹੀਂ ਆਉਣ ਦਿੱਤੀ। ਉਨ੍ਹਾਂ ਨੇ ਆਪਣੀ ਟ੍ਰੇਨਿੰਗ ਵਿੱਚ ਤਬਦੀਲੀਆਂ ਕੀਤੀਆਂ ਅਤੇ ਰਿਕਵਰੀ ਪ੍ਰਤੀ ਖ਼ਾਸ ਧਿਆਨ ਦਿੱਤਾ ਤਾਂ ਜੋ ਉਨ੍ਹਾਂ ਦੀ ਪਰਫਾਰਮੈਂਸ ’ਤੇ ਕੋਈ ਅਸਰ ਨਾ ਪਏ।
ਕਰਣ ਨੇ ਕਿਹਾ ਕਿ “ਸਿਲਾ” ਵਰਗੇ ਪ੍ਰੋਜੈਕਟ ਵਿੱਚ ਬੇਸ਼ੁਮਾਰ ਰਚਨਾਤਮਕ ਦਿਮਾਗ ਅਤੇ ਮਿਹਨਤੀ ਟੀਮ ਜੁੜੀ ਹੈ। ਮੇਰੇ ਲਈ ਇਹ ਸਿਰਫ਼ ਆਪਣਾ ਕੰਮ ਕਰਨ ਬਾਰੇ ਨਹੀਂ, ਸਗੋਂ ਪੂਰੇ ਸਮੂਹ ਦੇ ਯਤਨਾਂ ਦਾ ਆਦਰ ਕਰਨ ਬਾਰੇ ਹੈ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਸੱਟਾਂ ਤਾਂ ਠੀਕ ਹੋ ਜਾਂਦੀਆਂ ਹਨ, ਪਰ ਮੁਸ਼ਕਲ ਹਾਲਾਤਾਂ ਵਿੱਚ ਕੀਤਾ ਗਿਆ ਕੰਮ ਤੁਹਾਡੇ ਕਿਰਦਾਰ ਦਾ ਹਿੱਸਾ ਬਣ ਜਾਂਦਾ ਹੈ।
ਫਿਲਮ “ਸਿਲਾ” ਵਿੱਚ ਕਰਣ ਵੀਰ ਮਹਿਰਾ ਨੂੰ ਵਿਲਨ ਦੀ ਭੂਮਿਕਾ ਵਿੱਚ ਕਾਸਟ ਕੀਤਾ ਗਿਆ ਹੈ। ਇਸ ਪ੍ਰੋਜੈਕਟ ਵਿੱਚ ਕਰਣ ਭਾਵਨਾਤਮਕ ਟਕਰਾਅ ਅਤੇ ਸਰੀਰਕ ਤਬਦੀਲੀ ਦੇ ਰਾਹ 'ਤੇ ਚੱਲ ਰਹੇ ਇੱਕ ਆਦਮੀ ਦੇ ਰੂਪ ਵਿੱਚ ਦਿਖਾਇਆ ਜਾਵੇਗਾ। ਇਸ ਫਿਲਮ ਦਾ ਨਿਰਦੇਸ਼ਨ ਉਮੰਗ ਕੁਮਾਰ ਕਰ ਰਹੇ ਹਨ, ਜਿਸ ਵਿੱਚ ਹਰਸ਼ਵਰਧਨ ਰਾਣੇ ਮੁੱਖ ਭੂਮਿਕਾ ਨਿਭਾਉਣਗੇ। ਹਰਸ਼ਵਰਧਨ ਰਾਣੇ ਨੇ ਆਪਣੇ ਕਿਰਦਾਰ ਲਈ ਖਾਸ ਤਿਆਰੀ ਕੀਤੀ ਹੈ, ਜਿਸ ਵਿੱਚ ਮਾਰਸ਼ਲ ਆਰਟਸ ਅਤੇ ਸਟੰਟ ਕੋਰੀਓਗ੍ਰਾਫੀ ਦੀ ਟ੍ਰੇਨਿੰਗ ਸ਼ਾਮਲ ਹੈ। ਫਿਲਮ ਵਿੱਚ ਸਾਦੀਆ ਖ਼ਤੀਬ ਨੂੰ ਹੀਰੋਇਨ ਦੇ ਤੌਰ ’ਤੇ ਕਾਸਟ ਕੀਤਾ ਗਿਆ ਹੈ।
“ਸਿਲਾ” ਨੂੰ ਜੀ ਸਟੂਡੀਓਜ਼ ਵੱਲੋਂ ਬਲੂ ਲੋਟਸ ਪਿਕਚਰਜ਼ ਅਤੇ ਸਟਾਰਕ ਐਂਟਰਟੇਨਮੈਂਟ ਦੇ ਸਹਿਯੋਗ ਨਾਲ ਤਿਆਰ ਕੀਤਾ ਜਾ ਰਿਹਾ ਹੈ। ਫਿਲਮ ਦੇ ਨਿਰਮਾਤਾਵਾਂ ਵਿੱਚ ਉਮੰਗ ਕੁਮਾਰ, ਉਮੇਸ਼ ਕੇ.ਆਰ. ਬੰਸਲ, ਪ੍ਰਗਤੀ ਦੇਸ਼ਮੁਖ, ਹਿਮਾਂਸ਼ੂ ਤਿਵਾਰੀ ਅਤੇ ਹੋਰ ਕਈ ਨਾਮ ਸ਼ਾਮਲ ਹਨ। ਹਾਲਾਂਕਿ, ਫਿਲਮ ਦੀ ਰਿਲੀਜ਼ ਤਾਰੀਖ ਅਜੇ ਐਲਾਨੀ ਨਹੀਂ ਗਈ।