ਮੁੰਬਈ : ਆਪਣੀ ਨਵੀਂ ਫਿਲਮ "ਦਿ ਭੂਤਨੀ" ਦੀ ਰਿਲੀਜ਼ ਤੋਂ ਇੱਕ ਦਿਨ ਬਾਅਦ, ਅਦਾਕਾਰਾ ਪਲਕ ਤਿਵਾਰੀ ਨੇ ਮੁੰਬਈ ਦੇ ਸਿੱਧੀਵਿਨਾਇਕ ਮੰਦਰ ਦਾ ਅਧਿਆਤਮਿਕ ਦੌਰਾ ਕੀਤਾ। ਪਲਕ ਨੇ ਇੰਸਟਾਗ੍ਰਾਮ 'ਤੇ ਆਪਣੀ ਮੰਦਰ ਯਾਤਰਾ ਦੀਆਂ ਕੁੱਝ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। ਪਹਿਲੀ ਤਸਵੀਰ ਵਿੱਚ, ਉਹ ਭਗਵਾਨ ਦੀ ਮੂਰਤੀ ਦੇ ਸਾਹਮਣੇ ਮੱਥੇ 'ਤੇ ਟੀਕਾ ਲਗਾਏ ਨਾਰੰਗੀ ਰੰਗ ਦੇ ਕੱਪੜੇ ਪਹਿਨੇ ਹੋਏ ਦਿਖਾਈ ਦੇ ਰਹੀ ਹੈ। ਇੱਕ ਹੋਰ ਤਸਵੀਰ ਵਿਚ ਉਹ ਸ਼ਰਧਾ ਨਾਲ ਹੱਥ ਜੋੜ ਕੇ ਪ੍ਰਾਰਥਨਾ ਕਰਦੀ ਨਜ਼ਰ ਆਈ। ਆਖਰੀ ਤਸਵੀਰ ਵਿੱਚ ਪਲਕ ਦਰਸ਼ਨ ਮਗਰੋਂ ਆਪਣੀ ਕਾਰ ਵਿਚ ਦਿਖਾਈ ਦੇ ਰਹੀ ਹੈ। ਉਨ੍ਹਾਂ ਕੈਪਸ਼ਨ ਲਈ ਓਮ ਇਮੋਜੀ ਦੀ ਵਰਤੋਂ ਕੀਤੀ।
"ਦਿ ਭੂਤਨੀ" ਵਿੱਚ, ਪਲਕ ਨੇ ਮੋਹੱਬਤ ਦੇ ਦਿਲਚਸਪ ਕਿਰਦਾਰ ਨੂੰ ਨਿਭਾਇਆ ਹੈ, ਜੋ ਇੱਕ ਭੂਤ ਹੈ। sacnilk.com ਦੇ ਅਨੁਸਾਰ "ਦਿ ਭੂਤਨੀ" ਨੇ ਰਿਲੀਜ਼ ਦੇ ਪਹਿਲੇ ਦਿਨ (ਸ਼ੁਰੂਆਤੀ ਅਨੁਮਾਨ) ਭਾਰਤ ਵਿੱਚ ਲਗਭਗ 0.65 ਕਰੋੜ ਰੁਪਏ ਕਮਾਏ ਹਨ। ਜ਼ੀ ਸਟੂਡੀਓਜ਼, ਸੋਹਮ ਰੌਕਸਟਾਰ ਐਂਟਰਟੇਨਮੈਂਟ ਅਤੇ ਥ੍ਰੀ ਡਾਇਮੈਂਸ਼ਨ ਮੋਸ਼ਨ ਪਿਕਚਰਜ਼ ਦੁਆਰਾ ਪੇਸ਼ "ਦਿ ਭੂਤਨੀ" ਸੋਹਮ ਰੌਕਸਟਾਰ ਐਂਟਰਟੇਨਮੈਂਟ ਦੁਆਰਾ ਨਿਰਮਿਤ ਹੈ। ਸਿਧਾਂਤ ਸਚਦੇਵ ਦੁਆਰਾ ਨਿਰਦੇਸ਼ਤ, ਇਹ ਹਾਰਰ-ਕਾਮੇਡੀ 1 ਮਈ ਨੂੰ ਰਿਲੀਜ਼ ਹੋਈ। ਪਲਕ ਦੀ ਪਹਿਲੀ ਫਿਲਮ "ਕਿਸੀ ਕਾ ਭਾਈ ਕਿਸੀ ਕੀ ਜਾਨ" ਸੀ। ਅਭਿਨੇਤਰੀ ਸ਼ਵੇਤਾ ਤਿਵਾਰੀ ਦੀ ਧੀ ਪਲਕ ਨੇ ਹਾਰਡੀ ਸੰਧੂ ਦੇ ਹਿੱਟ ਸੰਗੀਤ ਵੀਡੀਓ "ਬਿਜਲੀ ਬਿਜਲੀ" ਵਿੱਚ ਆਪਣੀ ਭੂਮਿਕਾ ਨਾਲ ਵਿਆਪਕ ਪਛਾਣ ਪ੍ਰਾਪਤ ਕੀਤੀ।