ਮੁੰਬਈ : ਅਦਿੱਤਿਆ ਧਰ ਦੀ ਫਿਲਮ 'ਧੁਰੰਦਰ: ਦਿ ਰਿਵੈਂਜ' ਵਿੱਚ ਸਾਲ 1995 ਦੀ ਫਿਲਮ 'ਤ੍ਰਿਮੂਰਤੀ' ਦਾ ਮਸ਼ਹੂਰ ਗੀਤ 'ਓਏ ਓਏ' ਮੁੜ ਸੁਣਨ ਨੂੰ ਮਿਲ ਰਿਹਾ ਹੈ। ਇਸ ਗੀਤ ਨੇ ਜਿੱਥੇ ਦਰਸ਼ਕਾਂ ਨੂੰ ਪੁਰਾਣੇ ਦਿਨਾਂ ਦੀ ਯਾਦ ਦਿਵਾਈ, ਉੱਥੇ ਹੀ ਅਦਾਕਾਰਾ ਸੋਨਮ ਖਾਨ ਵੀ ਭਾਵੁਕ ਹੋ ਗਈ। ਸੋਨਮ, ਜੋ ਕਿ ਅਸਲ ਗੀਤ ਦਾ ਹਿੱਸਾ ਰਹੀ ਹੈ, ਨੇ ਸੋਸ਼ਲ ਮੀਡੀਆ ਰਾਹੀਂ ਆਪਣੀਆਂ ਪੁਰਾਣੀਆਂ ਯਾਦਾਂ ਸਾਂਝੀਆਂ ਕੀਤੀਆਂ ਹਨ।
ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ ਦਿਲ ਦੀ ਗੱਲ
ਸੋਨਮ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਲਿਖਿਆ, "ਓਏ ਓਏ! ਕੱਲ੍ਹ 'ਧੁਰੰਦਰ 2' ਦੇਖੀ ਅਤੇ ਫਿਲਮ ਵਿੱਚ ਆਪਣਾ ਗੀਤ ਸੁਣ ਕੇ ਪੁਰਾਣੀਆਂ ਯਾਦਾਂ ਤਾਜ਼ਾ ਹੋ ਗਈਆਂ। ਮੈਂ ਤੁਹਾਡੇ ਨਾਲ ਕੁਝ ਕਿੱਸੇ ਸਾਂਝੇ ਕਰਨਾ ਚਾਹੁੰਦੀ ਹਾਂ।"
ਕਿਸਮਤ ਨਾਲ ਮਿਲਿਆ ਸੀ 'ਤ੍ਰਿਦੇਵ' ਵਿੱਚ ਮੌਕਾ
ਸੋਨਮ ਨੇ ਖੁਲਾਸਾ ਕੀਤਾ ਕਿ ਉਹ ਫਿਲਮ 'ਤ੍ਰਿਦੇਵ' ਲਈ ਪਹਿਲੀ ਪਸੰਦ ਨਹੀਂ ਸੀ। ਉਸ ਨੇ ਦੱਸਿਆ ਕਿ ਉਸ ਨੂੰ ਆਖਰੀ ਮਿੰਟ 'ਤੇ ਫਿਲਮ ਵਿੱਚ ਸ਼ਾਮਲ ਕੀਤਾ ਗਿਆ ਸੀ। ਉਸ ਵੇਲੇ ਉਹ ਹੈਦਰਾਬਾਦ ਵਿੱਚ ਯਸ਼ ਚੋਪੜਾ ਦੀ ਫਿਲਮ 'ਵਿਜੇ' ਦੀ ਸ਼ੂਟਿੰਗ ਕਰ ਰਹੀ ਸੀ। ਉਹ ਫਿਲਮ ਦੇ ਮੁਹੂਰਤ ਵਿੱਚ ਸ਼ਾਮਲ ਹੋਣ ਲਈ ਸ਼ੂਟਿੰਗ ਵਿਚਾਲੇ ਛੱਡ ਕੇ ਪਹੁੰਚੀ ਸੀ।
ਬਿਨਾਂ ਸੋਸ਼ਲ ਮੀਡੀਆ ਦੇ ਇੰਝ ਪਤਾ ਲੱਗਾ ਗੀਤ ਦੀ ਸਫਲਤਾ ਦਾ
ਅੱਜ ਦੇ ਦੌਰ ਵਿੱਚ ਗੀਤਾਂ ਦੀ ਸਫਲਤਾ ਦਾ ਪਤਾ ਵਿਊਜ਼ ਤੋਂ ਲੱਗਦਾ ਹੈ, ਪਰ 90 ਦੇ ਦਹਾਕੇ ਵਿੱਚ ਅਜਿਹਾ ਨਹੀਂ ਸੀ। ਸੋਨਮ ਨੇ ਦੱਸਿਆ ਕਿ, "ਮੈਨੂੰ ਉਦੋਂ ਪਤਾ ਲੱਗਾ ਕਿ ਇਹ ਗੀਤ ਸੁਪਰਹਿੱਟ ਹੋ ਗਿਆ ਹੈ, ਜਦੋਂ ਮੇਰੇ ਡਰਾਈਵਰ ਨੇ ਦੱਸਿਆ ਕਿ ਲੋਕ ਪਬਲਿਕ ਟ੍ਰਾਂਸਪੋਰਟ ਅਤੇ ਸੜਕਾਂ 'ਤੇ 'ਓਏ ਓਏ' ਬੋਲ ਰਹੇ ਹਨ। ਉਸ ਸਮੇਂ ਸੋਸ਼ਲ ਮੀਡੀਆ ਨਹੀਂ ਸੀ। ਲੋਕ ਇੱਕ-ਦੂਜੇ ਨੂੰ ਬੁਲਾਉਣ ਲਈ ਵੀ 'ਓਏ ਓਏ' ਕਹਿਣ ਲੱਗ ਪਏ ਸਨ।"