ਖਰੜ (ਪ੍ਰੀਤ ਪੱਤੀ) : ਫਰੈਡਜ਼ ਫੌਰਐਵਰ ਵੈੱਲਫੇਅਰ ਸੁਸਾਇਟੀ ਰਜਿ ਖਰੜ ਮੁਹਾਲੀ ਵੱਲੋਂ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਦੀਵਾਲੀ ਖਰੜ ਏਰੀਆ ਦੇ 3 ਸਰਕਾਰੀ ਸਕੂਲਾਂ ਦੇ 132 ਵਿਦਿਆਰਥੀਆਂ ਨਾਲ ਮਨਾਈ। ਸੁਸਾਇਟੀ ਦੇ ਪ੍ਰਧਾਨ ਸ. ਜਸਵਿੰਦਰ ਸਿੰਘ ਨੇ ਦੱਸਿਆ ਕਿ ਇਹ ਸਾਡਾ 11ਵਾਂ ਸਾਲਾਨਾ ਪ੍ਰੋਗਰਾਮ ਹੈ। ਇਸ ਸਾਲ ਸਰਕਾਰੀ ਪ੍ਰਾਇਮਰੀ ਸਕੂਲ ਪਿੰਡ ਚੋਲਟਾ ਖ਼ੁਰਦ ਦੇ 76 ਵਿਦਿਆਰਥੀਆਂ, ਪਿੰਡ ਪੰਨੂਆਂ ਦੇ 22 ਵਿਦਿਆਰਥੀਆਂ, ਤੇ ਸਰਕਾਰੀ ਐਲੀਮੈਂਟਰੀ ਸਕੂਲ, ਬਾਸੀਆਂ ਬ੍ਰਾਹਮਣਾਂ ਦੇ 34 ਵਿਦਿਆਰਥੀਆਂ ਨੂੰ ਸਰਦੀਆਂ ਦੇ ਨਵੇਂ ਕੱਪੜੇ ਤੇ ਖਾਣ ਪੀਣ ਦਾ ਸਮਾਨ ਜਿਸ ਵਿੱਚ ਸਮੋਸੇ, ਕੇਲੇ, ਲੱਡੂ , ਚਿੱਪਸ, ਬਿਸਕੁਟ, ਚੌਕਲੇਟ, ਜੂਸ, ਆਦਿ ਸ਼ਾਮਿਲ ਹੈ ਵੰਡ ਕੇ ਮਨਾਈ। ਬੱਚਿਆਂ ਨੂੰ ਦੀਵਾਲੀ ਤੇ ਪਟਾਕੇ ਨਾ ਚਲਾਉਣ ਲਈ ਸਮਝਾਇਆ।
ਇਸ ਮੌਕੇ ਤੇ ਕੁਲਵਿੰਦਰ ਸਿੰਘ, ਪ੍ਰਦੀਪ ਕੁਮਾਰ, ਤਰਨਜੋਤ ਸਿੰਘ ਬੇਦੀ, ਅਮਰਿੰਦਰਜੀਤ ਸਿੰਘ, ਪਰਵੀਨ ਕੁਮਾਰ, ਪੂਜਾ ਰਾਣਾ, ਹਿਤਿਸ਼ ਕਾਂਸਲ, ਪ੍ਰਿਆ ਤੇ ਕੁਲਭੂਸ਼ਨ ਅਰੋੜਾ ਤੋਂ ਇਲਾਵਾ ਤਿੰਨਾਂ ਸਕੂਲਾਂ ਦਾ ਸਮੂਹ ਸਟਾਫ਼ ਹਾਜ਼ਿਰ ਸੀ। ਸਕੂਲਾਂ ਦੇ ਸਟਾਫ਼ ਵੱਲੋਂ ਸੁਸਾਇਟੀ ਵੱਲੋਂ ਕੀਤੇ ਜਾ ਰਹੇ ਸਮਾਜ ਭਲਾਈ ਦੇ ਕੰਮਾਂ ਦੀ ਸ਼ਲਾਘਾ ਕੀਤੀ ਤੇ ਉਨ੍ਹਾਂ ਦਾ ਧੰਨਵਾਦ ਕੀਤਾ।