ਪੋਟਾਸ਼ ਤੇ ਐਨਪੀਕੇ ਖਾਦ ਦੇ ਰੇਟ 'ਚ ਵਾਧਾ

ਨਵਾਸ਼ਹਿਰ (ਮਨੋਰੰਜਨ ਕਾਲੀਆ) : ਖਾਦ ਕੰਪਨੀਆ ਵੱਲੋਂ ਕਿਸਾਨਾ ਨੂੰ  ਇਕ ਹੋਰ ਆਰਥਿਕ ਝਟਕਾ ਦਿੰਦਿਆ ਦੇਸ਼ 'ਚ ਸਭ ਤੋ ਵੱਧ ਵਰਤੀ ਜਾਦੀ  ਐਨਪੀਕੇ ਖਾਦ 'ਚ 400 ਰੁ ਪ੍ਰਤੀ ਕੁਇੰਟਲ ( 200 ਰੁ ਪ੍ਰਤੀ ਗੱਟਾ 50 ਕਿਲੋ) ਤੋ ਪੋਟਾਸ  'ਚ 500 ਰੁ ਪ੍ਰਤੀ ਕੁਇੰਟਲ  (250 ਰੁ ਪ੍ਰਤੀ ਗੱਟਾ 50 ਕਿਲੋ) ਵਾਧਾ ਕਰਕੇ ਕਿਸਾਨ ਤੇ ਵਾਧੂ ਬੋਝ ਪਾ ਦਿੱਤਾ | ਭਾਰਤੀ ਕਿਸਾਨ ਯੂਨੀਅਨ ਦੇ ਨੇਤਾ ਸੁਰਿੰਦਰ ਬੈਸ ਨੇ ਦੱਸਿਆ ਕਿ ਖਾਦ ਕੰਪਨੀਆ ਨੇ ਐਨਪੀਕੇ ਖਾਦ  ਗਰੇਡ 12.32.16 ਦੀ ਕੀਮਤ 1900 ਰੁ ਪ੍ਰਤੀ ਗੱਟਾ ਕਰ ਦਿੱਤੀ ਹੈ | ਜਦੋ ਕਿ ਪਹਿਲਾ 1700 ਰੁ ਪ੍ਰਤੀ ਗੱਟਾ ਸੀ | ਇਸੇ ਤਰਾ ਹੀ ਪੋਟਾਸ ਖਾਦ ਦੀ ਕੀਮਤ 1800 ਰੁ ਪ੍ਰਤੀ ਗੱਟਾ ਕਰ ਦਿੱਤੀ ਹੈ ਜੋ ਕਿ ਪਹਿਲਾ  1550  ਰੁ ਸੀ | ਉਨਾ ਕਿਹਾ ਕਿ ਦੇਸ਼ ਦੇ ਕਿਸਾਨ ਡੀਏਪੀ ਖਾਦ ਨਾਲ ਵੱਧ ਐਨਪੀਕੇ  ਖਾਦ ਦੀ ਵਰਤੋ ਕਰਦੇ ਹਨ |  ਪੰਜਾਬ ਦੇ ਕਿਸਾਨ ਨੇ ਨਵੰਬਰ 2024 'ਚ  ਡੀਏਪੀ ਦੀ ਘਾਟ ਕਾਰਨ ਐਨਪੀਕੇ (ਗ੍ਰੇਡ 12.32.16  ) ਖਾਦ ਦੀ ਵਰਤੋ ਕਰਕੇ ਕਣਕ ਦੀ ਬੀਜਾਈ ਕੀਤੀ ਸੀ | ਹੁਣ ਖਾਦਾ ਕਾਰਨ ਖੇਤੀ ਦੀ ਲਾਗਤ ਵੱਧਣ ਦੇ ਕਾਰਨ ਕਿਸਾਨਾ ਨੂੰ  ਦੁੱਗਣੀ ਮਾਰ ਝੱਲਣੀ ਪਵੇਗੀ ਅਤੇ ਦੂਜੇ ਪਾਸੇ ਕਿਸਾਨ ਨੂੰ  ਫਸਲ ਦਾ ਉਚਿਤ ਮੁੱਲ ਵੀ ਨਹੀ ਮਿਲ ਰਿਹਾ ਹੈ | ਦੇਸ਼ 'ਚ ਲਗਭਗ ਐਨਪੀਕੇ ਖਾਦ ਦੀ 105 ਲੱਖ ਟਨ , ਡੀਏਪੀ ਦੀ ਸਲਾਨਾ ਖਪਤ 103 ਲੱਖ ਟਨ, ਪੋਟਾਸ਼ 38 ਲੱਖ ਟਨ ਦੀ ਵਰਤੋ ਕੀਤੀ ਜਾਦੀ ਹੈ |  ਉਨਾ ਕਿਹਾ ਕਿ ਭਾਵੇ ਪਿਛਲੀ ਦਿਨੀ ਕੇਂਦਰੀ ਕੈਬਨਿਟ  ਨੇ ਮੌਜੂਦਾ ਹਾੜੀ ਸੀਜਨ 2025 /26 ਲਈ 37 ਹਜਾਰ 952 ਕਰੋੜ ਰੁਪਏ ਦੀ ਪੌਸ਼ਟਿਕ ਤੱਤਾ ਤੇ ਅਧਾਰਿਤ ਸਬਸਿਡੀ ਯੋਜਨਾ ਨੂੰ  ਵੀ ਪ੍ਰਵਾਨਗੀ ਦਿੱਤੀ ਹੈ ਜੋ ਕਿ ਬਹੁਤ ਘੱਟ ਹੈ | ਉਨਾ ਦੱਸਿਆ ਕਿ ਜੇਕਰ ਕੇਂਦਰ ਸਰਕਾਰ ਨੇ ਖਾਦ ਸਬਸਿਡੀ ਵਿੱਚ ਹੋਰ ਵਾਧਾ ਨਾ ਕੀਤਾ, ਤਾ ਆਉਣ ਵਾਲੇ ਸਮੇਂ ਦੌਰਾਨ ਖਾਦ ਕੰਪਨੀਆ ਖਾਦ ਦੇ ਰੇਟਾ ਵਿੱਚ 450 ਰੁ  ਤੋ ਲੈ ਕੇ 500 ਰੁ ਪ੍ਰਤੀ ਕੁਇੰਟਲ ਤੱਕ ਵਾਧਾ ਕਰ ਸਕਦੀਆ ਹਨ | ਉਨਾ ਕੇਂਦਰ ਤੋ ਮੰਗ ਕੀਤੀ ਕਿ ਖਾਦਾ ਦੀ ਸਬਸਿਡੀ 'ਚ ਹੋਰ ਵਾਧਆ ਕਰਕੇ ਖਾਦਾ ਦੇ ਰੇਟਾ ਨੂੰ  ਘਟਾ ਕੇ ਦੇਸ਼ ਦੇ ਕਿਸਾਨਾ ਨੂੰ  ਰਾਹਤ ਦਿੱਤੀ ਜਾਵੇ |