ਮੋਹਾਲੀ (ਪ੍ਰੀਤ ਪੱਤੀ) : ਨਾਰਾਇਣਾ ਈ-ਟੈਕਨੋ ਸਕੂਲ, ਮੋਹਾਲੀ, ਜੋ ਨਾਰਾਇਣਾ ਗਰੁੱਪ ਦਾ ਹਿੱਸਾ ਹੈ, ਨੇ ਸੀਬੀਐਸਈ ਬੋਰਡ ਪਰੀਖਿਆ 2026 ਵਿੱਚ ਇੱਕ ਵਾਰ ਫਿਰ ਸ਼ਾਨਦਾਰ ਅਕਾਦਮਿਕ ਪ੍ਰਦਰਸ਼ਨ ਕੀਤਾ ਹੈ। ਸਕੂਲ ਨੂੰ ਆਪਣੇ ਹੋਨਹਾਰ ਵਿਦਿਆਰਥੀਆਂ — ਅਵਿਰਲ ਚੌਹਾਨ (494/500) , ਆਰੁਸ਼ ਨਿਤਿਨ ਚੌਧਰੀ (492/500) ਅਤੇ ਸ਼ੌਰਯ ਸਿੰਹਾ (487/500) — ‘ਤੇ ਮਾਣ ਹੈ।
ਪੰਜਾਬ ਭਰ ਵਿੱਚ ਨਾਰਾਇਣਾ ਦੇ ਸ਼ਾਨਦਾਰ ਨਤੀਜੇ ਇਸ ਤਰ੍ਹਾਂ ਰਹੇ: 499, 494, 494, 492, 492, 492, 492 ਅਤੇ 490। ਕੁੱਲ 224 ਵਿਦਿਆਰਥੀਆਂ ਵਿੱਚੋਂ 8 ਨੇ 490 ਤੋਂ ਵੱਧ ਅੰਕ ਹਾਸਲ ਕੀਤੇ, ਜਦਕਿ 143 ਵਿਦਿਆਰਥੀਆਂ ਨੇ 400 ਤੋਂ ਵੱਧ ਅੰਕ ਪ੍ਰਾਪਤ ਕੀਤੇ, ਜੋ ਮਜ਼ਬੂਤ ਅਕਾਦਮਿਕ ਸੰਸਕ੍ਰਿਤੀ ਅਤੇ ਲਗਾਤਾਰ ਪ੍ਰਦਰਸ਼ਨ ਨੂੰ ਦਰਸਾਉਂਦਾ ਹੈ।
ਨਾਰਾਇਣਾ ਗਰੁੱਪ ਦੇ ਡਾਇਰੈਕਟਰ ਸ਼ਾਰਣੀ ਮੈਡਮ ਅਤੇ ਰਵੀ ਤੇਜਾ ਸਰ ਨੇ ਇਸ ਉਪਲਬਧੀ ਨੂੰ ਮਨਾਉਣ ਲਈ ਪ੍ਰੈਸ ਕਾਨਫਰੰਸ ਕੀਤੀ, ਜਿੱਥੇ ਉਨ੍ਹਾਂ ਨੇ ਸੀਬੀਐਸਈ ਟਾਪਰਾਂ ਨੂੰ ਸਨਮਾਨਿਤ ਕੀਤਾ ਅਤੇ ਮਾਪਿਆਂ ਨੂੰ ਵਧਾਈ ਦਿੱਤੀ।
ਸ਼ਾਰਣੀ ਮੈਡਮ ਨੇ ਨਾਰਾਇਣਾ ਦੇ ਚਾਰ ਪੜਾਅ ਵਾਲੇ ਰਿਵਿਜ਼ਨ ਪ੍ਰੋਗਰਾਮ ਬਾਰੇ ਦੱਸਿਆ, ਜਿਸਦਾ ਹਰ ਪੜਾਅ ਪ੍ਰੀ-ਬੋਰਡ ਪਰੀਖਿਆ ਨਾਲ ਖਤਮ ਹੁੰਦਾ ਹੈ। ਉਨ੍ਹਾਂ ਨੇ ਸੈਂਟਮ ਬੁੱਕ ਦੀ ਮਹੱਤਤਾ ‘ਤੇ ਜ਼ੋਰ ਦਿੱਤਾ ਅਤੇ ਕਿਹਾ ਕਿ ਸੀਬੀਐਸੀ ਵਿੱਚ ਵਧ ਰਹੀ ਕੰਪੀਟੈਂਸੀਸਨ ਦੇ ਬਾਵਜੂਦ ਸਕੂਲ ਨੇ ਆਪਣੀ ਸੁਚਿੰਤਿਤ ਯੋਜਨਾ ਨਾਲ ਸ਼ਾਨਦਾਰ ਨਤੀਜੇ ਹਾਸਲ ਕੀਤੇ ਹਨ।
ਰਵੀ ਤੇਜਾ ਸਰ ਨੇ ਮਾਪਿਆਂ ਦੇ ਭਰੋਸੇ ਅਤੇ ਸਹਿਯੋਗ ਦੀ ਸਰਾਹਨਾ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਇਹ ਨਤੀਜੇ ਸਿਰਫ ਅੰਕ ਨਹੀਂ, ਸਗੋਂ ਪਰਿਵਾਰਾਂ ਦੀ ਖੁਸ਼ੀ ਅਤੇ ਬੱਚਿਆਂ ਦੇ ਸੁਪਨਿਆਂ ਦਾ ਪ੍ਰਤੀਬਿੰਬ ਹਨ। ਉਨ੍ਹਾਂ ਨੇ ਅਧਿਆਪਕਾਂ ਦੀ ਮਿਹਨਤ ਦੀ ਵੀ ਪ੍ਰਸ਼ੰਸਾ ਕੀਤੀ ਅਤੇ ਭਵਿੱਖ ਵਿੱਚ ਹੋਰ ਵਧੀਆ ਪ੍ਰਦਰਸ਼ਨ ਦਾ ਵਿਸ਼ਵਾਸ ਜਤਾਇਆ।
ਮੋਹਾਲੀ ਬ੍ਰਾਂਚ ਵਿੱਚ ਵਿਦਿਆਰਥੀਆਂ ਦੇ ਸਨਮਾਨ ਲਈ ਇੱਕ ਸ਼ਾਨਦਾਰ ਸਮਾਰੋਹ ਕੀਤਾ ਗਿਆ, ਜੋ ਖੁਸ਼ੀ ਦੇ ਜਸ਼ਨ ਵਿੱਚ ਤਬਦੀਲ ਹੋ ਗਿਆ। ਆਤਿਸ਼ਬਾਜ਼ੀ ਨਾਲ ਮਾਹੌਲ ਰੌਸ਼ਨ ਹੋ ਗਿਆ, ਜੋ ਵਿਦਿਆਰਥੀਆਂ ਦੀ ਸਫਲਤਾ ਅਤੇ ਨਾਰਾਇਣਾ ਪਰਿਵਾਰ ਦੇ ਮਾਣ ਨੂੰ ਦਰਸਾਉਂਦਾ ਹੈ।
ਪ੍ਰਿੰਸਿਪਲ ਕੁਸੁਮ ਮੈਡਮ ਨੇ ਕਿਹਾ, “ਇਹ ਨਤੀਜਾ ਸਾਡੇ ਬ੍ਰਾਂਚ ਦੀਆਂ ਸਭ ਤੋਂ ਵਧੀਆ ਉਪਲਬਧੀਆਂ ਵਿੱਚੋਂ ਇੱਕ ਹੈ। ਅਸੀਂ ਉਹਨਾਂ ਸਭ ਦਾ ਧੰਨਵਾਦ ਕਰਦੇ ਹਾਂ ਜਿਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਮਾਰਗ ਦਰਸ਼ਨ ਅਤੇ ਸਹਿਯੋਗ ਦਿੱਤਾ।”
ਖਾਸ ਧੰਨਵਾਦ ਸੰਸਥਾਪਕ ਪੋਂਗੁਰੁ ਨਾਰਾਇਣਾ ਸਰ, ਡਾਇਰੈਕਟਰ ਰਵੀ ਤੇਜਾ ਸਰ ਅਤੇ ਸ਼ਾਰਣੀ ਮੈਡਮ, ਡੀਜੀਐਮ ਸ਼ਿਵਨਾਥ ਸਰ ਅਤੇ ਮੁਕਤੀ ਨਾਥ ਸਰ, ਆਰ ਐਂਡ ਡੀ ਮੁਖੀ ਨੰਦਾ ਕਿਸ਼ੋਰ ਸਰ, ਜੋਨਲ ਕੋਆਰਡੀਨੇਟਰ ਸਾਹਿਲ ਸਰ, ਕੋ-ਡੀਨ ਦੇਵੇਂਦਰ ਰੈੱਡੀ ਅਤੇ ਸਾਰੇ ਅਧਿਆਪਕਾਂ ਨੂੰ ਦਿੱਤਾ ਗਿਆ।
ਸਕੂਲ ਨੇ ਮਾਣ ਨਾਲ ਕਿਹਾ, “ਅਸੀਂ ਨਾਰਾਇਣਾ ਪਰਿਵਾਰ ਦਾ ਹਿੱਸਾ ਹੋਣ ‘ਤੇ ਮਾਣ ਮਹਿਸੂਸ ਕਰਦੇ ਹਾਂ ਅਤੇ ਇਸ ਸ਼ਾਨਦਾਰ ਪਰੰਪਰਾ ਨੂੰ ਅੱਗੇ ਵੀ ਜਾਰੀ ਰੱਖਾਂਗੇ।”