ਖਰੜ (ਪ੍ਰੀਤ ਪੱਤੀ) : ਸਥਾਨਕ ਸ਼ਹਿਰ ਵਿਖੇ ਅੱਜ ਬਦੀ ਤੇ ਨੇਕੀ ਦੀ ਜਿੱਤ ਦਾ ਪ੍ਰਤੀਕ ਤਿਉਹਾਰ ਦੁਸ਼ਹਿਰਾ ਬਹੁਤ ਹੀ ਸ਼ਰਧਾ, ਉਤਸ਼ਾਹ ਅਤੇ ਧੂਮਧਾਮ ਨਾਲ ਮਨਾਇਆ ਗਿਆ। ਮਹਾਰਾਜਾ ਸਰੋਵਰ ਵਿਖੇ ਕਮੇਟੀ ਵੱਲੋਂ ਕੀਤੇ ਗਏ ਸਮਾਗਮ ਦੌਰਾਨ ਹਜਾਰਾਂ ਲੋਕਾਂ ਦੇ ਇਕੱਠ ਦਰਮਿਆਨ ਰਾਮ, ਲਛਮਣ, ਸੀਤਾ ਅਤੇ ਹਨੂੰਮਾਨ ਦਾ ਰੂਪ ਧਾਰਨ ਕੀਤੇ ਛੋਟੇ-ਛੋਟੇ ਬੱਚਿਆਂ ਨੇ ਆਪਣੇ ਤੀਰਾਂ ਦੁਆਰਾ ਰਾਵਨ ਦੇ ਪੁਤਲੇ ਨੂੰ ਅੱਗ ਲਗਾਈ ਅਤੇ ਇਸ ਮੌਕੇ ਕੀਤੀ ਆਤਿਸ਼ਬਾਜ਼ੀ ਵੇਖਣ ਯੋਗ ਸੀ। ਇਸ ਮੌਕੇ ਵੱਖ ਵੱਖ ਤਰ੍ਹਾਂ ਦੀਆਂ 25 ਝਾਕੀਆਂ ਕੱਢੀਆਂ ਗਈਆ ਜੋ ਪਰਸ਼ੂਰਾਮ ਭਵਨ ਤੋਂ ਚੱਲ ਕੇ ਸ਼ਹਿਰ ਦੇ ਵੱਖ ਵੱਖ ਬਾਜ਼ਾਰਾਂ ਵਿੱਚ ਹੁੰਦਿਆਂ ਦੁਸ਼ਹਿਰਾ ਗਰਾਉਂਡ ਵਿੱਚ ਆ ਕੇ ਸਮਾਪਤ ਹੋਈਆਂ।
ਇਸ ਮੌਕੇ ਮੁੱਖ ਮਹਿਮਾਨ ਦੇ ਤੌਰ ਤੇ ਪਹੁੰਚੇ ਸੰਜੀਵ ਕਾਲੜਾ ਸਪੈਸ਼ਲ ਡੀਜੀਪੀ ਪੰਜਾਬ ਅਤੇ ਸਪੈਸ਼ਲ ਮਹਿਮਾਨ ਸਾਬਕਾ ਨਗਰ ਕੌਂਸਲ ਖਰੜ ਦੀ ਪ੍ਰਧਾਨ ਬੀਬੀ ਜਸਪ੍ਰੀਤ ਕੌਰ ਲੌਂਗ ਅਤੇ ਹੋਰ ਮਹਿਮਾਨਾਂ ਦਾ ਦੁਸ਼ਹਿਰਾ ਕਮੇਟੀ ਦੇ ਪ੍ਰਧਾਨ ਕਮਲ ਕਿਸ਼ੋਰ ਸ਼ਰਮਾ ਤੇ ਟੀਮ ਵੱਲੋਂ ਸਵਾਗਤ ਕੀਤਾ ਗਿਆ ਇਸ ਮੌਕੇ ਮੁੱਖ ਮਹਿਮਾਨ ਨੇ ਸਾਰਿਆਂ ਨੂੰ ਦੁਸ਼ਹਿਰੇ ਦੀਆਂ ਵਧਾਈਆਂ ਦਿੱਤੀਆਂ। ਉਹਨਾਂ ਕਿਹਾ ਕਿ ਰਾਵਣ ਦੇ ਇੱਕ ਗਲਤੀ ਕਾਰਨ ਉਸਦਾ ਅੰਤ ਹੋਇਆ ਸੀ ਇਸ ਲਈ ਸਾਨੂੰ ਸਾਰਿਆਂ ਨੂੰ ਗਲਤ ਕੰਮਾਂ ਤੋਂ ਦੂਰ ਰਹਿਣਾ ਚਾਹੀਦਾ ਹੈ।
ਬਦੀ ਤੇ ਨੇਕੀ ਦੀ ਜਿੱਤ ਹਮੇਸ਼ਾ ਹੀ ਹੁੰਦੀ ਹੈ। ਪ੍ਰਧਾਨ ਕਮਲ ਕਿਸ਼ੋਰ ਸ਼ਰਮਾ ਨੇ ਕਿਹਾ ਕਿ ਖਰੜ ਵਿਖੇ ਕਰੀਬ 75 ਸਾਲਾਂ ਤੋਂ ਦੁਸ਼ਹਿਰਾ ਮਨਾਇਆ ਜਾਂਦਾ ਹੈ ਉਹਨਾਂ ਦੇ ਅਗਵਾਈ ਵਿੱਚ 25 ਸਾਲਾਂ ਤੋਂ ਲਗਾਤਾਰ ਦੁਸ਼ਹਿਰਾ ਮਨਾਇਆ ਜਾ ਰਿਹਾ ਹੈ ਕਲੱਬ ਵੱਲੋਂ ਆਏ ਮਹਿਮਾਨਾਂ ਅਤੇ ਪੱਤਰਕਾਰ ਭਾਈਚਾਰੇ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ ਮੁੱਖ ਮਹਿਮਾਨ ਵੱਲੋਂ ਰਾਵਣ ਦੇਣ ਦੀ ਰਸਮ ਨਿਭਾਈ ਗਈ ਇਸ ਮਗਰੋਂ ਹਜ਼ਾਰਾਂ ਦੀ ਗਿਣਤੀ ਵਿੱਚ ਆਏ ਲੋਕਾਂ ਨੇ ਅਤਿਸ਼ਬਾਜੀ ਦਾ ਪੂਰਾ ਆਨੰਦ ਮਾਨਿਆ ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸਮਾਜ ਸੇਵੀ ਪਰਮਿੰਦਰ ਸਿੰਘ ਲੌਂਗੀਆ , ਕੌਂਸਲਰ ਮਿਹਰ ਕੌਰ , ਕੌਂਸਲਰ ਗੋਵਿੰਦਰ ਚੀਮਾ , ਸਮਾਜ ਸੇਵੀ ਜਸਵੀਰ ਸਿੰਘ ਭੋਲਾ , ਸਮਾਜਸੇਵੀ ਧਨਵੰਤ ਸਿੰਘ ਛਿੰਦਾ , ਕੌਂਸਲਰ ਮਨਪ੍ਰੀਤ ਮੰਨਾ , ਕੌਂਸਲਰ ਸ਼ਿਵਾਨੀ ਚੱਢਾ, ਸ੍ਰੀ ਰਾਮਲੀਲਾ ਡਰਾਮਾਟਿਕ ਕਲੱਬ ਖਰੜ ਤੋ ਸ਼ਿਵਚਰਨ ਪਿੰਕੀ , ਵਰਿੰਦਰ ਭਾਮਾ , ਵੇਦ ਪ੍ਰਕਾਸ਼ ਸ਼ਰਮਾ ਡਾਇਰੈਕਟਰ , ਕੌਂਸਲਰ ਰਾਜਵੰਤ ਕੌਰ , ਕੌਂਸਲਰ ਰਾਜਵੀਰ ਸਿੰਘ ਰਾਜੀ ਕੌਂਸਲਰ ਗੁਰਪਾਲ ਸਿੰਘ , ਕੌਂਸਲਰ ਨੀਲਮ ਸ਼ਰਮਾ , ਕੌਂਸਲਰ ਜੋਤੀ ਗੁਜਰਾਲ , ਸਰਪੰਚ ਜੱਸੀ ਵੱਲੋਂਮਾਜਰਾ , ਕਾਂਗਰਸ ਮਹਿਲਾ ਪ੍ਰਧਾਨ ਸਵਰਨਜੀਤ ਕੌਰ , ਸਮਾਜਸੇਵੀ ਸਰਬ ਸਰਬਜੀਤ ਕੌਰ , ਸਮਾਜ ਸੇਵੀ ਹਰਪ੍ਰੀਤ ਸਿੰਘ ਗੁਜਰਾਲ , ਸਮਾਜ ਸੇਵੀ ਅਮਨਦੀਪ ਸਿੰਘ, ਡੀਐਸਪੀ ਕਰਨ ਸਿੰਘ , ਐਸ ਐਚ ਓ ਸਿਟੀ ਅਤੇ ਸਦਰ ਆਦਿ ਤੋਂ ਇਲਾਵਾ ਪਤਵੰਤੇ ਸੱਜਣ ਅਤੇ ਹਜ਼ਾਰਾਂ ਦੀ ਗਿਣਤੀ ਵਿੱਚ ਸ਼ਹਿਰ ਵਾਸੀ ਹਾਜ਼ਰ ਸਨ।