ਖਰੜ (ਪ੍ਰੀਤ ਪੱਤੀ) : ਦਾਨਵੀਰ ਫਾਊਂਡੇਸ਼ਨ ਐਨਜੀਓ ਰਜਿ. ਖਰੜ ਵੱਲੋਂ ਇਕ ਹੋਰ ਸਰਾਹਣਯੋਗ ਕਦਮ ਚੁੱਕਦਿਆਂ ਇੱਕ ਜ਼ਰੂਰਤਮੰਦ ਪਰਿਵਾਰ ਦੀ ਲੜਕੀ ਦਾ ਵਿਆਹ 20 ਅਪ੍ਰੈਲ 2026 ਨੂੰ ਪਰਸ਼ੂਰਾਮ ਭਵਨ, ਆਰਿਆ ਕਾਲਜ ਰੋਡ, ਖਰੜ ਵਿਖੇ ਪੂਰੇ ਰੀਤਿ-ਰਿਵਾਜਾਂ ਨਾਲ ਕਰਵਾਇਆ ਜਾਵੇਗਾ।
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸੰਸਥਾ ਦੇ ਪ੍ਰਧਾਨ ਤਰਨਦੀਪ ਸ਼ਰਮਾ ਨੇ ਦੱਸਿਆ ਕਿ ਦਾਨਵੀਰ ਫਾਊਂਡੇਸ਼ਨ ਹਮੇਸ਼ਾ ਸਮਾਜਿਕ ਭਲਾਈ ਦੇ ਕੰਮਾਂ ਵਿੱਚ ਅੱਗੇ ਰਹਿੰਦੀ ਹੈ ਅਤੇ ਇਸ ਵਾਰ ਵੀ ਇੱਕ ਜ਼ਰੂਰਤਮੰਦ ਪਰਿਵਾਰ ਦੀ ਧੀ ਦਾ ਵਿਆਹ ਦਾਜ ਦੇ ਪੂਰੇ ਸਮਾਨ ਨਾਲ ਕਰਵਾਇਆ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ “ਧੀਆਂ ਦਾ ਦਾਨ ਸਭ ਤੋਂ ਵੱਡਾ ਦਾਨ ਹੁੰਦਾ ਹੈ ਅਤੇ ਸਾਨੂੰ ਹਮੇਸ਼ਾ ਲੋੜਵੰਦ ਪਰਿਵਾਰਾਂ ਦੀ ਮਦਦ ਲਈ ਅੱਗੇ ਆਉਣਾ ਚਾਹੀਦਾ ਹੈ।”
ਉਨ੍ਹਾਂ ਹੋਰ ਦੱਸਿਆ ਕਿ ਦਾਨਵੀਰ ਫਾਊਂਡੇਸ਼ਨ ਇੱਕ ਸੈਲਫ ਫੰਡਿੰਗ ਐਨਜੀਓ ਹੈ ਜੋ ਆਪਣੇ ਸਰੋਤਾਂ ਨਾਲ ਹੀ ਸਮਾਜ ਸੇਵਾ ਦੇ ਕੰਮ ਕਰ ਰਹੀ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਭਵਿੱਖ ਵਿੱਚ ਵੀ ਜੇ ਕੋਈ ਅਜਿਹਾ ਪਰਿਵਾਰ ਸਾਹਮਣੇ ਆਉਂਦਾ ਹੈ ਜਿਸਦੀ ਆਰਥਿਕ ਹਾਲਤ ਵਿਆਹ ਕਰਨ ਲਈ ਠੀਕ ਨਾ ਹੋਵੇ, ਤਾਂ ਖਰੜ ਸ਼ਹਿਰ ਦਾ ਕੋਈ ਵੀ ਪਰਿਵਾਰ ਸੰਸਥਾ ਨਾਲ ਸੰਪਰਕ ਕਰ ਸਕਦਾ ਹੈ।
ਇਸ ਮੌਕੇ ਅਕਾਸ਼ ਮਿੱਤਲ (ਚੇਅਰਮੈਨ), ਜੈਵਿਨ ਗੁਪਤਾ (ਜਾਇੰਟ ਸਕੱਤਰ), ਵਿਨੈ ਸ਼ਰਮਾ, ਵਰਦਾਨ ਸਿੰਗਲਾ, ਡਾ. ਸੁਰਿੰਦਰ ਰਾਣਾ, ਆਰਿਅਨ ਸ਼ਰਮਾ, ਪੁਨੀਤ ਸ਼ਰਮਾ, ਕੁਨਾਲ ਰਿਖੀ ਅਤੇ ਪ੍ਰਦੀਪ ਕੁਮਾਰ ਬੰਟੀ ਵੀ ਹਾਜ਼ਰ ਸਨ।