ਸ਼੍ਰੀ ਮਨਿੰਦਰ ਸਿੰਘ (ਆਈ.ਪੀ.ਐਸ.), ਸੀਨੀਅਰ ਕਪਤਾਨ ਪੁਲਿਸ, ਜ਼ਿਲ੍ਹਾ ਅੰਮ੍ਰਿਤਸਰ (ਦਿਹਾਤੀ) ਜੀ ਅਤੇ ਸ਼੍ਰੀ ਲਖਵਿੰਦਰ ਸਿੰਘ ਡੀ.ਐਸ.ਪੀ ਅਟਾਰੀ ਜੀ ਦੀ ਅਗਵਾਈ ਵਿੱਚ ਥਾਣਾ ਘਰਿੰਡਾ ਪੁਲਿਸ ਵੱਲੋ ਸਫਲਤਾ ਹਾਸਿਲ ਕਰਦਿਆ ਭੈਰੋ ਪ੍ਰਸਾਦ ਕਤਲ ਮਾਮਲੇ ਵਿੱਚ ਫਰਾਰ ਦੋਸ਼ੀ ਰਕੇਸ਼ ਕੁਮਾਰ ਨੂੰ ਕੁਝ ਹੀ ਘੰਟਿਆ ਵਿੱਚ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
ਜੋ ਇਸ ਸਬੰਧੀ ਸ਼੍ਰੀ ਲਖਵਿੰਦਰ ਸਿੰਘ ਡੀ.ਐਸ.ਪੀ ਅਟਾਰੀ ਜੀ ਦੀ ਵੱਲੋ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਥਾਣਾ ਘਰਿੰਡਾ ਪੁਲਿਸ ਨੂੰ ਬਬਲੂ ਪੁੱਤਰ ਭੈਰੋ ਪ੍ਰਾਸਦ ਵਾਸੀ ਪਿੰਡ ਬਿਲਬਰੀ ਜਿਲ੍ਹਾ ਬਹਿਰਾਈ ਯੂ.ਪੀ ਨੇ ਸੂਚਨਾ ਦਿੱਤੀ ਕਿ ਉਸਦੇ ਪਿਤਾ ਭੈਰੋ ਪ੍ਰਸਾਦ ਦਾ ਉਸਦੇ ਗੁਆਂਡੀ ਰਕੇਸ਼ ਕੁਮਾਰ ਪੁੱਤਰ ਅਸਰੂ ਵਾਸੀ ਪਿੰਡ ਅਸਵਾ ਮਹੁੰਮਦਪੁਰ ਯੂ.ਪੀ ਹਾਲ ਵਾਸੀ ਚੀਚਾ ਥਾਣਾ ਘਰਿੰਡਾ ਨਾਲ ਕਿਸੇ ਗੱਲ ਨੂੰ ਲੈ ਕੇ ਝਗੜਾ ਹੋ ਗਿਆ ਸੀ ਜਿਸ ਦੌਰਾਨ ਰਕੇਸ਼ ਕੁਮਾਰ ਵੱਲੋ ਕਹੀ ਦਾ ਵਾਰ ਕਰਕੇ ਉਸਦੇ ਪਿਤਾ ਭੈਰੋ ਪ੍ਰਸਾਦ ਕਤਲ ਕਰ ਦਿੱਤਾ ਗਿਆ ਅਤੇ ਉਸਦੇ ਭਰਾ ਰਾਜ ਕੁਮਾਰ ਉਰਫ ਛੋਟੂ ਨੂੰ ਜਖਮੀ ਕਰ ਦਿੱਤਾ ਗਿਆ ਹੈ। ਜਿਸ ਤੇ ਤੁਰੰਤ ਕਾਰਵਾਈ ਕਰਦਿਆ ਥਾਣਾ ਘਰਿੰਡਾ ਪੁਲਿਸ ਵੱਲੋ ਉਕਤ ਦੋਸ਼ੀ ਰਕੇਸ਼ ਕੁਮਾਰ ਨੂੰ ਕੁਝ ਹੀ ਘੰਟਿਆ ਵਿੱਚ ਗ੍ਰਿਫਤਾਰ ਕਰ ਲਿਆ ਗਿਆ। ਉਕਤ ਘਟਨਾ ਸਬੰਧੀ ਥਾਣਾ ਘਰਿੰਡਾ ਵਿਖੇ ਮੁਕੱਦਮਾ ਨੰ. 298 ਮਿਤੀ 26.09.2025 ਜੁਰਮ 103,109 ਬੀ.ਐਨ.ਐੱਸ ਤਹਿਤ ਦਰਜ ਕਰਕੇ ਤਫਤੀਸ਼ ਅਮਲ ਵਿੱਚ ਲਿਆਂਦੀ ਜਾ ਰਹੀ ਹੈ।
ਗ੍ਰਿਫਤਾਰ ਦੋਸ਼ੀ:
1. ਰਕੇਸ਼ ਕੁਮਾਰ ਪੁੱਤਰ ਅਸਰੂ ਵਾਸੀ ਪਿੰਡ ਅਸਵਾ ਮਹੁੰਮਦਪੁਰ ਯੂ.ਪੀ ਹਾਲ ਵਾਸੀ ਚੀਚਾ ਥਾਣਾ ਘਰਿੰਡਾ