ਨਵਾਸ਼ਹਿਰ (ਮਨੋਰੰਜਨ ਕਾਲੀਆ) : ਕਮਿਸ਼ਨਰ ਫੂਡ ਅਤੇ ਡਰੱਗ ਐਡਮਨਿਸਟਰੇਸ਼ਨ ਪੰਜਾਬ ਦਿਲਰਾਜ ਸਿੰਘ ਅਤੇ ਸਿਵਲ ਸਰਜਨ ਡਾ ਗੁਰਿੰਦਰਜੀਤ ਸਿੰਘ ਦੀਆ ਹਿਦਾਇਤ ਅਤੇ ਦਿਸ਼ਾ ਨਿਰਦੇਸ਼ਾ ਮੁਤਾਬਿਕ ਫੂਡ ਸੇਫਟੀ ਟੀਮ ਜਿਲਾ ਸ਼ਹੀਦ ਭਗਤ ਸਿੰਘ ਨਗਰ ਵੱਲੋਂ ਜਿਲੇ ਵਿੱਚ ਅਲੱਗ ਅਲੱਗ ਥਾਵਾਂ ਤੇ ਲੱਗ ਰਹੀਆ ਫਾਸਟ ਫੂਡ ਦੀਆ ਰੇਹੜੀਆ ਦੀ ਚੈਕਿੰਗ ਕੀਤੀ ਗਈ | ਜਿਸ ਅਧੀਨ ਉਨਾ ਤੋ ਵਰਤਿਆ ਜਾਦਾ ਖਾਣ ਵਾਲਾ ਕੂਕਿੰਗ ਤੇਲ ਦੇ 6 ਸਰਵੇਲੈਸ ਸੈਪਲ ਭਰੇ ਗਏ ਅਤੇ ਜਾਂਚ ਦੇ ਲਈ ਸਟੇਟ ਫੂਡ ਲੈਬਾਰਟਰੀ ਭੇਜ ਦਿੱਤੇ ਗਏ |
ਇਸ ਤੋ ਇਲਾਵਾ ਬਰਸਾਤ ਦੇ ਮੌਸਮ ਨੂੰ ਮੱਦੇਨਜਰ ਰੱਖਦੇ ਹੋਏ ਉਨਾ ਨੂੰ ਫੂਡ ਸੇਫਟੀ ਐਕਟ ਅਧੀਨ ਸਾਫ ਸਫਾਈ ਰੱਖਣ ਦੇ ਦਿਸ਼ਾ ਨਿਰਦੇਸ਼ ਦਿੱਤੇ ਗਏ | ਫਾਸਟ ਫੂਡ ਜਿਵੇ ਕਿ ਬਰਗਰ, ਮੋਮੋਜ, ਨਿਊਡਲ, ਮਨਚੂਰੀਅਨ, ਪੀਜਾ ਆਦਿ ਵਿੱਚ ਵਧੀਆ ਕੁਆਲਿਟੀ ਫਿਸੀ ਪ੍ਰਮਾਣਿਤ ਕੱਚਾ ਮਾਲ ਵਰਤਣ ਦੀ ਹਿਦਾਇਤ ਦਿੱਤੀ ਗਈ | ਉਨਾ ਨੂੰ ਐਮਐਸਜੀ ਅਜੀਨੋਮੋਟੋ ਦੀ ਵਰਤੋ ਕਰਨ ਤੋ ਪ੍ਰਹੇਜ ਕਰਨ ਲਈ ਕਿਹਾ ਗਿਆ ਅਤੇ ਵਧੀਆ ਕੁਆਲਟੀ ਦਾ ਫਿਸੀ ਪ੍ਰਮਾਣਿਤ ਟਮਾਟੋ ਸੋਰਸ ਵਰਤਣ ਦੀ ਹਿਦਾਇਤ ਕੀਤੀ ਗਈ | ਮਿਲਕ ਫੈਟ ਵਾਲਾ ਵਧੀਆ ਕੁਆਲਿਟੀ ਦਾ ਬਟਰ ਵਰਤਣ ਦੀ ਹਿਦਾਇਤ ਕੀਤੀ ਗਈ | ਉਨਾ ਨੂੰ ਦੁਕਾਨਾ ਵਿੱਚ ਸਾਫ ਸਫਾਈ ਰੱਖਣ. ,ਟੋਪੀ , ਦਸਤਾਨਾ ਅਤੇ ਅ੍ਰੈਪਨ ਪਹਿਨਣ ,ਵਰਕਰਾ ਦਾ ਮੈਡੀਕਲ ਕਰਵਾਉਣ, ਨਿੱਜੀ ਸਫਾਈ ਰੱਖਣ ਦੀ ਦਿਸ਼ਾ ਨਿਰਦੇਸ਼ ਦਿੱਤੇ ਗਏ | ਖਾਣਾ ਬਣਾਉਣ ਵਿੱਚ ਪੀਣਯੋਗ ਪਾਣੀ ਦੀ ਵਰਤੋ ਕਰਨ, ਚੰਗੀ ਕੁਆਲਿਟੀ ਦਾ ਤੇਲ ਵਰਤਣ ਬਾਰੇ ਵੀ ਕਿਹਾ ਗਿਆ |
ਮੀਹ ਦੇ ਮੌਸਮ ਵਿੱਚ ਉਨਾ ਨੂੰ ਜਿਆਦਾ ਸਾਫ ਸਫਾਈ, ਸਾਫ ਪਾਣੀ, ਤੇ ਆਸ ਪਾਸ ਦੀ ਸਾਫ ਸਫਾਈ ਰੱਖਣ ਦੀ ਹਿਦਾਇਤ ਕੀਤੀ ਤਾਂ ਕਿ ਆਮ ਜਨਤਾ ਦੀ ਸਿਹਤ ਨਾਲ ਕਿਸੇ ਤਰਾ ਦਾ ਕੋਈ ਖਿਲਵਾੜ ਨਾ ਹੋ ਸਕੇ | ਉਾ ਨੂੰ ਫੂਡ ਸੇਫਟੀ ਐਕਟ ਅਧੀਨ ਰਜਿਸਟ੍ਰੇਸ਼ਨ , ਲਾਈਸੇਂਸ ਨੂੰ ਆਪਣੀ ਦੁਕਾਨ /ਰੇਹੜੀ ਤੇ ਡਿਸਪਲੇਅ ਕਰਨ ਦੀ ਹਿਦਾਇਤ ਕੀਤੀ ਗਈ |