"ਕੁਆਲਿਟੀ ਕਨੇਕਟ" ਮੁਹਿੰਮ ਸਬੰਧੀ ਓਰੀਏਂਟੇਸ਼ਨ ਪ੍ਰੋਗਰਾਮ ਆਯੋਜਿਤ

ਨਵਾਂ ਸ਼ਹਿਰ (ਮਨੋਰੰਜਨ ਕਾਲੀਆ) : ਬੀ.ਐੱਲ.ਐਮ. ਗਰਲਜ਼ ਕਾਲਜ ਦੇ ਕੰਪਿਊਟਰ ਸਾਇੰਸ ਵਿਭਾਗ ਦੇ ਪ੍ਰੋ ਪੂਜਾ ਅਰੋੜਾ , ਪ੍ਰੋ  ਆਸਥਾ, ਪ੍ਰੋ  ਸ਼ਿਵਾਨੀ, ਪ੍ਰੋ  ਕਿਰਨ ਵੱਲੋਂ ਭਾਰਤੀ ਮਾਨਕ ਬਿਊਰੋ (Bureau of Indian Standards), ਚੰਡੀਗੜ੍ਹ ਸ਼ਾਖਾ ਦੇ ਅਨੁਸਾਰ "ਕੁਆਲਿਟੀ ਕਨੇਕਟ" ਮੁਹਿੰਮ ਤਹਿਤ ਇੱਕ ਓਰੀਏਂਟੇਸ਼ਨ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ। ਇਸ ਪ੍ਰੋਗਰਾਮ ਵਿੱਚ ਕੁੱਲ 83 ਮਾਨਕ ਮਿੱਤਰਾਂ (Manak Mitrons) ਨੇ ਹਿੱਸਾ ਲਿਆ।

ਕਾਲਜ ਪ੍ਰਿੰਸੀਪਲ ਤਰਨਪ੍ਰੀਤ ਕੌਰ ਵਾਲਿਆ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਮੁੱਖ ਬੁਲਾਰੇ ਸ਼੍ਰੀ ਫੌਰਣ ਚੰਦ ਜੀ (BIS ਤੋਂ) ਨੇ ਵਿਦਿਆਰਥਣਾਂ ਨੂੰ ਬੀ.ਆਈ.ਐਸ. ਦੀਆਂ ਵੱਖ-ਵੱਖ ਗਤੀਵਿਧੀਆਂ ਬਾਰੇ ਵਿਸਤਾਰ ਨਾਲ ਜਾਣੂ ਕਰਵਾਇਆ। ਉਨ੍ਹਾਂ ਨੇ BIS ਦੀ ਜਾਣ-ਪਛਾਣ, ਮਾਪਦੰਡ ਬਣਾਉਣ ਦੀ ਪ੍ਰਕਿਰਿਆ, ਸਰਟੀਫਿਕੇਸ਼ਨ ਸਕੀਮਾਂ, “Know Your Standard”, ਉਤਪਾਦਾਂ ਦੀ ਸੂਚੀ ਜੋ ਲਾਜ਼ਮੀ ਸਰਟੀਫਿਕੇਸ਼ਨ ਹੇਠ ਆਉਂਦੇ ਹਨ, ਅਤੇ BIS ਵੈਬਸਾਈਟ 'ਤੇ ਨੇਵੀਗੇਸ਼ਨ ਅਤੇ BIS Talks ਬਾਰੇ ਜਾਣਕਾਰੀ ਦਿੱਤੀ। ਇਸ ਤੋਂ ਇਲਾਵਾ, ਉਨ੍ਹਾਂ ਨੇ Quality Connect ਐਪ ਅਤੇ BIS ਦੀਆਂ ਗਤੀਵਿਧੀਆਂ ਬਾਰੇ ਛੋਟੀਆਂ ਵੀਡੀਓਆਂ ਰਾਹੀਂ ਜਾਣੂ ਕਰਵਾਇਆ, ਜਿਹੜੀਆਂ ਘਰਾਂ ਵਿੱਚ ਜਾ ਕੇ ਲੋਕਾਂ ਨੂੰ ਦਿਖਾਈਆਂ ਜਾਣਗੀਆਂ। ਉਨ੍ਹਾਂ ਨੇ ਆਮ ਘਰੇਲੂ ਉਤਪਾਦਾਂ ਤੇ ISI ਮਾਰਕ, ਰਜਿਸਟ੍ਰੇਸ਼ਨ ਮਾਰਕ ਅਤੇ ਹਾਲਮਾਰਕ ਦੀ ਮਹੱਤਤਾ ਬਾਰੇ ਵੀ ਜਾਣਕਾਰੀ ਦਿੱਤੀ। ਇਸ ਦੇ ਨਾਲ ਹੀ ਬੀ ਆਈ ਐੱਸ ਕੇਅਰ ਐਪ ਦੀ ਵਰਤੋਂ ਕਰਕੇ ਉਤਪਾਦਾਂ ਦੀ ਅਸਲਿਯਤ ਜਾਂਚ (CM/L ਨੰਬਰ ਰਾਹੀਂ) ਕਰਨ ਦੀ ਡੈਮੋਸਟ੍ਰੇਸ਼ਨ ਵੀ ਦਿੱਤੀ। ਗ੍ਰੀਵੈਂਸ ਰੀਡਰੈੱਸਲ ਮਕੈਨਿਜ਼ਮ, ਜਿਸ ਵਿੱਚ ਆਨਲਾਈਨ ਸ਼ਿਕਾਇਤ ਪ੍ਰਬੰਧਨ ਪ੍ਰਣਾਲੀ (Complaint Management System) ਸ਼ਾਮਲ ਹੈ, ਦੀ ਵੀ ਜਾਣਕਾਰੀ ਦਿੱਤੀ ਗਈ। ਸ਼੍ਰੀ ਫੌਰਣ ਚੰਦ ਜੀ ਨੇ ਵਿਦਿਆਰਥਣਾਂ ਨੂੰ “Household Quality Connect Campaign” ਬਾਰੇ ਜਾਣੂ ਕਰਵਾਉਂਦੇ ਹੋਏ ਦੱਸਿਆ ਕਿ ਇਸ ਮੁਹਿੰਮ ਤਹਿਤ ਹਰ ਮਾਨਕ ਮਿੱਤਰ ਨੂੰ BIS ਵੱਲੋਂ ₹1500 ਦੀ ਰਕਮ ਪ੍ਰਦਾਨ ਕੀਤੀ ਜਾਵੇਗੀ। ਪ੍ਰੋਗਰਾਮ ਦੇ ਅੰਤ ਵਿੱਚ ਕਾਲਜ ਪ੍ਰਿੰਸਿਪਲ ਮੈਡਮ ਤਰਨਪ੍ਰੀਤ ਕੌਰ ਵਾਲੀਆ ਵੱਲੋਂ ਮੁੱਖ ਬੁਲਾਰੇ ਦਾ ਸਨਮਾਨ ਕੀਤਾ ਗਿਆ। ਪ੍ਰੋ।  ਪੂਜਾ ਅਰੋੜਾ, ਸਟੈਂਡਰਡ ਕਲੱਬ ਦੀ ਮੈਨਟਰ ਨੇ ਦੱਸਿਆ ਕਿ ਉਨ੍ਹਾਂ ਦੇ ਕਲੱਬ ਦੇ ਵਿਦਿਆਰਥੀ Quality Connect Campaign ਵਿੱਚ ਸਰਗਰਮ ਭਾਗੀਦਾਰੀ ਕਰ ਰਹੇ ਹਨ