ਨਵੀਂ ਦਿੱਲੀ : ਅਡਾਣੀ ਸਮੂਹ ਨੇ ਜੂਨ ਤਕ ਪਿਛਲੇ 12 ਮਹੀਨਿਆਂ ’ਚ 90,572 ਕਰੋਡ਼ ਰੁਪਏ ਦੀ ਅਜੇ ਤੱਕ ਦੀ ਸਭ ਤੋਂ ਵਧ ਟੈਕਸ ਤੋਂ ਪਹਿਲਾਂ ਕਮਾਈ (ਈ. ਬੀ. ਆਈ. ਟੀ. ਡੀ. ਏ.) ਦਰਜ ਕੀਤੀ ਹੈ। ਸਮੂਹ ਨੇ ਕਿਹਾ ਕਿ ਪ੍ਰਮੁੱਖ ਬੁਨਿਆਦੀ ਢਾਂਚੇ ਅਤੇ ਸਵੱਛ ਊਰਜਾ ਕਾਰੋਬਾਰਾਂ ’ਚ ਮਜ਼ਬੂਤ ਪ੍ਰਦਰਸ਼ਨ ਦੇ ਨਾਲ-ਨਾਲ ਉੱਭਰਦੇ ਹਵਾਈ ਅੱਡਾ ਸੈਕਟਰ ਦਾ ਯੋਗਦਾਨ ਇਸ ’ਚ ਸਭ ਤੋਂ ਵਧ ਰਿਹਾ।
ਬਿਆਨ ਅਨੁਸਾਰ, ਜੁਲਾਈ 2024 ਤੋਂ ਜੂਨ 2025 ਦੀ ਮਿਆਦ ’ਚ ਟੈਕਸ ਤੋਂ ਪਹਿਲਾਂ ਕਮਾਈ (ਈ. ਬੀ. ਆਈ. ਟੀ. ਡੀ. ਏ.) 90,572 ਕਰੋੜ ਰੁਪਏ ਰਹੀ, ਜੋ ਜੂਨ 2024 ਨੂੰ ਖਤਮ ਹੋਣ ਵਾਲੇ ਪਿਛਲੇ 12 ਮਹੀਨਿਆਂ ’ਚ ਦਰਜ 85,502 ਕਰੋਡ਼ ਰੁਪਏ ਤੋਂ ਵਧ ਹੈ। ਬੰਦਰਗਾਹ ਤੋਂ ਊਰਜਾ ਦਾ ਟੈਕਸ ਤੋਂ ਪਹਿਲਾਂ ਕਮਾਈ ’ਚ ਅਪ੍ਰੈ ਲ-ਜੂਨ ’ਚ ਸਭ ਤੋਂ ਵਧ 23,793 ਕਰੋੜ ਰੁਪਏ ਦਾ ਯੋਗਦਾਨ ਰਿਹਾ, ਜਿਸ ’ਚ ਅਡਾਣੀ ਐਂਟਰਪ੍ਰਾਈਜ਼ਿਜ਼ ਤਹਿਤ ਯੂਟੀਲਿਟੀ, ਟਰਾਂਸਪੋਰਟ ਅਤੇ ‘ਇੰਕਿਊਬੇਟਿੰਗ ਇਨਫ੍ਰਾ’ ਕਾਰੋਬਾਰਾਂ ਦੇ ਮੁੱਖ ਬੁਨਿਆਦੀ ਢਾਂਚਾ ਕਾਰੋਬਾਰਾਂ ਦਾ ਯੋਗਦਾਨ ਕਰੀਬ 87 ਫੀਸਦੀ ਰਿਹਾ।
ਬਿਆਨ ’ਚ ਕਿਹਾ ਗਿਆ,‘‘ਅਡਾਣੀ ਸਮੂਹ ਦੀ ਟੈਕਸ ਤੋਂ ਪਹਿਲਾਂ ਕਮਾਈ ਪਹਿਲੀ ਵਾਰ ਪਿਛਲੇ 12 ਮਹੀਨਿਆਂ ਦੇ ਆਧਾਰ ’ਤੇ 90,000 ਕਰੋੜ ਰੁਪਏ ਦੇ ਅੰਕੜੇ ਦੇ ਪਾਰ ਪਹੁੰਚ ਗਈ। ਨਾਲ ਹੀ ਪਹਿਲੀ ਤਿਮਾਹੀ ’ਚ ਟੈਕਸ ਤੋਂ ਪਹਿਲਾਂ ਕਮਾਈ ਰਿਕਾਰਡ ਉਚਾਈ ’ਤੇ ਪਹੁੰਚੀ।