ਸੁਨਾਮ (ਰਮੇਸ਼ ਗਰਗ) : ਸ਼੍ਰੀ ਬਾਲਾਜੀ ਖਾਟੂ ਸ਼ਿਆਮ ਮੰਦਿਰ ਵਿਖੇ ਸਾਉਣ ਮਹੀਨੇ ਦੀ ਸ਼ਿਵਰਾਤਰੀ ਦਾ ਪਵਿੱਤਰ ਤਿਉਹਾਰ ਬੜੀ ਸ਼ਰਧਾ ਅਤੇ ਧੂਮਧਾਮ ਨਾਲ ਮਨਾਇਆ ਗਿਆ। ਮੰਦਿਰ ਦੇ ਮੈਂਬਰ ਗੌਰਵ ਜਨਾਲੀਆ ਨੇ ਦੱਸਿਆ ਕਿ ਸ਼ਿਵਰਾਤਰੀ ਦੇ ਪਵਿੱਤਰ ਤਿਉਹਾਰ 'ਤੇ ਸ਼੍ਰੀ ਬਾਲਾਜੀ ਖਾਟੂ ਸ਼ਿਆਮ ਮੰਦਿਰ ਦੇ ਕਾਂਵੜੀਆਂ ਨੇ ਹਰਿਦੁਆਰ ਤੋਂ ਡਾਕ ਕਾਂਵੜ ਰਾਹੀਂ ਪਵਿੱਤਰ ਗੰਗਾ ਜਲ (ਕਾਂਵੜ) ਲਿਆਂਦੀ ਅਤੇ ਸ਼੍ਰੀ ਨਰਮਦੇਸ਼ਵਰ ਮਹਾਂਦੇਵ ਜੀ ਦਾ ਜਲਾਭਿਸ਼ੇਕ ਕੀਤਾ। ਇਸ ਸ਼ੁਭ ਮੌਕੇ 'ਤੇ ਦਿੱਲੀ ਦੇ ਕਾਰੋਬਾਰੀ ਮਨੁਜ ਸਚਦੇਵਾ (ਮਨੁ) ਜੀ ਵਿਸ਼ੇਸ਼ ਤੌਰ 'ਤੇ ਦਿੱਲੀ ਤੋਂ ਪਹੁੰਚੇ ਅਤੇ ਮੰਦਰ ਪਹੁੰਚਣ 'ਤੇ ਸਾਰੇ ਕਾਂਵੜੀਆਂ ਦਾ ਸਵਾਗਤ ਕੀਤਾ ਅਤੇ ਸੰਤ ਸ਼ਿਰੋਮਣੀ ਇੱਛਾਪੂਰਤੀ ਸ੍ਰੀ ਬਾਲਾਜੀ ਚੈਰੀਟੇਬਲ ਟਰੱਸਟ ਵੱਲੋਂ ਹਰਿਦੁਆਰ ਅਤੇ ਰਸਤੇ ਵਿੱਚ ਵਿੱਚ ਮੈਡੀਕਲ ਕੈਂਪਾਂ ਨਾਲ ਕਾਂਵੜੀਆਂ ਦੀ ਸੇਵਾ ਅਤੇ ਮੁਫਤ ਇਲਾਜ ਕਰਨ ਤੇ ਬਹੁਤ ਪ੍ਰਸ਼ੰਸਾ ਕੀਤੀ ਅਤੇ ਬਹੁਤ ਬਹੁਤ ਵਧਾਈ ਦਿੱਤੀ।
ਇਸ ਤੋਂ ਬਾਅਦ ਸਾਰੇ ਕਾਂਵੜੀਆਂ ਨੇ ਬਮ ਬਮ ਭੋਲੇ, ਜੈ ਸ਼ਿਵ ਸ਼ੰਕਰ, ਗੰਗਾ ਮਾਂ ਦੀ ਜੈ, ਭੋਲੇ ਬਾਬਾ ਦੇ ਜੈਕਾਰੇ ਲਗਾਉਂਦੇ ਹੋਏ ਮੰਦਰ ਵਿੱਚ ਦਾਖਿਲ ਹੋਏ ਅਤੇ ਮਨੁਜ ਸਚਦੇਵਾ ਦੇ ਨਾਲ ਮਿਲ ਕੇ ਸਾਰੇ ਕਾਂਵੜੀਆਂ ਨੇ ਭੋਲੇ ਬਾਬਾ ਦੀ ਪੂਜਾ ਕੀਤੀ, ਇਸ ਮੌਕੇ 'ਤੇ ਸਾਰਾ ਮਾਹੌਲ ਭੋਲੇ ਬਾਬਾ ਦੇ ਰੰਗ ਵਿੱਚ ਰੰਗਿਆ ਗਿਆ। ਇਸ ਮੌਕੇ ਸੰਤ ਸ਼ਿਰੋਮਣੀ ਇੱਛਾਪੂਰਤੀ ਸ੍ਰੀ ਬਾਲਾਜੀ ਚੈਰੀਟੇਬਲ ਟਰੱਸਟ ਵੱਲੋਂ ਆਈਆਂ ਸੰਗਤਾਂ ਲਈ ਪਕੌੜਿਆਂ, ਖੀਰ ਅਤੇ ਚਾਹ ਦਾ ਲੰਗਰ ਲਗਾਇਆ ਗਿਆ। ਸ਼ਹਿਰ ਵਾਸੀਆਂ ਵੱਲੋਂ ਸਾਉਣ ਮਹੀਨੇ ਦੀ ਸ਼ਿਵਰਾਤਰੀ ਦਾ ਪਵਿੱਤਰ ਤਿਉਹਾਰ ਬੜੀ ਧੂਮਧਾਮ ਨਾਲ ਮਨਾਇਆ ਗਿਆ। ਭੋਲੇ ਬਾਬਾ ਦੇ ਦਰਸ਼ਨਾਂ ਲਈ ਅਤੇ ਜਲ ਚੜ੍ਹਾਉਣ ਲਈ ਸਵੇਰ ਤੋਂ ਰਾਤ ਤੱਕ ਸ਼ਰਧਾਲੂਆਂ ਦੀ ਭਾਰੀ ਆਮਦ ਰਹੀ। ਇਸ ਸ਼ੁਭ ਮੌਕੇ 'ਤੇ ਪ੍ਰਵੇਸ਼ ਅਗਰਵਾਲ, ਮਨੁਜ ਸਚਦੇਵਾ ਦਿੱਲੀ, ਵਰੁਣ ਕਾਂਸਲ, ਸੋਨੂੰ ਸਿੰਗਲਾ, ਰਾਜੇਸ਼ ਬਾਂਸਲ, ਸ਼ੀਤਲ ਮਿੱਤਲ, ਸੋਨੂੰ ਨਾਗਰਾ, ਰਜਤ ਜੈਨ, ਕੇਸ਼ਵ ਗੁਪਤਾ, ਅਜੈ ਗੁਪਤਾ, ਹੈਪੀ ਗਰਗ, ਨਰਾਇਣ ਸ਼ਰਮਾ, ਅਨਿਲ ਲੀਲਾ, ਰਾਜੀਵ ਜੈਨ, ਸੁਨੀਲ ਸਿੰਗਲਾ, ਸੰਜੀਵ ਨਾਗਰਾ, ਲੱਕੀ ਖਿੱਪਲ, ਪੰਕਜ ਸ਼ਰਮਾ, ਸਚਿਨ ਗੋਇਲ, ਮਾਧਵ, ਗੌਤਮ, ਸਕਸ਼ਮ, ਗੋਗੀ, ਟਵਿੰਕਲ ਬਾਂਸਲ, ਰਾਮ ਕੁਮਾਰ, ਰਮਨ ਅਰੋੜਾ ਆਦਿ ਹਾਜ਼ਰ ਸਨ।