ਈਰਾਨ ਅਤੇ ਅਮਰੀਕਾ ’ਚ ਕੱਲ੍ਹ ਦੀ ਗੱਲਬਾਤ ਤੋਂ ਪਹਿਲਾਂ ਬਾਜ਼ਾਰ ਵਿਚ ਰਾਹਤ ਦਾ ਮਾਹੌਲ ਹੈ। ਅੱਜ ਹਫ਼ਤੇ ਦੇ ਆਖ਼ਰੀ ਦਿਨ ਭਾਰਤੀ ਸ਼ੇਅਰ ਬਾਜ਼ਾਰ ਵਿਚ ਵਾਧੇ ਦਾ ਰੁਝਾਨ ਦੇਖਣ ਨੂੰ ਮਿਲਿਆ ਹੈ।
ਬੰਬਈ ਸਟਾਕ ਐਕਸਚੇਂਜ ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ 918.60 ਅੰਕ ਭਾਵ 1.20% ਦੇ ਵਾਧੇ ਨਾਲ 77,550.25 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਇਸ ਦੇ ਨਾਲ ਹੀ ਸੈਂਸੈਕਸ ਦੇ 25 ਸਟਾਕ ਵਾਧੇ ਨਾਲ ਅਤੇ 5 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਜਾ ਰਹੇ ਹਨ। ਇਸ ਤੇਜ਼ੀ ਨਾਲ ਵਾਧੇ ਕਾਰਨ, BSE ਸੂਚੀਬੱਧ ਕੰਪਨੀਆਂ ਦੇ ਮਾਰਕੀਟ ਕੈਪ ਵਿੱਚ 5 ਲੱਖ ਕਰੋੜ ਰੁਪਏ ਦਾ ਵਾਧਾ ਹੋਇਆ। ਇਸ ਦੌਰਾਨ, ਡਾਲਰ ਦੇ ਮੁਕਾਬਲੇ ਰੁਪਿਆ 0.1% ਦੀ ਗਿਰਾਵਟ ਨਾਲ 92.7275 'ਤੇ ਬੰਦ ਹੋਇਆ।
ਦੂਜੇ ਪਾਸੇ ਨਿਫਟੀ 275.50 ਅੰਕ ਭਾਵ 1.16 ਫ਼ੀਸਦੀ ਚੜ੍ਹ ਕੇ 24,050.60 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਬੈਂਕ ਨਿਫਟੀ ਵਿਚ ਵੀ ਲਗਭਗ 1000 ਅੰਕਾਂ ਦਾ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਮਿਡਕੈਪ ਅਤੇ ਸਮਾਲਕੈਪ ਵਿਚ ਵੀ ਚੰਗੀ ਖ਼ਰੀਦਦਾਰੀ ਦੇਖਣ ਨੂੰ ਮਿਲ ਰਹੀ ਹੈ। ਮਾਰਚ ਦੀ ਗਿਰਾਵਟ ਦਾ ਨਿਵੇਸ਼ਕਾਂ ਨੂੰ ਭਾਰੀ ਲਾਭ ਲਿਆ ਹੈ। ਨਿਫਟੀ ਮਿਡਕੈਪ 1.29% ਅਤੇ ਨਿਫਟੀ ਸਮਾਲਕੈਪ 1.25% ਵਧਿਆ। ਸੈਕਟਰਲ ਤੌਰ 'ਤੇ, ਨਿਫਟੀ ਫਾਈਨੈਂਸ਼ੀਅਲ ਸਰਵਿਸਿਜ਼ ਅਤੇ ਬੈਂਕ ਵਿੱਚ ਸਭ ਤੋਂ ਵੱਧ ਵਾਧਾ ਹੋਇਆ। ਨਿਫਟੀ ਪੀਐਸਯੂ ਬੈਂਕ ਅਤੇ ਨਿਫਟੀ ਮੀਡੀਆ ਵਿੱਚ ਵੀ ਮਜ਼ਬੂਤ ਵਾਧਾ ਹੋਇਆ। ਨਿਫਟੀ ਆਈਟੀ ਵਿੱਚ ਸਭ ਤੋਂ ਵੱਧ ਗਿਰਾਵਟ ਆਈ।
ਟਾਪ ਗੇਨਰਸ
ਏਸ਼ੀਅਨ ਪੇਂਟਸ, ICICI ਬੈਂਕ, ਮਹਿੰਦਰਾ ਐਂਡ ਮਹਿੰਦਰਾ ਬੈਂਕ, SBI, Axis Bank, Bajaj Finserv, Bajaj Finance, Trent, Adani Port
ਟਾਪ ਲੂਜ਼ਰਸ
HCL Tech, Tech Mahindra, TCS, Infosys ਅਤੇ Sun Pharma ਵਿੱਚ ਗਿਰਾਵਟ ਆਈ।
ਕੱਚੇ ਤੇਲ ਦੀਆਂ ਕੀਮਤਾਂ
ਬ੍ਰੈਂਟ ਕਰੂਡ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਇਆ। ਇਸਦਾ ਅਪ੍ਰੈਲ ਦਾ ਇਕਰਾਰਨਾਮਾ 0.58% ਵੱਧ ਕੇ $96.44 ਪ੍ਰਤੀ ਬੈਰਲ 'ਤੇ ਵਪਾਰ ਕਰ ਰਿਹਾ ਹੈ।
ਇਸ ਕਾਰਨ ਚੜ੍ਹਿਆ ਬਾਜ਼ਾਰ
ਈਰਾਨ ਵਿੱਚ ਸ਼ਾਂਤੀ ਦੀਆਂ ਉਮੀਦਾਂ 'ਤੇ ਬਾਜ਼ਾਰ ਵਿੱਚ ਤੇਜ਼ੀ ਆਈ ਹੈ। ਨਿਵੇਸ਼ਕ ਇਸ ਹਫ਼ਤੇ ਪਾਕਿਸਤਾਨ ਵਿੱਚ ਅਮਰੀਕਾ ਅਤੇ ਈਰਾਨੀ ਪ੍ਰਤੀਨਿਧੀਆਂ ਵਿਚਕਾਰ ਹੋਣ ਵਾਲੀ ਮੀਟਿੰਗ 'ਤੇ ਨਜ਼ਰਾਂ ਟਿਕਾਈ ਬੈਠੇ ਹਨ। ਹਾਲਾਂਕਿ, ਇਜ਼ਰਾਈਲ ਨੇ ਲੇਬਨਾਨ ਵਿੱਚ ਹਿਜ਼ਬੁੱਲਾ ਦੇ ਟਿਕਾਣਿਆਂ 'ਤੇ ਹਮਲੇ ਜਾਰੀ ਰੱਖੇ ਹਨ। ਈਰਾਨ ਨੇ ਅਮਰੀਕਾ ਅਤੇ ਇਜ਼ਰਾਈਲ 'ਤੇ ਜੰਗਬੰਦੀ ਦੀ ਉਲੰਘਣਾ ਕਰਨ ਦਾ ਦੋਸ਼ ਵੀ ਲਗਾਇਆ ਹੈ। ਹਾਲਾਂਕਿ, ਇਜ਼ਰਾਈਲ ਨੇ ਵੀ ਲੇਬਨਾਨ ਨਾਲ ਗੱਲਬਾਤ ਵਿੱਚ ਦਿਲਚਸਪੀ ਦਿਖਾਈ ਹੈ। ਇਸ ਨਾਲ ਪੱਛਮੀ ਏਸ਼ੀਆ ਵਿੱਚ ਸ਼ਾਂਤੀ ਦੀਆਂ ਉਮੀਦਾਂ ਵਧੀਆਂ ਹਨ।
ਬੀਤੇ ਦਿਨ ਅਮਰੀਕਾ-ਈਰਾਨ ਤਣਾਅ ਵਧਣ ਨਾਲ ਬਾਜ਼ਾਰ ਧੜੰਮ, ਨਿਵੇਸ਼ਕਾਂ ਦੇ ਡੁੱਬੇ 72,250.95 ਕਰੋੜ ਰੁਪਏ
ਏਸ਼ੀਆਈ ਬਾਜ਼ਾਰਾਂ ’ਚ ਕਮਜ਼ੋਰ ਰੁਖ ਵਿਚਾਲੇ ਭਾਰਤੀ ਸ਼ੇਅਰ ਬਾਜ਼ਾਰ ਅੱਜ ਗਿਰਾਵਟ ’ਚ ਬੰਦ ਹੋਏ। ਇਕ ਦਿਨ ਪਹਿਲਾਂ ਸੀਜ਼ਫਾਇਰ ਦੇ ਐਲਾਨ ਤੋਂ ਬਾਅਦ ਈਰਾਨ ਅਤੇ ਅਮਰੀਕਾ ’ਚ ਤਣਾਅ ਫਿਰ ਵਧਣ ਦੀਆਂ ਖਬਰਾਂ ਨਾਲ ਬਾਜ਼ਾਰ ’ਚ ਵਿਕਰੀ ਦੇਖੀ ਗਈ। ਬੈਂਕਿੰਗ ਅਤੇ ਫਾਈਨਾਂਸ਼ੀਅਲ ਸ਼ੇਅਰਾਂ ’ਚ ਮੁਨਾਫਾ ਵਸੂਲੀ ਦਾ ਵੀ ਅਸਰ ਦਿਸਿਆ।
30 ਸ਼ੇਅਰਾਂ ਵਾਲਾ ਬੰਬੇ ਸਟਾਕ ਐਕਸਚੇਂਜ (ਬੀ. ਐੱਸ. ਈ.) ਦਾ ਸੈਂਸੈਕਸ ਗਿਰਾਵਟ ਨਾਲ 77,319.33 ਅੰਕ ’ਤੇ ਖੁੱਲ੍ਹਿਆ। ਖੁੱਲ੍ਹਣ ਤੋਂ ਬਾਅਦ ਥੋੜ੍ਹੀ ਰਿਕਵਰੀ ਦੇਖੀ ਗਈ ਪਰ ਬਾਅਦ ’ਚ ਵਿਕਰੀ ਵਧ ਗਈ। ਕਾਰੋਬਾਰ ਦੌਰਾਨ ਇਹ 76,347 ਅੰਕ ਤੱਕ ਡਿੱਗ ਗਿਆ ਸੀ। ਆਖਿਰ ’ਚ ਇਹ 931.25 ਅੰਕ ਜਾਂ 1.20 ਫੀਸਦੀ ਦੀ ਗਿਰਾਵਟ ਲੈ ਕੇ 76,631.65 ’ਤੇ ਬੰਦ ਹੋਇਆ।
ਇਸੇ ਤਰ੍ਹਾਂ ਨੈਸ਼ਨਲ ਸਟਾਕ ਐਕਸਚੇਂਜ (ਐੱਨ. ਐੱਸ. ਈ.) ਵੀ ਕਮਜ਼ੋਰ ਸ਼ੁਰੂਆਤ ਨਾਲ 23,909 ਅੰਕ ’ਤੇ ਖੁੱਲ੍ਹਿਆ। ਬੁੱਧਵਾਰ ਨੂੰ ਇਹ 23,997 ’ਤੇ ਬੰਦ ਹੋਇਆ ਸੀ। ਉੱਥੇ ਹੀ ਕਾਰੋਬਾਰ ਦੌਰਾਨ ਇਹ 23,682 ਅੰਕ ਤੱਕ ਡਿੱਗ ਗਿਆ ਅਤੇ ਆਖਿਰ ’ਚ 222.25 ਅੰਕ ਜਾਂ 0.93 ਫੀਸਦੀ ਡਿੱਗ ਕੇ 23,775.10 ’ਤੇ ਬੰਦ ਹੋਇਆ।
ਮਾਰਕੀਟ ’ਚ ਇਸ ਜ਼ਬਰਦਸਤ ਗਿਰਾਵਟ ਵਿਚਾਲੇ ਬੀ. ਐੱਸ. ਈ. ’ਤੇ ਲਿਸਟਿਡ ਕੰਪਨੀਆਂ ਦਾ ਮਾਰਕੀਟ ਕੈਪ ਘਟ ਕੇ 4,44,79,150.90 ਕਰੋੜ ਰੁਪਏ ਹੋ ਗਿਆ। ਬੁੱਧਵਾਰ ਨੂੰ ਇਹ 4,45,51,401.85 ਕਰੋੜ ਰੁਪਏ ਸੀ। ਇਸ ਦਾ ਮਤਲਬ ਹੋਇਆ ਕਿ ਨਿਵੇਸ਼ਕਾਂ ਦੇ 72,250.95 ਕਰੋੜ ਰੁਪਏ ਡੁੱਬ ਗਏ।
ਉੱਥੇ ਹੀ ਰੁਪਇਆ ਅਮਰੀਕੀ ਡਾਲਰ ਦੇ ਮੁਕਾਬਲੇ 9 ਪੈਸੇ ਟੁੱਟ ਕੇ 92.63 ’ਤੇ ਆ ਗਿਆ। ਵਿਦੇਸ਼ੀ ਕਰੰਸੀ ਕਾਰੋਬਾਰੀਆਂ ਨੇ ਕਿਹਾ ਕਿ ਸੰਘਰਸ਼ ਵਿਰਾਮ ਹੋਣ ਦੇ ਬਾਵਜੂਦ ਈਰਾਨ ਅਤੇ ਇਜ਼ਰਾਈਲ ਵਿਚਾਲੇ ਤਣਾਅ ਅਤੇ ਲਿਬਨਾਨ ’ਤੇ ਹਮਲੇ ਜਾਰੀ ਰਹਿਣ ਨਾਲ ਭੂ-ਸਿਆਸੀ ਜੋਖਮ ਉੱਚਾ ਬਣਿਆ ਹੋਇਆ ਹੈ।