ਕੇਂਦਰ ਸਰਕਾਰ ਨੇ ਬਿਨਾ FASTag ਵਾਲੇ ਚਾਲਕਾਂ ਨੂੰ ਵੱਡੀ ਰਾਹਤ ਦਿੱਤੀ ਹੈ। ਹੁਣ, ਜੇਕਰ ਕਿਸੇ ਵਾਹਨ ਵਿੱਚ FASTag ਨਹੀਂ ਹੈ ਜਾਂ ਉਹ ਕੰਮ ਨਹੀਂ ਕਰ ਰਿਹਾ ਹੈ, ਤਾਂ UPI ਰਾਹੀਂ ਭੁਗਤਾਨ ਕਰਨ 'ਤੇ ਟੋਲ ਟੈਕਸ ਨੂੰ ਦੁੱਗਣਾ ਕਰਨ ਦੀ ਬਜਾਏ ਸਿਰਫ 1.25 ਗੁਣਾ ਟੋਲ ਟੈਕਸ ਦੇਣਾ ਪਵੇਗਾ। ਸੜਕ ਆਵਾਜਾਈ ਅਤੇ ਰਾਜਮਾਰਗ ਮੰਤਰਾਲੇ ਨੇ ਇਸ ਸੰਬੰਧੀ ਇੱਕ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ। ਇਹ ਨਵੀਂ ਪ੍ਰਣਾਲੀ 15 ਨਵੰਬਰ ਤੋਂ ਦੇਸ਼ ਭਰ ਦੇ ਟੋਲ ਪਲਾਜ਼ਿਆਂ 'ਤੇ ਲਾਗੂ ਕੀਤੀ ਜਾਵੇਗੀ।
ਨਵਾਂ ਨਿਯਮ ਕੀ ਹੈ?
ਪੁਰਾਣੇ ਨਿਯਮ ਦੇ ਅਨੁਸਾਰ, ਜੇਕਰ ਕਿਸੇ ਵਾਹਨ ਵਿੱਚ FASTag ਨਹੀਂ ਹੁੰਦਾ ਸੀ ਜਾਂ ਉਹ ਵੈਲਿਡ ਨਹੀਂ ਹੁੰਦਾ ਸੀ, ਤਾਂ ਨਾਰਮਲ ਟੋਲ ਟੈਕਸ ਦਾ ਦੁੱਗਣੇ ਕੈਸ਼ 'ਚ ਭੁਗਤਾਨ ਕਰਨਾ ਪੈਂਦਾ ਸੀ, ਜਿਸਨੂੰ ਇੱਕ ਵੱਡਾ ਜੁਰਮਾਨਾ ਮੰਨਿਆ ਜਾਂਦਾ ਸੀ। ਹਾਲਾਂਕਿ, ਹੁਣ FASTag ਤੋਂ ਬਿਨਾਂ ਜਾਂ ਬੰਦ ਪਏ FASTag ਵਾਲੇ ਵਾਹਨ UPI ਰਾਹੀਂ 1.25 ਗੁਣਾ ਟੋਲ ਟੈਕਸ ਦਾ ਭੁਗਤਾਨ ਕਰ ਸਕਣਗੇ। ਇਸਦਾ ਮਤਲਬ ਹੈ ਕਿ UPI ਰਾਹੀਂ ਕੀਤੇ ਗਏ ਭੁਗਤਾਨਾਂ 'ਤੇ ਹੁਣ ਦੁੱਗਣਾ ਟੋਲ ਟੈਕਸ ਨਹੀਂ ਲੱਗੇਗੀ।
ਡਿਜੀਟਲ ਭੁਗਤਾਨਾਂ ਨੂੰ ਉਤਸ਼ਾਹਿਤ ਕਰਨਾ
ਟੋਲ ਸੰਗ੍ਰਹਿ ਨੂੰ ਵਧਾਉਣ ਅਤੇ ਇਸਨੂੰ ਹੋਰ ਗਾਹਕ-ਅਨੁਕੂਲ ਬਣਾਉਣ ਲਈ ਇਸ ਸਰਕਾਰੀ ਫੈਸਲੇ ਨੂੰ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ। ਜਿੱਥੇ ਇਹ ਡਿਜੀਟਲ ਭੁਗਤਾਨਾਂ ਨੂੰ ਉਤਸ਼ਾਹਿਤ ਕਰੇਗਾ, ਉੱਥੇ ਇਹ ਟੋਲ ਪਲਾਜ਼ਿਆਂ 'ਤੇ ਧੋਖਾਧੜੀ ਵਾਲੇ ਨਕਦ ਲੈਣ-ਦੇਣ ਨੂੰ ਵੀ ਰੋਕੇਗਾ, ਜਿਸ ਨਾਲ ਟੋਲ ਵਸੂਲੀ ਵਿੱਚ ਵਾਧਾ ਹੋਵੇਗਾ। ਇਸ ਤੋਂ ਇਲਾਵਾ, ਇਸ ਨਵੀਂ ਵਿਸ਼ੇਸ਼ਤਾ ਨਾਲ ਟੋਲ ਪਲਾਜ਼ਾ ਥਰੂਪੁੱਟ ਨੂੰ ਘਟਾਉਣ ਦੀ ਉਮੀਦ ਹੈ। ਵਰਤਮਾਨ ਵਿੱਚ, ਦੇਸ਼ ਵਿੱਚ FASTag ਦੀ ਪਹੁੰਚ ਲਗਭਗ 98 ਫੀਸਦੀ ਤੱਕ ਪਹੁੰਚ ਗਈ ਹੈ।