ਹਿਮਾਚਲ ਪ੍ਰਦੇਸ਼ ਦੇ ਚੌਪਾਲ-ਨੇਰਵਾ ਤੋਂ ਪਾਉਂਟਾ ਜਾ ਰਹੀ ਇੱਕ HRTC ਬੱਸ ਮੰਗਲਵਾਰ ਸਵੇਰੇ ਕੰਟਰੋਲ ਤੋਂ ਬਾਹਰ ਹੋ ਕੇ ਕਵਾਨੂ ਨੇੜੇ ਇੱਕ ਖੱਡ ਵਿੱਚ ਡਿੱਗ ਗਈ। ਇਸ ਹਾਦਸੇ ਵਿਚ ਤਿੰਨ ਲੋਕਾਂ ਦੀ ਮੌਕੇ 'ਤੇ ਮੌਤ ਹੋਣ ਦਾ ਖਦਸ਼ਾ ਹੈ, ਜਦੋਂ ਕਿ ਕਈ ਗੰਭੀਰ ਜ਼ਖਮੀ ਹੋ ਗਏ।
ਜਾਣਕਾਰੀ ਮੁਤਾਬਕ ਨੇਰਵਾ ਤੋਂ ਪਾਉਂਟਾ ਸਾਹਿਬ ਜਾ ਰਹੀ HRTC ਬੱਸ ਨੰਬਰ HP66A2588 ਮੰਗਲਵਾਰ ਸਵੇਰੇ 9:30 ਵਜੇ ਹਰੀਪੁਰ-ਕੋਟੀ-ਮੀਨਾਸ ਹਾਈਵੇਅ 'ਤੇ ਕਵਾਨੂ ਨੇੜੇ ਨਦੀ ਵਿੱਚ ਡਿੱਗ ਗਈ। ਕੰਡਕਟਰ ਵੱਲੋਂ ਪੁਲਸ ਨੂੰ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਹਾਦਸੇ ਸਮੇਂ ਬੱਸ ਵਿੱਚ 31 ਤੋਂ 34 ਯਾਤਰੀ ਸਵਾਰ ਸਨ।