ਵੇਦਾਂਤਾ ਦੀ ਕਰੈਡਿਟ ਰੇਟਿੰਗ ਬਰਕਰਾਰ, ਕ੍ਰਿਸਿਲ ਅਤੇ ਆਈ.ਸੀ.ਆਰ.ਏ ਨੇ ਕੀਤੀ ਮੁੜ ਪੁਸ਼ਟੀ

ਮਾਨਸਾ : ਭਾਰਤ ਦੀਆਂ ਪ੍ਰਮੁੱਖ ਭਰੋਸਾਯੋਗਤਾ ਸੰਸਥਾਵਾਂ, ਕ੍ਰਿਸਿਲ ਰੇਟਿੰਗਸ ਅਤੇ ਆਈ.ਸੀ.ਆਰ.ਏ (ਇਕਰਾ) ਨੇ ਵੇਦਾਂਤਾ ਲਿਮਿਟੇਡ ਦੇ ਭਰੋਸੇਮੰਦ ਹੋਣ ਦੇ ਦਰਜੇ (ਰੇਟਿੰਗ) ਦੀ ਮੁੜ-ਪੁਸ਼ਟੀ ਕਰਦੇ ਹੋਏ ਉਸਨੂੰ ਬਰਕਰਾਰ ਰੱਖਿਆ ਹੈ। ਇਹ ਕੰਪਨੀ ਦੀ ਸਮੁੱਚੀ ਵਪਾਰਕ ਸਥਿਰਤਾ, ਚੰਗੀ ਵਿੱਤੀ ਹਾਲਤ ਅਤੇ ਸੰਸਥਾ ਦੇ ਚੰਗੇ ਪ੍ਰਬੰਧ 'ਤੇ ਮਜ਼ਬੂਤ ਭਰੋਸੇ ਨੂੰ ਦਰਸਾਉਂਦਾ ਹੈ।

ਜ਼ਿਕਰਯੋਗ ਹੈ ਕਿ ਕ੍ਰਿਸਿਲ ਦੀ ਰਿਪੋਰਟ ਵਿਚ ਦੱਸਿਆ ਗਿਆ ਹੈ ਕਿ ਪ੍ਰਬੰਧਨ ਅਤੇ ਚੁਣੇ ਹੋਏ ਕਰਜ਼ਦਾਤਿਆਂ ਵੱਲੋਂ ਮਿਲੀ ਜਾਣਕਾਰੀ ਦੇ ਆਧਾਰ ‘ਤੇ, ਸੰਸਥਾ ਇਹ ਸਮਝਦੀ ਹੈ ਕਿ ਇਸ ਸਮੇਂ ਕਿਸੇ ਵੀ ਕਰਜ਼ਦਾਤਾ ਜਾਂ ਨਿਵੇਸ਼ਕ ਵੱਲੋਂ ਕੋਈ ਨਾਂ-ਪੱਖੀ ਪ੍ਰਤੀਕਿਰਿਆ ਨਹੀਂ ਆਈ ਹੈ।ਕਰੈਡਿਟ ਸੰਸਥਾ ਨੇ ਹਿੰਦੁਸਤਾਨ ਜ਼ਿੰਕ ਲਿਮਿਟੇਡ (HZL) ਲਈ ਕ੍ਰਿਸਿਲ ਏ.ਏ.ਏ. (AAA) ਅਤੇ ਵੇਦਾਂਤਾ ਲਈ ਏ.ਏ. (AA) ਦੀ ਲੰਬੇ ਸਮੇਂ ਵਾਲੀ ਰੇਟਿੰਗ ਨੂੰ ਮੁੜ ਪ੍ਰਵਾਨ ਕੀਤਾ ਹੈ।

ਇਕਰਾ ਨੇ ਵੀ ਆਪਣੀ ਲੰਬੀ ਮਿਆਦ ਵਾਲੀ AA ਰੇਟਿੰਗ ਨੂੰ ਮੁੜ ਪ੍ਰਵਾਨਗੀ ਦਿੱਤੀ ਹੈ।

        ਇਹਨਾਂ ਸੰਸਥਾਵਾਂ ਦਾ ਇਹ ਪੱਕਾ ਬਿਆਨ ਘੱਟ ਮਿਆਦ ਵਾਲੇ ਵਿਕਰੇਤਾ ਵਾਇਸਰਾਏ ਦੇ ਦਾਅਵਿਆਂ ਦਾ ਇੱਕ ਮਜ਼ਬੂਤ ਜਵਾਬ ਹੈ। ਵਾਇਸਰਾਏ ਨੇ ਵੇਦਾਂਤਾ ਲਿਮਿਟੇਡ ਦੀ ਮੂਲ ਕੰਪਨੀ, ਵੇਦਾਂਤਾ ਰਿਸੋਰਸਿਜ਼ 'ਤੇ ਢਾਂਚਾਗਤ ਨਿਰਭਰਤਾ ਅਤੇ ਮੁਨਾਫ਼ੇ ਰਾਹੀਂ ਕਰਜ਼ਾ ਚੁਕਾਉਣ 'ਤੇ ਨਿਰਭਰ ਰਹਿਣ ਦਾ ਦੋਸ਼ ਲਾਇਆ ਸੀ।ਕ੍ਰਿਸਿਲ ਦੀ ਰਿਪੋਰਟ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ ਰਿਪੋਰਟ ਦੇ ਛਪਣ ਤੋਂ ਬਾਅਦ ਵੇਦਾਂਤਾ ਲਿਮਿਟੇਡ ਅਤੇ ਹਿੰਦੁਸਤਾਨ ਜ਼ਿੰਕ ਲਿਮਿਟੇਡ, ਦੋਹਾਂ ਦੇ ਸ਼ੇਅਰਾਂ ਦੀ ਕੀਮਤ ਪਹਿਲਾਂ ਹੀ ਸੁਧਰ ਗਈ ਹੈ। ਕ੍ਰਿਸਿਲ ਕੋਲ ਵੇਦਾਂਤਾ ਸਮੂਹ ਦੀਆਂ 11 ਸੰਸਥਾਵਾਂ ਦੀ ਰੇਟਿੰਗ ਬਕਾਇਆ ਹੈ, ਜਿਨ੍ਹਾਂ ਵਿੱਚ ਹਿੰਦੁਸਤਾਨ ਜ਼ਿੰਕ, ਈ.ਐਸ.ਐਲ ਸਟੀਲ ਲਿਮਿਟੇਡ, ਤਲਵੰਡੀ ਸਾਬੋ ਪਾਵਰ ਲਿਮਿਟੇਡ ਅਤੇ ਸੇਸਾ ਰਿਸੋਰਸਿਜ਼ ਲਿਮਿਟੇਡ ਸ਼ਾਮਿਲ ਹਨ, ਅਤੇ ਸਾਰਿਆਂ ਦੀ ਰੇਟਿੰਗ ਦੀ ਮੁੜ ਪ੍ਰਮਾਣਿਤ ਕੀਤੀ ਗਈ ਹੈ।

        ਕ੍ਰਿਸਿਲ ਆਪਣੀਆਂ ਸਾਰੀਆਂ ਬਕਾਇਆ ਰੇਟਿੰਗਾਂ ਨੂੰ ਲਗਾਤਾਰ ਨਿਗਰਾਨੀ ਵਿੱਚ ਰੱਖਦਾ ਹੈ। ਨੋਟ ਵਿੱਚ ਕਿਹਾ ਗਿਆ ਹੈ ਕਿ ਵੇਦਾਂਤਾ ਅਤੇ ਉਸ ਦੀਆਂ ਸਹਾਇਕ ਕੰਪਨੀਆਂ ਦੀਆਂ ਰੇਟਿੰਗਾਂ ਉਨ੍ਹਾਂ ਦੇ ਭਾਰਤੀ ਕਾਰੋਬਾਰੀ ਸਰਗਰਮੀਆਂ ਦੇ ਜੋਖਮਾਂ ਦੀ ਮਜ਼ਬੂਤੀ ਅਤੇ ਚੰਗੇ ਵਿੱਤੀ ਪ੍ਰਦਰਸ਼ਨ ਨਾਲ ਪ੍ਰਵਾਨ ਕੀਤੀਆਂ ਗਈਆਂ ਹਨ।ਇਸੇ ਤਰ੍ਹਾਂ, ਇਕਰਾ ਨੇ ਸਮੂਹ ਦੇ ਕਰਜ਼ੇ ਨੂੰ ਲਗਾਤਾਰ ਘਟਾਉਣ ਦੀ ਵਚਨਬੱਧਤਾ ਨਾਲ ਸੰਤੋਸ਼ ਜ਼ਾਹਰ ਕੀਤਾ ਹੈ। ਵੇਦਾਂਤਾ ਰਿਸੋਰਸਿਜ਼ ਲਿਮਿਟੇਡ (ਵੀ.ਆਰ.ਐਲ.) ਦੇ ਕਰਜ਼ੇ ਸਮੇਤ ਸ਼ੁੱਧ ਕਰਜ਼ਾ/ਓ.ਪੀ.ਬੀ.ਡੀ.ਆਈ.ਟੀ.ਏ , ਜੋ ਕਿ ਵਿੱਤੀ ਵਰੇ 2024 ਵਿੱਚ 3.2 ਗੁਣਾ ਦਰਜ ਸੀ, ਵਿੱਤੀ ਵਰੇ 2025 ਵਿੱਚ 2.5 ਗੁਣਾ ਤੱਕ ਸੁਧਰ ਗਿਆ ਹੈ। ਖ਼ਾਸ ਕਰਕੇ ਐਲੂਮੀਨੀਅਮ ਅਤੇ ਜ਼ਿੰਕ ਦੇ ਕਾਰੋਬਾਰ ਵਿੱਚ ਹੋਇਆ ਵਧੀਆ

          ਮੁਨਾਫ਼ਾ, ਸਮੂਹ ਦੇ ਮੌਜੂਦਾ ਕਰਜ਼ਾ ਲੈਣ ਦੀ ਦਰ ਨੂੰ ਹੋਰ ਮਜ਼ਬੂਤੀ ਦੇਣ ਦੀ ਉਮੀਦ ਹੈ। ਇਸ ਦੇ ਨਾਲ-ਨਾਲ, ਇਕਰਾ, ਵੇਦਾਂਤਾ ਲਿਮਿਟੇਡ (ਵੀ.ਡੀ.ਐਲ.) ਦੇ ਸੰਸ਼ੋਧਿਤ ਕਰਜ਼ਾ ਲੈਣ ਦੀ ਦਰ ਅਤੇ ਕਵਰੇਜ ਮਾਪਦੰਡਾਂ ਦੀ ਗਿਣਤੀ ਲਈ ਵੀ.ਆਰ.ਐਲ. ਦੇ ਕੁੱਲ ਕਰਜ਼ੇ ਅਤੇ ਵਿੱਤੀ ਖ਼ਰਚਿਆਂ ਦਾ ਵੀ ਧਿਆਨ ਰੱਖਦਾ ਹੈ।ਕ੍ਰੈਡਿਟ ਰੇਟਿੰਗ ਪ੍ਰਣਾਲੀ ਦੇ ਹਿਸਾਬ ਨਾਲ, ਏ.ਏ.ਏ ਰੇਟਿੰਗ ਦਾ ਅਰਥ ਹੈ ਕਿ ਇਸ ਰੇਟਿੰਗ ਵਾਲੇ ਸਾਧਨਾਂ ਕੋਲ ਵਿੱਤੀ ਜ਼ਿੰਮੇਵਾਰੀਆਂ ਦਾ ਸਮੇਂ ‘ਤੇ ਭੁਗਤਾਨ ਕਰਨ ਲਈ ਸਭ ਤੋਂ ਉੱਚਾ ਸੁਰੱਖਿਆ ਪੱਧਰ ਹੁੰਦਾ ਹੈ। ਐਸੇ ਸਾਧਨਾਂ ਵਿੱਚ ਸਭ ਤੋਂ ਘੱਟ ਕ੍ਰੈਡਿਟ ਜੋਖਮ ਹੁੰਦਾ ਹੈ। ਇਸੇ ਤਰ੍ਹਾਂ, ਏਏ ਰੇਟਿੰਗ ਦਾ ਅਰਥ ਹੈ ਕਿ ਇਸ ਰੇਟਿੰਗ ਵਾਲੇ ਸਾਧਨਾਂ ਕੋਲ ਵਿੱਤੀ ਜ਼ਿੰਮੇਵਾਰੀਆਂ ਦਾ ਸਮੇਂ ‘ਤੇ ਭੁਗਤਾਨ ਕਰਨ ਲਈ ਉੱਚ ਪੱਧਰ ਦੀ ਸੁਰੱਖਿਆ ਹੁੰਦੀ ਹੈ। ਐਸੇ ਸਾਧਨਾਂ ਵਿੱਚ ਵੀ ਬਹੁਤ ਘੱਟ ਕ੍ਰੈਡਿਟ ਜੋਖਮ ਹੁੰਦਾ ਹੈ।

        ਇਸ ਲਈ, ਵੇਦਾਂਤਾ ਦੇ ਅਸਥਿਰ ਕਰਜ਼ੇ ਅਤੇ ਕਮਜ਼ੋਰ ਵਿੱਤੀ ਹਾਲਤ ਬਾਰੇ ਰਿਪੋਰਟ ਵਿੱਚ ਲਗਾਏ ਗਏ ਦੋਸ਼ ਪੂਰੀ ਤਰ੍ਹਾਂ ਬੇਅਸਾਸ ਹਨ ਅਤੇ ਉਨ੍ਹਾਂ ਦਾ ਕੋਈ ਭਰੋਸੇਮੰਦ ਆਧਾਰ ਨਹੀਂ ਹੈ। ਇਹ ਵੇਖਦੇ ਹੋਏ ਕਿ ਵੇਦਾਂਤਾ ਦੇ ਸਾਧਨਾਂ ਨੂੰ ਸਭ ਤੋਂ ਉੱਚੀ ਏਏਏ ਅਤੇ ਬਹੁਤ ਉੱਚੀ ਏਏ ਕ੍ਰੈਡਿਟ ਰੇਟਿੰਗ ਮਿਲੀ ਹੈ, ਇਹ ਸਪਸ਼ਟ ਤੌਰ ‘ਤੇ ਉਨ੍ਹਾਂ ਦੀ ਮਜ਼ਬੂਤ ਵਿੱਤੀ ਹਾਲਤ ਅਤੇ ਆਪਣੇ ਜ਼ਿੰਮੇਵਾਰੀਆਂ ਨੂੰ ਸਮੇਂ ‘ਤੇ ਪੂਰਾ ਕਰਨ ਦੀ ਅਸਧਾਰਣ ਸਮਰੱਥਾ ਨੂੰ ਦਰਸਾਉਂਦਾ ਹੈ। ਐਸੀਆਂ ਰੇਟਿੰਗਾਂ ਸਭ ਤੋਂ ਘੱਟ ਕ੍ਰੈਡਿਟ ਜੋਖਮ ਨੂੰ ਸਪਸ਼ਟ ਤੌਰ ‘ਤੇ ਦਰਸਾਉਂਦੀਆਂ ਹਨ, ਜੋ ਕਿਸੇ ਵੀ ਕਮਜ਼ੋਰੀ ਜਾਂ ਅਸਥਿਰਤਾ ਵਾਲੇ ਦਾਵਿਆਂ ਨੂੰ ਬਿਲਕੁਲ ਨਕਾਰਦੀਆਂ ਹਨ।

ਵੇਦਾਂਤਾ ਰਿਸੋਰਸੇਜ਼ ਲਿਮਿਟੇਡ ਦੇ ਪੱਧਰ 'ਤੇ, ਕਰਜ਼ੇ ਦੀ ਹਾਲੀਆ ਮੁੜ-ਵਿੱਤਿਆਰਣ ਨੇ ਲੰਮੇ ਸਮੇਂ ਦੀ ਮਿਆਦ ਦੀ ਪ੍ਰੋਫਾਈਲ ਨੂੰ ਆਸਾਨ ਬਣਾ ਦਿੱਤਾ ਹੈ ਅਤੇ ਵਿੱਤੀ ਸਾਲ 2026 ਤੋਂ ਬਾਅਦ ਵਿੱਤੀ ਖਰਚੇ ਨੂੰ ਘਟਾਉਣ ਦੀ ਸੰਭਾਵਨਾ ਹੈ।

            ਵੇਦਾਂਤਾ ਪਾਵਰ ਬਾਰੇ:

ਵੇਦਾਂਤਾ ਗਰੁੱਪ ਭਾਰਤ ਦੇ ਸਭ ਤੋਂ ਵੱਡੇ ਨਿੱਜੀ ਥਰਮਲ ਪਾਵਰ ਉਤਪਾਦਕਾਂ ਵਿੱਚੋਂ ਇੱਕ ਹੈ, ਜਿਸ ਕੋਲ 10,000 ਮੇਗਾਵਾਟ ਦੀ ਥਰਮਲ ਪਾਵਰ ਉਤਪਾਦਨ ਸਮਰਥਾ ਹੈ। ਇਸਦਾ ਪਾਵਰ ਕਾਰੋਬਾਰ ਦੇਸ਼ ਦੀ ਊਰਜਾ ਲੋੜ ਨੂੰ ਪੂਰਾ ਕਰਨ ਅਤੇ ਉਤਪਾਦਨ ਵਿੱਚ ਕੇਂਦਰੀ ਭੂਮਿਕਾ ਨਿਭਾਉਣ ਲਈ ਸਮਰਪਿਤ ਹੈ।ਵੇਦਾਂਤਾ ਪਾਵਰ ਦੇ ਪਲਾਂਟ ਮਾਨਸਾ, ਪੰਜਾਬ (ਤਲਵੰਡੀ ਸਾਬੋ ਪਾਵਰ ਲਿਮਿਟੇਡ), ਸਿੰਘੀਤਰਾਈ, ਛਤਿਸਗੜ੍ਹ (ਵੇਦਾਂਤਾ ਲਿਮਿਟੇਡ ਛਤਿਸਗੜ੍ਹ ਥਰਮਲ ਪਾਵਰ ਪਲਾਂਟ) ਅਤੇ ਤਿਰੁਪਤੀ, ਆਂਧਰਾ ਪ੍ਰਦੇਸ਼ (ਮੀਨਾਕਸ਼ੀ ਐਨਰਜੀ ਲਿਮਿਟੇਡ) ਵਿੱਚ ਸਥਿਤ ਹਨ। ਕੰਪਨੀ ਜਲਦ ਹੀ 4,780 ਮੇਗਾਵਾਟ ਦੀ ਸੰਸਥਾਪਿਤ ਕੈਪੈਸਿਟੀ ਤੱਕ ਪਹੁੰਚਣ ਜਾ ਰਹੀ ਹੈ, ਜੋ ਦੇਸ਼ ਭਰ ਵਿੱਚ ਵੱਖ-ਵੱਖ ਡਿਸਕਾਮਜ਼ ਅਤੇ ਯੂਟਿਲਿਟੀਆਂ ਨੂੰ ਊਰਜਾ ਮੁਹੱਈਆ ਕਰ ਰਹੀ ਹੈ।

ਤਲਵੰਡੀ ਸਾਬੋ ਪਾਵਰ ਲਿਮਿਟੇਡ ਬਾਰੇ:

ਤਲਵੰਡੀ ਸਾਬੋ ਪਾਵਰ ਲਿਮਿਟੇਡ (TSPL) ਇੱਕ ਉੱਚ ਤਕਨੀਕੀ, ਸੁਪਰਕ੍ਰਿਟੀਕਲ 1980 ਮੇਗਾਵਾਟ ਦੀ ਵਿਸ਼ਵ-ਪੱਧਰੀ ਥਰਮਲ ਪਾਵਰ ਪਲਾਂਟ ਹੈ, ਜੋ ਪੰਜਾਬ ਦੇ ਜ਼ਿਲ੍ਹਾ ਮਾਨਸਾ ਦੇ ਬਨਾਵਾਲਾ ਵਿੱਚ ਸਥਿਤ ਹੈ। ਇਹ ਪਲਾਂਟ ਆਪਣੀ ਪੈਦਾ ਕੀਤੀ ਸਾਰੀ ਬਿਜਲੀ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਿਟੇਡ (PSPCL) ਨੂੰ ਸਪਲਾਈ ਕਰਦਾ ਹੈ ਅਤੇ ਪੰਜਾਬ ਦੀ ਕੁੱਲ ਬਿਜਲੀ ਲੋੜਾਂ ਦਾ ਲਗਭਗ 30% ਪੂਰਾ ਕਰਦਾ ਹੈ।TSPL ਵਿਦੇਸ਼ੀ ਮਾਪਦੰਡਾਂ ਅਨੁਸਾਰ ਵਾਤਾਵਰਨ ਅਤੇ ਸੁਰੱਖਿਆ ਦੀਆਂ ਸਰਵੋਤਮ ਪ੍ਰਣਾਲੀਆਂ ਨੂੰ ਅਮਲ ਵਿੱਚ ਲਿਆਉਂਦਾ ਹੈ, ਜਿਸ ਕਾਰਨ ਇਹ ਪੰਜਾਬ ਦਾ ਸਭ ਤੋਂ ਹਰਾ-ਭਰਾ ਥਰਮਲ ਪਲਾਂਟ ਬਣ ਚੁੱਕਾ ਹੈ ਅਤੇ ਦੇਸ਼ ਦੇ ਚੋਟੀ ਦੇ 'ਜ਼ੀਰੋ-ਹਾਰਮ, ਜ਼ੀਰੋ-ਵੇਸਟ, ਜ਼ੀਰੋ-ਡਿਸਚਾਰਜ' ਥਰਮਲ ਪਾਵਰ ਉਤਪਾਦਕਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ।