ਮੋਹਾਲੀ : ਮੋਹਾਲੀ ਨਗਰ ਨਿਗਮ ਦੇ ਚੋਣ ਨਤੀਜਿਆਂ ਦੌਰਾਨ ਸ਼੍ਰੋਮਣੀ ਅਕਾਲੀ ਦਲ ਨੇ ਆਖ਼ਰਕਾਰ ਆਪਣਾ ਖਾਤਾ ਖੋਲ੍ਹ ਲਿਆ ਹੈ। ਵਾਰਡ ਨੰਬਰ-44 ਤੋਂ ਸ਼੍ਰੋਮਣੀ ਅਕਾਲੀ ਦਲ ਦੇ ਉਮੀਦਵਾਰ ਸੁਖਵੀਰ ਸਿੰਘ ਨੇ ਜਿੱਤ ਦਰਜ ਕਰਕੇ ਅਜੇ ਤੱਕ ਇਕਲੌਤੀ ਸੀਟ ਪਾਰਟੀ ਦੀ ਝੋਲੀ ਪਾਈ ਹੈ। ਹੁਣ ਤੱਕ ਦੀ ਗਿਣਤੀ ਦੇ ਅੰਦਰ ਮੋਹਾਲੀ ਨਗਰ ਨਿਗਮ ਦੇ ਐਲਾਨੇ ਗਏ ਕੁੱਲ 50 ਨਤੀਜਿਆਂ ਵਿੱਚੋਂ ਸੱਤਾਧਾਰੀ ਪਾਰਟੀ-13, ਕਾਂਗਰਸ-3 ਸ਼੍ਰੋਮਣੀ ਅਕਾਲੀ ਦਲ-1, ਆਜ਼ਾਦ -1 ਵਾਰਡਾਂ 'ਚ ਜੇਤੂ ਰਹੀ ਹੈ।
ਇਸ ਦੇ ਨਾਲ ਹੀ ਭਾਰਤੀ ਜਨਤਾ ਪਾਰਟੀ ਜੋ ਇੱਕ ਵੱਡੀ ਉਮੀਦ ਲੈ ਕੇ ਇਨ੍ਹਾਂ ਚੋਣਾਂ 'ਚ ਉੱਤਰੀ ਸੀ, ਆਪਣੀ ਪਹਿਲੀ ਜਿੱਤ ਦੀ ਉਡੀਕ ਕਰ ਰਹੀ ਹੈ। ਜਾਣਕਾਰੀ ਮੁਤਾਬਕ ਵਾਰਡ ਨੰਬਰ 26, 28, 29, 31, 32, 33, 34, 36, 38, 42, 43 ਅਤੇ 50 ਵਿੱਚ ਸੱਤਾਧਾਰੀ ਪਾਰਟੀ ਦੇ ਉਮੀਦਵਾਰ ਜੇਤੂ ਰਹੇ ਹਨ।
ਇਸ ਤੋਂ ਇਲਾਵਾ ਵਾਰਡ ਨੰਬਰ 27, 30 ਅਤੇ 37 ਵਿੱਚ ਕਾਂਗਰਸ ਦੇ ਉਮੀਦਵਾਰਾਂ ਨੇ ਜਿੱਤ ਹਾਸਲ ਕੀਤੀ ਹੈ, ਜਦੋਂ ਕਿ ਵਾਰਡ ਨੰਬਰ-35 ਤੋਂ ਇੱਕ ਆਜ਼ਾਦ ਉਮੀਦਵਾਰ ਨੇ ਬਾਜ਼ੀ ਮਾਰੀ ਹੈ।