ਗੁਜਰਾਤ ਦੇ ਅਹਿਮਦਾਬਾਦ ਵਿਚ 12 ਜੂਨ ਨੂੰ ਵਾਪਰੇ ਜਹਾਜ਼ ਹਾਦਸੇ ਨਾਲ ਪੂਰਾ ਦੇਸ਼ ਸਦਮੇ ਵਿਚ ਹੈ। ਅਹਿਦਮਾਬਾਦ ਤੋਂ ਲੰਡਨ ਜਾ ਰਿਹਾ ਜਹਾਜ਼ ਟੇਕ ਆਫ਼ ਦੇ ਕੁਝ ਮਿੰਟਾਂ ਬਾਅਦ ਕ੍ਰੈਸ਼ ਹੋ ਗਿਆ। ਜਹਾਜ਼ ਵਿਚ 242 ਯਾਤਰੀ ਸਵਾਰ ਸਨ। ਸਿਰਫ ਰਮੇਸ਼ ਵਿਸ਼ਵਾਸ ਕੁਮਾਰ ਨਾਂ ਦੇ ਸ਼ਖ਼ਸ ਨੂੰ ਛੱਡ ਕੇ 241 ਯਾਤਰੀ ਹਾਦਸੇ ਦਾ ਸ਼ਿਕਾਰ ਹੋ ਗਏ। ਰਮੇਸ਼ ਇਕਮਾਤਰ ਬਚਿਆ ਸ਼ਖ਼ਸ ਸੀ, ਜੋ ਫਿਲਹਾਲ ਹਸਪਤਾਲ 'ਚ ਜੇਰੇ ਇਲਾਜ ਹੈ।
ਇਸ ਹਾਦਸੇ ਵਿਚ ਆਪਣਿਆਂ ਨੂੰ ਗੁਆਉਣ ਵਾਲੇ ਪਰਿਵਾਰਾਂ ਦੇ ਹੰਝੂ ਰੁੱਕਣ ਦਾ ਨਾਂ ਨਹੀਂ ਲੈ ਰਹੇ ਹਨ। ਕਿਸ ਨੇ ਸੋਚਿਆ ਨਹੀਂ ਹੋਣਾ ਕਿ ਇਹ ਫਲਾਈਟ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਜ਼ਿੰਦਗੀ ਭਰ ਦਾ ਗ਼ਮ ਦੇ ਜਾਵੇਗੀ। ਇਸ ਦਰਮਿਆਨ ਏਅਰ ਇੰਡੀਆ 'ਤੇ ਇਕ ਔਰਤ ਨੇ ਆਪਣਾ ਗੁੱਸਾ ਕੁੱਢਿਆ। ਉਸ ਨੇ ਕਿਹਾ ਕਿ ਜੇਕਰ ਏਅਰ ਇੰਡੀਆ ਵਾਲੇ ਮੇਰੇ ਵਾਪਸ ਕਰ ਦੇਣ ਤਾਂ ਮੈਂ ਉਨ੍ਹਾਂ ਨੂੰ 2 ਕਰੋੜ ਰੁਪਏ ਦੇਵਾਂਗੀ।
ਰੋਂਦੇ ਹੋਏ ਫਾਲਗੁਨੀ ਨਾਂ ਦੀ ਔਰਤ ਨੇ ਕਿਹਾ ਕਿ ਕੀ ਪੈਸੇ ਤੋਂ ਇਨਸਾਨ ਖਰੀਦੇ ਜਾ ਸਕਦੇ ਹਨ? ਬਸ ਉਹ ਕਿਸੇ ਵੀ ਤਰ੍ਹਾਂ ਆਪਣੇ ਪਿਤਾ ਨੂੰ ਵਾਪਸ ਪਾਉਣਾ ਚਾਹੁੰਦੀ ਹੈ। ਉਸ ਦੇ ਮਨ 'ਚ ਸਿਰਫ ਇਕ ਗੱਲ ਹੈ ਕਿ ਕਾਸ਼! ਉਸ ਦੇ ਪਿਤਾ ਇਸ ਫਲਾਈਟ ਵਿਚ ਬੈਠੇ ਹੀ ਨਾ ਹੁੰਦੇ। ਇਕ ਨਿਊਜ਼ ਚੈਨਲ ਨਾਲ ਗੱਲ ਕਰਦਿਆਂ ਔਰਤ ਫੁਟ-ਫੁਟ ਕੇ ਰੋ ਪਈ। ਇਸ ਦੌਰਾਨ ਉਸ ਦਾ ਗੁੱਸਾ ਏਅਰ ਇੰਡੀਆ ਵਾਲਿਆਂ 'ਤੇ ਵੀ ਨਿਕਲਿਆ। ਉਸ ਨੇ ਕਿਹਾ ਕਿ ਏਅਰ ਇੰਡੀਆ ਵਾਲਿਆਂ ਨੂੰ ਪਹਿਲਾਂ ਸਭ ਕੁਝ ਚੈਕ ਕਰਨਾ ਚਾਹੀਦਾ ਸੀ। ਉਨ੍ਹਾਂ ਨੇ ਕਿਉਂ ਚੈਕ ਨਹੀਂ ਕੀਤਾ? ਦੱਸ ਦੇਈਏ ਕਿ ਟਾਟਾ ਗਰੁੱਪ ਨੇ ਇਸ ਤ੍ਰਾਸਦੀ ਵਿਚ ਜਾਨ ਗੁਆਉਣ ਵਾਲੇ ਪਰਿਵਾਰਾਂ ਨੂੰ ਇਕ ਕਰੋੜ ਰੁਪਏ ਦੇਣ ਦਾ ਐਲਾਨ ਕੀਤਾ ਹੈ।