ਮਾਰੂਤੀ ਸੁਜ਼ੂਕੀ ਇੰਡੀਆ ਦੇ ਬੋਰਡ ਆਫ ਡਾਇਰੈਕਟਰਜ਼ ਨੇ ਗੁਜਰਾਤ ’ਚ ਭੂਮੀ ਪ੍ਰਾਪਤੀ ਅਤੇ ਉਤਪਾਦਨ ਸਮਰੱਥਾ ਦੇ ਵਿਸਥਾਰ ਲਈ 4,960 ਕਰੋੜ ਰੁਪਏ ਦੇ ਪ੍ਰਸਤਾਵ ਨੂੰ ਮਨਜ਼ੂਰੀ ਦਿੱਤੀ ਹੈ। ਕੰਪਨੀ ਨੇ ਦੱਸਿਆ ਕਿ ਗੁਜਰਾਤ ਉਦਯੋਗਿਕ ਵਿਕਾਸ ਨਿਗਮ ਤੋਂ ਖੋਰਾਜ ਇੰਡਸਟਰੀਅਲ ਅਸਟੇਟ ’ਚ ਜ਼ਮੀਨ ਲਈ ਜਾਵੇਗੀ, ਜਿੱਥੇ ਪ੍ਰਸਤਾਵਿਤ ਉਤਪਾਦਨ ਸਮਰੱਥਾ 10 ਲੱਖ ਇਕਾਈਆਂ ਤੱਕ ਹੋਵੇਗੀ।
ਨਿਵੇਸ਼ ਦੀ ਫੰਡਿੰਗ ਅੰਦਰੂਨੀ ਆਮਦਨ ਅਤੇ ਬਾਹਰੀ ਉਧਾਰ ਰਾਹੀਂ ਕੀਤੀ ਜਾਵੇਗੀ। ਮੌਜੂਦਾ ਸਮੇਂ ’ਚ ਕੰਪਨੀ ਦੀ ਕੁੱਲ ਉਤਪਾਦਨ ਸਮਰੱਥਾ 26 ਲੱਖ ਇਕਾਈਆਂ ਪ੍ਰਤੀ ਸਾਲ ਹੈ, ਜਿਸ ਦੀ ਪੂਰੀ ਵਰਤੋਂ ਹੋ ਰਹੀ ਹੈ। ਇਸ ਤੋਂ ਪਹਿਲਾਂ 2024 ’ਚ ਗੁਜਰਾਤ ’ਚ ਨਵੀ ਇਕਾਈ ਲਈ 35,000 ਕਰੋੜ ਰੁਪਏ ਨਿਵੇਸ਼ ਦਾ ਐਲਾਨ ਕੀਤਾ ਗਿਆ ਸੀ।