ਰਾਜਸਥਾਨ ਦੇ ਹਨੂੰਮਾਨਗੜ੍ਹ ਜ਼ਿਲ੍ਹੇ ਦੇ ਸੰਗਰੀਆ ਵਿਧਾਨ ਸਭਾ ਹਲਕੇ ਦੀ ਰਹਿਣ ਵਾਲੀ ਪੂਰਵਾ ਚੌਧਰੀ ਸਰਟੀਫਿਕੇਟ ਦੀ ਦੁਰਵਰਤੋਂ ਕਰਨ ਦੇ ਦੋਸ਼ਾਂ ਨੂੰ ਲੈ ਕੇ ਵਿਵਾਦਾਂ ਵਿੱਚ ਘਿਰੀ ਹੋਈ ਹੈ। ਪੂਰਵਾ ਨੇ ਯੂਪੀਐਸਸੀ ਸਿਵਲ ਸੇਵਾਵਾਂ ਪ੍ਰੀਖਿਆ 2024 ਵਿੱਚ 535ਵਾਂ ਰੈਂਕ ਪ੍ਰਾਪਤ ਕੀਤਾ ਸੀ। ਉਸਨੇ ਇਹ ਪ੍ਰੀਖਿਆ ਓਬੀਸੀ (ਨਾਨ-ਕ੍ਰੀਮੀ ਲੇਅਰ) ਸ਼੍ਰੇਣੀ ਅਧੀਨ ਪਾਸ ਕੀਤੀ ਸੀ। ਹਾਲਾਂਕਿ, ਉਸਦੀ ਪ੍ਰਾਪਤੀ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਇੱਕ ਵਿਵਾਦ ਸ਼ੁਰੂ ਹੋ ਗਿਆ, ਜਿਸ ਵਿੱਚ ਕੁਝ ਲੋਕਾਂ ਨੇ ਦੋਸ਼ ਲਗਾਇਆ ਕਿ ਉਸਨੇ ਓਬੀਸੀ ਸਰਟੀਫਿਕੇਟ ਦੀ ਦੁਰਵਰਤੋਂ ਕੀਤੀ। ਇਹ ਵਿਵਾਦ ਉਸਦੇ ਰੀਟਾ ਦੇ ਪੇਸ਼ੇ ਅਤੇ ਵਿੱਤੀ ਸਥਿਤੀ ਬਾਰੇ ਹੈ।
ਦੱਸ ਦੇਈਏ ਕਿ UPSC 2024 ਵਿੱਚ ਪੂਰਵਾ ਨੇ 535ਵਾਂ ਰੈਂਕ ਹਾਸਲ ਕੀਤਾ ਸੀ, ਜਿਸ ਵਿਚ ਉਸ ਨੇ ਲਿਖਤੀ ਪ੍ਰੀਖਿਆ ਵਿੱਚ 771 ਅੰਕ ਅਤੇ ਇੰਟਰਵਿਊ ਵਿੱਚ 165 ਅੰਕ ਪ੍ਰਾਪਤ ਕੀਤੇ ਸਨ। ਉਸਦੀ ਚੋਣ OBC-ਨਾਨ ਕ੍ਰੀਮੀ ਲੇਅਰ ਸ਼੍ਰੇਣੀ ਦੇ ਤਹਿਤ ਹੋਈ ਸੀ। ਪੂਰਵਾ ਦੇ ਪਿਤਾ ਓਮਪ੍ਰਕਾਸ਼ ਸਹਾਰਨ ਪ੍ਰਸ਼ਾਸਕੀ ਸੇਵਾਵਾਂ (RAS) ਦੇ ਅਧਿਕਾਰੀ ਹਨ ਅਤੇ ਵਰਤਮਾਨ ਵਿੱਚ ਕੋਟਪੁਤਲੀ ਵਿੱਚ ਵਧੀਕ ਜ਼ਿਲ੍ਹਾ ਕੁਲੈਕਟਰ ਵਜੋਂ ਸੇਵਾ ਨਿਭਾ ਰਹੇ ਹਨ। ਕੁਝ ਸਮਾਂ ਪਹਿਲਾਂ ਸੋਸ਼ਲ ਮੀਡੀਆ 'ਤੇ ਕੁਝ ਲੋਕਾਂ ਵਲੋਂ ਦਾਅਵਾ ਕੀਤਾ ਕਿ ਉਸਦੇ ਪਿਤਾ ਦੀ ਸਰਕਾਰੀ ਨੌਕਰੀ ਅਤੇ ਵਿੱਤੀ ਸਥਿਤੀ ਨੂੰ ਦੇਖਦੇ ਹੋਏ ਉਹ OBC ਨਾਨ-ਕ੍ਰੀਮੀ ਲੇਅਰ ਲਈ ਯੋਗ ਨਹੀਂ ਹੋ ਸਕਦੀ। ਇਹ ਦੋਸ਼ ਹੈ ਕਿ ਉਸਦੀ ਪਰਿਵਾਰਕ ਆਮਦਨ 8 ਲੱਖ ਰੁਪਏ ਸਾਲਾਨਾ ਦੀ ਸੀਮਾ ਤੋਂ ਵੱਧ ਹੈ, ਜੋ OBC-ਨਾਨ-ਕ੍ਰੀਮੀ ਲੇਅਰ ਲਈ ਨਿਰਧਾਰਤ ਹੈ।
ਸੋਸ਼ਲ ਮੀਡੀਆ 'ਤੇ ਉਸਦੇ OBC-NCL ਸਰਟੀਫਿਕੇਟ ਬਾਰੇ ਸਵਾਲ ਖੜ੍ਹੇ ਹੋ ਗਏ। ਪੂਰਵਾ ਦੇ ਪਿਤਾ ਨੇ ਯੂਪੀਐਸਸੀ ਵਿੱਚ ਓਬੀਸੀ ਸਰਟੀਫਿਕੇਟ ਦੀ ਦੁਰਵਰਤੋਂ ਦੇ ਦੋਸ਼ਾਂ 'ਤੇ ਆਪਣਾ ਸਪੱਸ਼ਟੀਕਰਨ ਦਿੱਤਾ ਅਤੇ ਨਿਯਮਾਂ ਦਾ ਹਵਾਲਾ ਦਿੰਦੇ ਹੋਏ ਇਨ੍ਹਾਂ ਦੋਸ਼ਾਂ ਨੂੰ ਝੂਠਾ ਕਰਾਰ ਦਿੱਤਾ ਹੈ। ਸੋਸ਼ਲ ਮੀਡੀਆ 'ਤੇ ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਪੂਰਵਾ ਕੋਲ ਮਹਿੰਗੇ ਹੈਂਡਬੈਗ ਅਤੇ ਕਾਰਾਂ ਹਨ, ਜਿਸ ਦੇ ਆਧਾਰ 'ਤੇ ਉਸਦੀ ਵਿੱਤੀ ਸਥਿਤੀ ਬਾਰੇ ਸਵਾਲ ਖੜ੍ਹੇ ਕੀਤੇ ਜਾ ਰਹੇ ਹਨ। ਲੋਕਾਂ ਦਾ ਦੋਸ਼ ਹੈ ਕਿ ਉੱਚ ਸੰਪਰਕ ਵਾਲੇ ਲੋਕ ਅਜਿਹੀਆਂ ਚਾਲਾਂ ਅਪਣਾ ਕੇ ਗਰੀਬਾਂ ਦੇ ਹੱਕ ਖੋਹਦੇ ਹਨ। ਨਿਯਮਾਂ ਦਾ ਹਵਾਲਾ ਦਿੰਦੇ ਉਸ ਦੇ ਪਿਤਾ ਨੇ ਕਿਹਾ ਕਿ OBC-NCL ਸਰਟੀਫਿਕੇਟ ਲਈ ਨਿਯਮ ਕਹਿੰਦਾ ਹੈ ਕਿ ਜੇਕਰ ਕੋਈ ਵਿਅਕਤੀ 40 ਸਾਲ ਦੀ ਉਮਰ ਤੋਂ ਪਹਿਲਾਂ ਕਲਾਸ-1 (ਗਰੁੱਪ A) ਜਾਂ RAS ਵਰਗੇ ਅਹੁਦੇ 'ਤੇ ਸਿੱਧਾ ਭਰਤੀ ਹੁੰਦਾ ਹੈ, ਤਾਂ ਉਸਦਾ ਪਰਿਵਾਰ OBC-NCL ਲਾਭਾਂ ਤੋਂ ਵਾਂਝਾ ਰਹਿੰਦਾ ਹੈ। ਉਹ 44 ਸਾਲ ਦੀ ਉਮਰ ਵਿੱਚ RAS ਬਣਿਆ ਸੀ, ਇਸ ਲਈ ਉਨ੍ਹਾਂ ਦੀ ਧੀ ਪੂਰਵਾ ਨੂੰ OBC-NCL ਲਾਭ ਪ੍ਰਾਪਤ ਕਰਨ ਦਾ ਪੂਰਾ ਅਧਿਕਾਰ ਹੈ।