ਸਰਕਾਰੀ ਸਰਵੇ ਅਨੁਸਾਰ ਅਕਤੂਬਰ-ਦਸੰਬਰ 2025 ਤਿਮਾਹੀ ’ਚ 15 ਸਾਲ ਅਤੇ ਉਸ ਤੋਂ ਵੱਧ ਉਮਰ ਦੇ ਲੋਕਾਂ ਦਰਮਿਆਨ ਬੇਰੋਜ਼ਗਾਰੀ ਦਰ ’ਚ ਮਾਮੂਲੀ ਸੁਧਾਰ ਦਰਜ ਕੀਤਾ ਗਿਆ ਹੈ। ਸ਼ਹਿਰੀ ਖੇਤਰਾਂ ’ਚ ਬੇਰੋਜ਼ਗਾਰੀ ਦਰ ਘਟ ਕੇ 6.7 ਫੀਸਦੀ ਰਹਿ ਗਈ। ਇਹ ਗਿਰਾਵਟ ਮੁੱਖ ਤੌਰ ’ਤੇ ਸ਼ਹਿਰੀ ਪੁਰਸ਼ਾਂ ’ਚ ਬੇਰੋਜ਼ਗਾਰੀ ਘੱਟ ਹੋਣ ਕਾਰਨ ਆਈ, ਜਿਨ੍ਹਾਂ ਦੀ ਦਰ 6.2 ਫੀਸਦੀ ਤੋਂ ਘਟ ਕੇ 5.9 ਫੀਸਦੀ ਹੋ ਗਈ।
ਰਾਸ਼ਟਰੀ ਅੰਕਡ਼ਾ ਦਫ਼ਤਰ (ਐੱਨ. ਐੱਸ. ਓ.) ਦੇ ਤਿਮਾਹੀ ਪੀਰੀਆਡਿਕ ਲੇਬਰ ਫੋਰਸ ਸਰਵੇ (ਪੀ. ਐੱਲ. ਐੱਫ. ਐੱਸ.) ਅਨੁਸਾਰ ਦਿਹਾਤੀ ਖੇਤਰਾਂ ’ਚ ਬੇਰੋਜ਼ਗਾਰੀ ਦਰ ਵੀ ਘਟ ਕੇ 4 ਫੀਸਦੀ ਰਹਿ ਗਈ। ਦਿਹਾਤੀ ਇਲਾਕਿਆਂ ’ਚ ਪੁਰਸ਼ਾਂ ਅਤੇ ਔਰਤਾਂ ਦੋਵਾਂ ’ਚ ਰੋਜ਼ਗਾਰ ਦੀ ਸਥਿਤੀ ’ਚ ਸੁਧਾਰ ਦੇਖਿਆ ਗਿਆ।
ਸਰਵੇ ’ਚ ਇਹ ਵੀ ਸਾਹਮਣੇ ਆਇਆ ਕਿ ਸਵੈ-ਰੋਜ਼ਗਾਰ ਕਰਨ ਵਾਲਿਆਂ ਦੀ ਹਿੱਸੇਦਾਰੀ ਦਿਹਾਤੀ ਖੇਤਰਾਂ ’ਚ ਵਧ ਕੇ 63.2 ਫੀਸਦੀ ਅਤੇ ਸ਼ਹਿਰੀ ਖੇਤਰਾਂ ’ਚ 39.7 ਫੀਸਦੀ ਹੋ ਗਈ। ਕੁੱਲ ਮਿਲਾ ਕੇ ਅਕਤੂਬਰ-ਦਸੰਬਰ 2025 ’ਚ ਦੇਸ਼ ’ਚ ਕੰਮਕਾਜੀ ਲੋਕਾਂ ਦੀ ਗਿਣਤੀ ਵਧ ਕੇ 57.4 ਕਰੋੜ ਦੱਸੀ ਗਈ ਹੈ।