ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ 75ਵੇਂ ਜਨਮਦਿਨ ਮੌਕੇ ਮਾਈਕ੍ਰੋਸਾਫਟ ਦੇ ਸੰਸਥਾਪਕ ਤੇ ਬਿਲ ਐਂਡ ਮੈਲਿੰਡਾ ਗੇਟਸ ਫਾਊਂਡੇਸ਼ਨ ਦੇ ਫਾਊਂਡਰ ਬਿਲ ਗੇਟਸ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਵਧਾਈ ਦਿੱਤੀ ਹੈ।
ਇਕ ਵੀਡੀਓ ਜਾਰੀ ਕਰਦੇ ਹੋਏ ਉਨ੍ਹਾਂ ਕਿਹਾ, ''ਪ੍ਰਧਾਨ ਮੰਤਰੀ ਮੋਦੀ, 75ਵੇਂ ਜਨਮਦਿਨ ਮੌਕੇ ਤੁਹਾਨੂੰ ਸ਼ੁੱਭਕਾਮਨਾਵਾਂ। ਮੈਂ ਭਾਰਤ ਦੀ ਅਗਵਾਈ ਕਰਨ ਤੇ ਵਿਸ਼ਵ ਪੱਧਰੀ ਵਿਕਾਸ 'ਚ ਤੁਹਾਡੇ ਯੋਗਦਾਨ ਲਈ ਤੁਹਾਡੀ ਚੰਗੀ ਸਿਹਤ ਦੀ ਕਾਮਨਾ ਕਰਦਾ ਹਾਂ।''
ਉਨ੍ਹਾਂ ਅੱਗੇ ਕਿਹਾ, ''ਗੇਟਸ ਫਾਊਂਡੇਸ਼ਨ ਨੂੰ ਭਾਰਤ ਸਰਕਾਰ ਨਾਲ ਭਾਈਵਾਲੀ ਦੀ ਕਾਫ਼ੀ ਕਦਰ ਹੈ। ਅਸੀਂ ਵਿਕਸਿਤ ਭਾਰਤ ਤੇ ਦੱਖਣੀ ਦੇਸ਼ਾਂ ਦੇ ਵਿਕਾਸ ਲਈ ਮਿਲ ਕੇ ਕੰਮ ਕਰਨਾ ਜਾਰੀ ਰੱਖਾਂਗੇ। ਇਕ ਵਾਰ ਫ਼ਿਰ, ਤੁਹਾਨੂੰ ਇਸ ਸ਼ਾਨਦਾਰ ਮੌਕੇ ਵਧਾਈਆਂ ਹੋਣ।''