ਖਰੜ (ਪ੍ਰੀਤ ਪੱਤੀ) : ਫਰੈਡਜ਼ ਫੌਰਐਵਰ ਵੈੱਲਫੇਅਰ ਸੁਸਾਇਟੀ ਰਜਿ ਖਰੜ ਮੁਹਾਲੀ ਵੱਲੋਂ 33ਵਾਂ ਖ਼ੂਨਦਾਨ ਕੈਂਪ ਲਗਾਇਆ ਗਿਆ। ਸੁਸਾਇਟੀ ਦੇ ਪ੍ਰਧਾਨ ਸ੍ਰ ਜਸਵਿੰਦਰ ਸਿੰਘ ਨੇ ਦੱਸਿਆ ਕਿ ਅੱਜ ਕੱਲ੍ਹ ਕੜਾਕੇ ਦੀ ਠੰਡ ਪੈ ਰਹੀ ਹੈ। ਇਸ ਮੌਸਮ ਵਿੱਚ ਬਲੱਡ ਬੈਂਕਾਂ ਵਿੱਚ ਖ਼ੂਨ ਦੀ ਬਹੁਤ ਜਿਆਦਾ ਘਾਟ ਹੋ ਜਾਂਦੀ ਹੈ। ਇਸ ਨੂੰ ਮੁੱਖ ਰੱਖਦੇ ਹੋਏ ਇਹ ਖ਼ੂਨਦਾਨ ਕੈਂਪ ਲਗਾਇਆ ਗਿਆ। ਐਨੀ ਠੰਡ ਹੋਣ ਦੇ ਬਾਵਜੂਦ ਕੈਂਪ ਵਿੱਚ 103 ਵਿਆਕਤੀਆਂ ਵੱਲੋਂ ਖੂਨਦਾਨ ਕੀਤਾ ਗਿਆ। ਕਲੱਬ ਵੱਲੋਂ ਸਾਰੇ ਖੂਨਦਾਨੀਆਂ ਨੂੰ ਗਿਫ਼ਟ ਤੇ ਸਰਟੀਫਿਕੇਟ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਤੇ ਕੁਲਵਿੰਦਰ ਸਿੰਘ, ਸਤੀਸ਼ ਕੁਮਾਰ, ਪੰਕਜ਼ ਕੁਮਾਰ ਰੌਕੀ, ਰੇਨੂੰ, ਪ੍ਰਦੀਪ ਕੁਮਾਰ ਬਿੱਟੂ, ਸੰਜੀਵ ਕਰਵਲ, ਹਿਤੇਂਦਰ ਸਿੰਘ ਬੇਦੀ, ਸਤਵੰਤ ਕੌਰ, ਤਿਲਕ ਰਾਜ, ਦਿਨੇਸ਼ ਰਾਬਰਾ, ਸ਼ੰਮੀ ਦਰਿਆਲ, ਹਿਤੇਸ਼ ਕਾਂਸਲ, ਹਰਸ਼ ਪਰਾਸ਼ਰ, ਸੁਮਿਤ ਸ਼ਰਮਾ, ਰਾਜੇਸ਼ ਕਾਲੀਆ, ਦਿਨੇਸ਼ ਕੁਮਾਰ, ਦਵਿੰਦਰ ਧੀਮਾਨ ਆਦਿ ਹਾਜ਼ਿਰ ਸਨ।