ਪ੍ਰੀਤ ਪੱਤੀ
ਖਰੜ - ਪ੍ਰਾਇਮਰੀ ਸਮਾਰਟਸ ਸਕੂਲ ਨੇੜੇ ਦੁਸ਼ਹਿਰਾ ਗਰਾਊਂਡ ਖਰੜ ਵਿਚ ਠੰਢ ਦੇ ਮੌਸਮ ਨੂੰ ਧਿਆਨ ਵਿਚ ਰੱਖਦਿਆਂ ਮਨੁੱਖਤਾ ਅਤੇ ਸੇਵਾ ਭਾਵਨਾ ਦਾ ਸੁੰਦਰ ਉਦਾਹਰਨ ਵੇਖਣ ਨੂੰ ਮਿਲਿਆ। ਦਾਨਵੀਰ ਫਾਊਂਡੇਸ਼ਨ ਐਨ.ਜੀ.ਓ ਰਜਿ. ਖਰੜ ਵੱਲੋਂ ਲੋੜਵੰਦ ਸਕੂਲ ਦੇ 310 ਵਿਦਿਆਰਥੀਆਂ ਨੂੰ ਹੂਡੀ ਜੀਪਰ ਸਵੈਟਰ ਵੰਡੀਆਂ ਗਈਆਂ ਤਾਂ ਜੋ ਕੋਈ ਵੀ ਬੱਚਾ ਠੰਢ ਕਾਰਨ ਆਪਣੀ ਪੜ੍ਹਾਈ ਤੋਂ ਵਾਂਝਾ ਨਾ ਰਹਿ ਜਾਵੇ। ਇਸ ਮੋਕੇ ਸਕੂਲ ਦੇ ਪ੍ਰਿੰਸੀਪਲ ਸੁਖਚੈਨ ਸਿੰਘ ਅਤੇ ਸਕੂਲ ਸਟਾਫ਼ ਵੱਲੋਂ ਸਮਾਜ ਦੇ ਹਰ ਵਰਗ ਪ੍ਰਤੀ ਸਤਿਕਾਰ ਅਤੇ ਸਾਂਝੀ ਸੋਚ ਦਾ ਪ੍ਰਗਟਾਵਾ ਕੀਤਾ ਅਤੇ ਦਾਨਵੀਰ ਫਾਊਂਡੇਸ਼ਨ ਦੇ ਪ੍ਰਧਾਨ ਤਰਨਦੀਪ ਸ਼ਰਮਾ ਦਾ ਧੰਨਵਾਦ ਕੀਤਾ। ਸਮਾਗਮ ਦੌਰਾਨ ਸਕੂਲ ਵਿਚ ਇਕ ਸਾਦਾ ਪਰ ਭਾਵਨਾਤਮਕ ਮਾਹੌਲ ਬਣਿਆ, ਜਿੱਥੇ ਵਿਦਿਆਰਥੀਆਂ ਦੇ ਚਿਹਰਿਆਂ ’ਤੇ ਖੁਸ਼ੀ ਸਾਫ਼ ਝਲਕ ਰਹੀ ਸੀ। ਬੱਚਿਆਂ ਨੇ ਕੋਟੀਆਂ ਪ੍ਰਾਪਤ ਕਰਕੇ ਦਾਨੀ ਐਨ.ਜੀ.ਓ ਦਾ ਧੰਨਵਾਦ ਕੀਤਾ ਅਤੇ ਇਸ ਮਦਦ ਨੂੰ ਆਪਣੇ ਲਈ ਵੱਡਾ ਸਹਾਰਾ ਦੱਸਿਆ। ਇਸ ਮੌਕੇ ਪ੍ਰਿੰਸੀਪਲ ਜਤਿੰਦਰ ਗੁਪਤਾ ਨੇ ਆਪਣੇ ਸੰਬੋਧਨ ਵਿਚ ਕਿਹਾ ਕਿ ਸਕੂਲ ਸਿਰਫ਼ ਸਿੱਖਿਆ ਦਾ ਕੇਂਦਰ ਨਹੀਂ, ਸਗੋਂ ਸਮਾਜਕ ਮੁੱਲਾਂ ਨੂੰ ਮਜ਼ਬੂਤ ਕਰਨ ਵਾਲਾ ਮੰਦਰ ਹੁੰਦਾ ਹੈ। ਉਨ੍ਹਾਂ ਨੇ ਅਧਿਆਪਕਾਂ ਦਾ ਧੰਨਵਾਦ ਕਰਦਿਆਂ ਆਸ ਜਤਾਈ ਕਿ ਭਵਿੱਖ ਵਿਚ ਵੀ ਸਮਾਜ ਦੇ ਹੋਰ ਸਹਿਯੋਗੀ ਅੱਗੇ ਆ ਕੇ ਇਸ ਤਰ੍ਹਾਂ ਦੇ ਸੇਵਾ ਕਾਰਜ ਕਰਨਗੇ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਪਰਮਿੰਦਰ ਸਿੰਘ ਲੌਗੀਆਂ, ਧੰਨਵੰਤ ਸਿੰਘ ਸ਼ਿੰਦਾ, ਅਨਮੋਲ ਸ਼ਰਮਾ ਵਾਇਸ ਪ੍ਰਧਾਨ, ਕੈਸ਼ੀਅਰ ਅੰਕਿਤ ਗੋਇਲ, ਜੈਵਿਨ ਗੁਪਤਾ,ਪ੍ਰਵੀਨ ਸ਼ਰਮਾ, ਸੰਯਮ ਜੈਨ, ਡਾ ਸੁਰਿੰਦਰ ਰਾਣਾ, ਪਰਦੀਪ ਬਿਟੂ, ਕੁਨਾਲ ਰਿਖੀ, ਵਰਦਾਨ ਸਿੰਗਲਾ, ਪ੍ਰਦੀਪ ਬਖਸ਼ੀ, ਨੰਦਨ ਸ਼ਰਮਾ,ਰਣਜੀਤ ਸਿੰਘ ਹੈਪੀ, ਰਾਹੁਲ ਗੁਪਤਾ ਹਾਜ਼ਰ ਸਨ।