ਤਿੰਨ ਸੈਸ਼ਨਾਂ ਦੀ ਗਿਰਾਵਟ ਤੋਂ ਬਾਅਦ ਸ਼ਾਨਦਾਰ ਵਾਧਾ ਲੈ ਕੇ ਬੰਦ ਹੋਏ ਬਾਜ਼ਾਰ, ਸੈਂਸੈਕਸ-ਨਿਫਟੀ ਦੋਵੇਂ ਚੜ੍ਹੇ

ਵਿਸ਼ਵਵਿਆਪੀ ਸਟਾਕ ਬਾਜ਼ਾਰਾਂ ਵਿੱਚ ਸਕਾਰਾਤਮਕ ਰੁਝਾਨਾਂ ਵਿਚਕਾਰ, ਤਿੰਨ ਸੈਸ਼ਨਾਂ ਦੀ ਗਿਰਾਵਟ ਤੋਂ ਬਾਅਦ ਸੋਮਵਾਰ ਨੂੰ ਕਾਰੋਬਾਰ ਵਿੱਚ ਸੈਂਸੈਕਸ ਅਤੇ ਨਿਫਟੀ ਵਿੱਚ ਤੇਜ਼ੀ ਦੇਖਣ ਨੂੰ ਮਿਲੀ ਹੈ। ਸ਼ੁਰੂਆਤੀ ਕਾਰੋਬਾਰ ਵਿੱਚ ਬੀਐਸਈ ਸੈਂਸੈਕਸ 546.64 ਅੰਕ ਵਧ ਕੇ 77,210.85 'ਤੇ ਪਹੁੰਚ ਗਿਆ, ਜਦੋਂ ਕਿ ਐਨਐਸਈ ਨਿਫਟੀ 169.55 ਅੰਕ ਵਧ ਕੇ 24,067.50 'ਤੇ ਪਹੁੰਚ ਗਿਆ।

ਮੌਜੂਦਾ ਸਮੇਂ ਬੀਐਸਈ ਸੈਂਸੈਕਸ 639.42 ਅੰਕ ਭਾਵ 0.83% ਵਧ ਕੇ 77,303.63 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਸੈਂਸੈਕਸ ਦੇ 22 ਸਟਾਕ ਵਾਧੇ ਨਾਲ ਅਤੇ 8 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਗਏ।

ਦੂਜੇ ਪਾਸੇ ਐਨਐਸਈ ਨਿਫਟੀ 194.75 ਅੰਕ ਭਾਵ 0.81% ਵਧ ਕੇ 24,092.70 ਦੇ ਪੱਧਰ 'ਤੇ ਬੰਦ ਹੋਇਆ ਹੈ।

ਸੈਂਸੈਕਸ ਵਿੱਚ ਸ਼ਾਮਲ 30 ਕੰਪਨੀਆਂ ਵਿੱਚੋਂ ਸਨ ਫਾਰਮਾ ਦੇ ਸਟਾਕ ਵਿੱਚ ਸਭ ਤੋਂ ਵਧ 6.98% ਦਾ ਵਾਧਾ ਹੋਇਆ ਹੈ। ਇਹ ਵਾਧਾ ਕੰਪਨੀ ਵੱਲੋਂ ਅਮਰੀਕਾ ਸਥਿਤ ਆਰਗੇਨਨ ਐਂਡ ਕੰਪਨੀ ਦੀ ਪ੍ਰਾਪਤੀ ਦਾ ਐਲਾਨ ਕਰਨ ਤੋਂ ਬਾਅਦ ਹੋਇਆ।

ਟਾਪ ਗੇਨਰਸ
ਸਨ ਫਾਰਮਾ, ਰਿਲਾਇੰਸ, ਅਡਾਨੀ ਪੋਰਟਸ, ਐੱਨਟੀਪੀਸੀ, ਮਹਿੰਦਰਾ ਐਂਡ ਮਹਿੰਦਰਾ , TCS, HCLTech

ਟਾਪ ਲੂਜ਼ਰਸ
ਐਕਸਿਸ ਬੈਂਕ,BEL,ਟ੍ਰੈਂਟ,ਆਈਸੀਆਈਸੀਆਈ ਬੈਂਕ, ਈਟਰਨਲ,ਹਿੰਦੁਸਤਾਨਯੂਨੀਲੀਵਰ,ਬਜਾਜ ਫਿਨਸਰਵ, ਰਿਲਾਇੰਸ ਇੰਡਸਟਰੀਜ਼

ਗਲੋਬਲ ਬਾਜ਼ਾਰਾਂ ਦਾ ਹਾਲ
ਏਸ਼ੀਆਈ ਬਾਜ਼ਾਰਾਂ ਵਿੱਚ, ਦੱਖਣੀ ਕੋਰੀਆ ਦਾ ਕੋਸਪੀ, ਜਾਪਾਨ ਦਾ ਨਿੱਕੇਈ 225, ਚੀਨ ਦਾ ਐਸਐਸਈ ਕੰਪੋਜ਼ਿਟ ਅਤੇ ਹਾਂਗ ਕਾਂਗ ਦਾ ਹੈਂਗ ਸੇਂਗ ਹਰੇ ਰੰਗ ਵਿੱਚ ਸੀ। ਸ਼ੁੱਕਰਵਾਰ ਨੂੰ ਅਮਰੀਕੀ ਬਾਜ਼ਾਰ ਉੱਚ ਪੱਧਰ 'ਤੇ ਬੰਦ ਹੋਏ। ਅੰਤਰਰਾਸ਼ਟਰੀ ਬੈਂਚਮਾਰਕ ਬ੍ਰੈਂਟ ਕੱਚਾ ਤੇਲ 1.18 ਪ੍ਰਤੀਸ਼ਤ ਵਧ ਕੇ $106.6 ਪ੍ਰਤੀ ਬੈਰਲ ਹੋ ਗਿਆ। ਸਟਾਕ ਮਾਰਕੀਟ ਦੇ ਅੰਕੜਿਆਂ ਅਨੁਸਾਰ, ਸ਼ੁੱਕਰਵਾਰ ਨੂੰ ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕ (FII) ਵੇਚਣ ਵਾਲਿਆਂ ਵਿੱਚ ਸ਼ਾਮਲ ਸਨ, ਜਿਨ੍ਹਾਂ ਨੇ 8,827.87 ਕਰੋੜ ਦੇ ਸ਼ੇਅਰ ਵੇਚੇ। ਸੈਂਸੈਕਸ 1.29 ਪ੍ਰਤੀਸ਼ਤ ਅਤੇ ਨਿਫਟੀ 1.14 ਪ੍ਰਤੀਸ਼ਤ ਡਿੱਗ ਕੇ ਬੰਦ ਹੋਇਆ।

ਟਾਪ-10 ’ਚੋਂ 7 ਕੰਪਨੀਆਂ ਦਾ ਮਾਰਕੀਟ ਕੈਪੀਟਲਾਈਜ਼ੇਸ਼ਨ 2 ਲੱਖ ਕਰੋੜ ਰੁਪਏ ਘਟਿਆ
ਸ਼ੇਅਰ ਬਾਜ਼ਾਰ ’ਚ ਗਿਰਾਵਟ ਦੇ ਰੁਝਾਨ ਵਿਚਾਲੇ ਦੇਸ਼ ਦੀਆਂ ਟਾਪ-10 ਸਭ ਤੋਂ ਕੀਮਤੀ ਕੰਪਨੀਆਂ ’ਚੋਂ 7 ਦੇ ਕੁੱਲ ਮਾਰਕੀਟ ਕੈਪੀਟਲਾਈਜ਼ੇਸ਼ਨ (ਬਾਜ਼ਾਰ ਪੂੰਜੀਕਰਨ) ’ਚ ਪਿਛਲੇ ਹਫਤੇ 2 ਲੱਖ ਕਰੋੜ ਰੁਪਏ ਤੋਂ ਵੱਧ ਦੀ ਗਿਰਾਵਟ ਆਈ। ਇਸ ਦੌਰਾਨ ਟਾਟਾ ਕੰਸਲਟੈਂਸੀ ਸਰਵਿਸਿਜ਼ (ਟੀ. ਸੀ. ਐੱਸ.) ਅਤੇ ਰਿਲਾਇੰਸ ਇੰਡਸਟਰੀਜ਼ ਨੂੰ ਸਭ ਤੋਂ ਵੱਧ ਨੁਕਸਾਨ ਹੋਇਆ। ਸਮੀਖਿਆ ਅਧੀਨ ਹਫਤੇ ’ਚ ਬੀ. ਐੱਸ. ਈ. ਸੈਂਸੈਕਸ 1,829.33 ਅੰਕ ਭਾਵ 2.33 ਫੀਸਦੀ ਡਿੱਗਾ, ਜਦੋਂਕਿ ਐੱਨ. ਐੱਸ. ਈ. ਨਿਫਟੀ 455.6 ਅੰਕ ਭਾਵ 1.87 ਫੀਸਦੀ ਹੇਠਾਂ ਆਇਆ।

ਰੈਲੀਗੇਅਰ ਬ੍ਰੋਕਿੰਗ ਲਿਮਟਿਡ ਦੇ ਸੀਨੀਅਰ ਉਪ ਪ੍ਰਧਾਨ (ਖੋਜ) ਅਜੀਤ ਮਿਸ਼ਰਾ ਨੇ ਕਿਹਾ ਕਿ ਲਗਾਤਾਰ 2 ਹਫਤਿਆਂ ਦੀ ਤੇਜ਼ੀ ਤੋਂ ਬਾਅਦ ਬਾਜ਼ਾਰ ’ਚ ਗਿਰਾਵਟ ਆਈ ਹੈ, ਜਿਸ ’ਤੇ ਭੂ-ਸਿਆਸੀ ਤਣਾਅ ਅਤੇ ਸੂਚਨਾ ਤਕਨਾਲੋਜੀ (ਆਈ. ਟੀ.) ਕੰਪਨੀਆਂ ਦੇ ਕਮਜ਼ੋਰ ਨਤੀਜਿਆਂ ਦਾ ਅਸਰ ਪਿਆ। ਅੰਕੜਿਆਂ ਅਨੁਸਾਰ ਟਾਪ-10 ਕੰਪਨੀਆਂ ’ਚੋਂ 7 ਦਾ ਕੁੱਲ ਮਾਰਕੀਟ ਕੈਪੀਟਲਾਈਜ਼ੇਸ਼ਨ 2,05,343.06 ਕਰੋੜ ਰੁਪਏ ਘਟ ਗਿਆ। ਟੀ. ਸੀ. ਐੱਸ. ਦਾ ਬਾਜ਼ਾਰ ਮੁੱਲ 66,699.44 ਕਰੋੜ ਰੁਪਏ ਘਟ ਕੇ 8,67,364.12 ਕਰੋੜ ਰੁਪਏ ਰਹਿ ਗਿਆ। ਰਿਲਾਇੰਸ ਇੰਡਸਟਰੀਜ਼ ਦਾ ਮੁਲਾਂਕਣ 50,670.34 ਕਰੋੜ ਰੁਪਏ ਘਟ ਕੇ 17,96,647.50 ਕਰੋੜ ਰੁਪਏ ’ਤੇ ਆ ਗਿਆ।
ਐੱਚ. ਡੀ. ਐੱਫ. ਸੀ. ਬੈਂਕ ਦਾ ਮਾਰਕੀਟ ਕੈਪੀਟਲਾਈਜ਼ੇਸ਼ਨ 23,090.05 ਕਰੋੜ ਰੁਪਏ ਘਟ ਕੇ 12,08,225.48 ਕਰੋੜ ਰੁਪਏ ਰਹਿ ਗਿਆ, ਜਦੋਂਕਿ ਭਾਰਤੀ ਜੀਵਨ ਬੀਮਾ ਨਿਗਮ (ਐੱਲ. ਆਈ. ਸੀ.) ਦਾ ਮੁਲਾਂਕਣ 19,670.75 ਕਰੋੜ ਰੁਪਏ ਘਟ ਕੇ 5,13,020.56 ਕਰੋੜ ਰੁਪਏ ਰਹਿ ਗਿਆ। ਹਾਲਾਂਕਿ, ਹਿੰਦੁਸਤਾਨ ਯੂਨੀਲਿਵਰ ਦਾ ਮਾਰਕੀਟ ਕੈਪੀਟਲਾਈਜ਼ੇਸ਼ਨ 20,652.91 ਕਰੋੜ ਰੁਪਏ ਵਧ ਕੇ 5,47,219.80 ਕਰੋੜ ਰੁਪਏ ਹੋ ਗਿਆ।

ਭਾਰਤੀ ਸਟੇਟ ਬੈਂਕ ਦਾ ਮੁਲਾਂਕਣ 19,522.76 ਕਰੋੜ ਰੁਪਏ ਵਧ ਕੇ 10,16,752.53 ਕਰੋੜ ਰੁਪਏ ਹੋ ਗਿਆ। ਰਿਲਾਇੰਸ ਇੰਡਸਟਰੀਜ਼ ਦੇਸ਼ ਦੀ ਸਭ ਤੋਂ ਕੀਮਤੀ ਕੰਪਨੀ ਬਣੀ ਰਹੀ, ਇਸ ਤੋਂ ਬਾਅਦ ਐੱਚ. ਡੀ. ਐੱਫ. ਸੀ. ਬੈਂਕ, ਭਾਰਤੀ ਏਅਰਟੈੱਲ, ਭਾਰਤੀ ਸਟੇਟ ਬੈਂਕ, ਆਈ. ਸੀ. ਆਈ. ਸੀ. ਆਈ. ਬੈਂਕ, ਟੀ. ਸੀ. ਐੱਸ., ਬਜਾਜ ਫਾਈਨਾਂਸ, ਲਾਰਸਨ ਐਂਡ ਟੁਬਰੋ, ਹਿੰਦੁਸਤਾਨ ਯੂਨੀਲਿਵਰ ਅਤੇ ਐੱਲ. ਆਈ. ਸੀ. ਦਾ ਸਥਾਨ ਰਿਹਾ।