ਹੁਣ ਦਾ ਸਮਾਂ ਅਜਿਹਾ ਚੱਲ ਰਿਹਾ ਹੈ ਕਿ ਪੂਰੀ ਦੁਨੀਆ ਦੀ ਇਕਾਨਮੀ ਟਰੰਪ ਦੇ ਨਕਸ਼ੇ-ਕਦਮਾਂ ’ਤੇ ਚੱਲਦੀ ਹੋਈ ਪ੍ਰਤੀਤ ਹੋ ਰਹੀ ਹੈ। ਈਰਾਨ ’ਚ ਚੱਲ ਰਹੇ ਸੰਘਰਸ਼ ਵਿਚਾਲੇ ਜਦੋਂ ਰਾਸ਼ਟਰਪਤੀ ਟਰੰਪ ਨੇ ਕਿਹਾ ਕਿ ਅਮਰੀਕਾ ਅਜੇ ਉੱਥੇ ਹਮਲਾ ਨਹੀਂ ਕਰੇਗਾ, ਤਾਂ ਇਸ ਨਾਲ ਪੂਰੇ ਤੇਲ ਬਾਜ਼ਾਰ ਦੀ ਚਾਲ ਹੀ ਬਦਲ ਗਈ, ਜੋ ਤੇਲ ਅਜੇ ਤੱਕ ਆਸਮਾਨ ਨੂੰ ਛੂਹ ਰਿਹਾ ਸੀ, ਉਸ ਦੇ ਭਾਅ ਇਕਦਮ ਡਿੱਗ ਗਏ।
ਡੋਨਾਲਡ ਟਰੰਪ ਦੇ ਇਹ ਕਹਿਣ ਤੋਂ ਬਾਅਦ ਕਿ ਅਮਰੀਕਾ ਅਜੇ ਈਰਾਨ ’ਤੇ ਹਮਲਾ ਨਹੀਂ ਕਰੇਗਾ, ਤੇਲ ਦੀ ਕੀਮਤਾਂ ’ਚ ਗਿਰਾਵਟ ਦੇਖਣ ਨੂੰ ਮਿਲੀ। 6 ਦਿਨਾਂ ਤੱਕ ਲਗਾਤਾਰ ਵਧਣ ਤੋਂ ਬਾਅਦ ਬ੍ਰੇਂਟ ਕਰੂਡ ਹੁਣ 65 ਡਾਲਰ ਤੋਂ ਹੇਠਾਂ ਆ ਗਿਆ ਹੈ ਅਤੇ ਅਮਰੀਕੀ ਡਬਲਯੂ. ਟੀ. ਆਈ. ਤੇਲ 60 ਡਾਲਰ ਦੇ ਕਰੀਬ ਪਹੁੰਚ ਗਿਆ ਹੈ। ਭਾਅ ਕਰੀਬ 3 ਫੀਸਦੀ ਘੱਟ ਹੋ ਗਏ।
ਟਰੰਪ ਦਾ ਕਹਿਣਾ ਹੈ ਕਿ ਈਰਾਨ ਨੇ ਪ੍ਰਦਰਸ਼ਨਕਾਰੀਆਂ ’ਤੇ ਕਾਰਵਾਈ ਰੋਕਣ ਦਾ ਭਰੋਸਾ ਦਿੱਤਾ ਹੈ। ਇਸ ਨਾਲ ਜੰਗ ਦਾ ਖਤਰਾ ਅਤੇ ਤੇਲ ਸਪਲਾਈ ਰੁਕਣ ਦਾ ਖਦਸ਼ਾ ਫਿਲਹਾਲ ਘੱਟ ਹੋਇਆ ਹੈ।
ਤਣਾਅ ਵਧਿਆ ਤਾਂ 75 ਡਾਲਰ ਤੱਕ ਜਾ ਸਕਦੈ ਤੇਲ
ਕਮੋਡਿਟੀ ਮਾਹਿਰਾਂ ਦਾ ਕਹਿਣਾ ਹੈ ਕਿ ਜੇਕਰ ਤਣਾਅ ਵਧਿਆ ਤਾਂ ਤੇਲ 75 ਡਾਲਰ ਤੱਕ ਜਾ ਸਕਦਾ ਹੈ ਪਰ ਹਾਲਾਤ ਸੁਧਰਦੇ ਹੀ ਕੀਮਤਾਂ ਫਿਰ ਹੇਠਾਂ ਆ ਸਕਦੀਆਂ ਹਨ। ਭਾਰਤੀਆਂ ਨੂੰ ਟਰੰਪ ਦੇ ਟੈਰਿਫ ਤੋਂ ਜ਼ਿਆਦਾ ਹੁਣ ਐੱਚ-1ਬੀ ਵੀਜ਼ਾ ਸਤਾਉਣ ਲੱਗਾ ਹੈ। ਰੀਨਿਊਅਲ ਲਈ ਭਾਰਤ ਪਰਤ ਕੇ ਆਏ ਲੋਕ ਇੱਥੇ ਹੀ ਫਸਦੇ ਜਾ ਰਹੇ ਹਨ। ਉਨ੍ਹਾਂ ਦੀਆਂ ਨੌਕਰੀਆਂ ’ਤੇ ਸੰਕਟ ਆ ਰਿਹਾ ਹੈ।