ਖੱਤਰੀ ਸਭਾ ਖਰੜ ਵੱਲੋਂ ਰਾਮਬਾਗ ਕਮੇਟੀ ਨੂੰ ਭੇਂਟ ਕੀਤਾ ਗਿਆ ਮੋਰਚਰੀ ਫਰਿੱਜ

ਪ੍ਰੀਤ ਪੱਤੀ
ਖਰੜ ; ਖੱਤਰੀ ਸਭਾ ਖਰੜ ਹਮੇਸ਼ਾ ਹੀ ਸਮਾਜਿਕ ਅਤੇ ਲੋਕ ਭਲਾਈ ਕੰਮਾਂ ਦੇ ਵਿੱਚ ਵੱਧ ਚੜ ਕੇ ਹਿੱਸਾ ਲੈਂਦੀ ਹੈ। ਅੱਜ ਖੱਤਰੀ ਸਭਾ ਖਰੜ ਵੱਲੋਂ ਰਾਮਬਾਗ ਕਮੇਟੀ ਨੂੰ ਮੋਰਚਰੀ ਫਰਿਜ ਭੇਂਟ ਕੀਤਾ ਗਿਆ। ਇਸ ਸਬੰਧੀ ਗੱਲ ਕਰਦਿਆਂ ਖੱਤਰੀ ਸਭਾ ਦੇ ਅਹੁਦੇਦਾਰਾਂ ਵੱਲੋਂ ਦੱਸਿਆ ਗਿਆ ਕਿ ਖਰੜ ਸ਼ਹਿਰ ਦੀ ਆਬਾਦੀ ਦਿਨ ਪ੍ਰਤੀ ਦਿਨ ਬਹੁਤ ਵੱਧਦੀ ਜਾ ਰਹੀ ਹੈ, ਇਸ ਗੱਲ ਨੂੰ ਮੱਦੇਨਜ਼ਰ ਰੱਖਦੇ ਹੋਏ ਖੱਤਰੀ ਸਭਾ ਖਰੜ ਨੇ ਰਾਮਬਾਗ ਕਮੇਟੀ ਨੂੰ ਮੋਰਚਰੀ ਫ੍ਰਿਜ ਦੇਣ ਦਾ ਫੈਸਲਾ ਲਿਆ ਸੀ, ਜਿਸ ਵਿੱਚ ਖੱਤਰੀ ਸਭਾ ਖਰੜ ਅਤੇ ਸ਼ਹਿਰ ਦੇ ਦਾਨੀ ਸੱਜਣਾਂ ਨੇ ਆਪਣਾ ਸਹਿਯੋਗ ਪਾਇਆ। ਅੱਜ ਖੱਤਰੀ ਸਭਾ ਖਰੜ ਵੱਲੋਂ ਐਸਡੀਐਮ ਖਰੜ ਦੀਵਿਆ ਪੀ. ਦੀ ਮੌਜੂਦਗੀ ਵਿੱਚ ਇਹ ਮੋਰਚਰੀ ਫਰਿਜ ਰਾਮਬਾਗ ਕਮੇਟੀ ਨੂੰ ਸੌਂਪ ਦਿੱਤਾ ਗਿਆ ਹੈ। ਖੱਤਰੀ ਸਭਾ ਵੱਲੋਂ ਇਹ ਵੀ ਕਿਹਾ ਗਿਆ ਕਿ ਅੱਗੇ ਵੀ ਉਹ ਇਸ ਤਰ੍ਹਾਂ ਦੇ ਲੋਕ ਭਲਾਈ ਦੇ ਕੰਮਾਂ ਵਿੱਚ ਵੱਧ ਚੜ ਕੇ ਹਿੱਸਾ ਲੈਂਦੇ ਰਹਿਣਗੇ। ਇਸ ਮੌਕੇ ਬੋਲਦੇ ਹੋਏ ਐਸਡੀਐਮ ਮੈਡਮ ਦੀਵਿਆ ਪੀ. ਨੇ ਕਿਹਾ ਕਿ ਖੱਤਰੀ ਸਭਾ ਵੱਲੋਂ ਕੀਤਾ ਗਿਆ ਇਹ ਕੰਮ ਬਹੁਤ ਹੀ ਪ੍ਰਸ਼ੰਸਾ ਯੋਗ ਹੈ ਅਤੇ ਹੋਰ ਲੋਕਾਂ ਨੂੰ ਵੀ ਇਸੇ ਤਰ੍ਹਾਂ ਲੋਕ ਭਲਾਈ ਦੇ ਕੰਮ ਕਰਦੇ ਰਹਿਣਾ ਚਾਹੀਦਾ ਹੈ। ਇਸ ਮੌਕੇ ਖੱਤਰੀ ਸਭਾ ਵੱਲੋਂ ਪ੍ਰਧਾਨ ਵਿਨੋਦ ਕਪੂਰ, ਜਨਰਲ ਸੈਕਟਰੀ ਵਿਕਾਸ ਚੱਢਾ, ਵਾਈਸ ਪ੍ਰੈਸੀਡੈਂਟ ਰਨਵਿੰਦ ਖੰਨਾ, ਪ੍ਰੋਜੈਕਟ ਚੇਅਰਮੈਨ ਪੰਕਜ ਚੱਢਾ, ਖੱਤਰੀ ਸਭਾ ਦੀ ਗਵਰਨਿੰਗ ਬੋਡੀ ਦੇ ਮੈਂਬਰ, ਮੈਡਮ ਲਖਵਿੰਦਰ ਕੌਰ ਗਰਚਾ, ਰਜਿੰਦਰ ਜੈਨ, ਰਾਮਬਾਗ ਕਮੇਟੀ ਮੈਂਬਰ, ਮੌਜੂਦਾ ਨਗਰ ਕੌਂਸਲਰ ਅਤੇ ਸਾਬਕਾ ਨਗਰ ਕੌਂਸਲਰ, ਵੱਖ-ਵੱਖ ਪਾਰਟੀਆਂ ਦੇ ਨੁਮਾਇੰਦੇ, ਸਮਾਜ ਸੇਵੀ ਅਤੇ ਸ਼ਹਿਰ ਦੇ ਪਤਵੰਤੇ ਸੱਜਣ ਹਾਜ਼ਰ ਸਨ। ਇਸ ਮੌਕੇ ਖੱਤਰੀ ਸਭਾ ਵੱਲੋਂ ਐਸਡੀਐਮ ਮੈਡਮ ਦੀਵਿਆ ਪੀ. ਅਤੇ ਆਏ ਹੋਏ ਸਾਰੇ ਹੀ ਲੋਕਾਂ ਦਾ ਧੰਨਵਾਦ ਕੀਤਾ ਗਿਆ।