ਗਲੋਬਲ ਕ੍ਰਿਪਟੋਕੁਰੰਸੀ ਮਾਰਕੀਟ ਵਿੱਚ ਵੀਰਵਾਰ ਨੂੰ ਵੱਡੀ ਗਿਰਾਵਟ ਦਰਜ ਕੀਤੀ ਗਈ, ਜਿਸ ਕਾਰਨ ਨਿਵੇਸ਼ਕਾਂ ਨੂੰ ਭਾਰੀ ਮਾਲੀ ਨੁਕਸਾਨ ਦਾ ਸਾਹਮਣਾ ਕਰਨਾ ਪਿਆ ਹੈ। ਪਿਛਲੇ 24 ਘੰਟਿਆਂ ਦੇ ਅੰਦਰ ਕ੍ਰਿਪਟੋ ਮਾਰਕੀਟ ਕੈਪ ਲਗਭਗ 2% ਘਟ ਕੇ 2.40 ਟ੍ਰਿਲੀਅਨ ਡਾਲਰ 'ਤੇ ਆ ਗਿਆ ਹੈ। ਇਸ ਗਿਰਾਵਟ ਕਾਰਨ ਨਿਵੇਸ਼ਕਾਂ ਦੀ ਜਾਇਦਾਦ ਵਿੱਚ ਕਰੀਬ 4.70 ਲੱਖ ਕਰੋੜ ਰੁਪਏ ਦੀ ਵੱਡੀ ਕਮੀ ਆਈ ਹੈ।
ਬਿਟਕੋਇਨ ਸਮੇਤ ਦਿੱਗਜ ਕਰੰਸੀਆਂ ਹੋਈਆਂ ਫਾਡੀ
ਬਾਜ਼ਾਰ ਵਿੱਚ ਆਈ ਇਸ ਕਮਜ਼ੋਰੀ ਦਾ ਅਸਰ ਲਗਭਗ ਸਾਰੀਆਂ ਪ੍ਰਮੁੱਖ ਡਿਜੀਟਲ ਕਰੰਸੀਆਂ 'ਤੇ ਦੇਖਣ ਨੂੰ ਮਿਲਿਆ ਹੈ:
Bitcoin: ਦੁਨੀਆ ਦੀ ਸਭ ਤੋਂ ਪ੍ਰਸਿੱਧ ਕ੍ਰਿਪਟੋਕਰੰਸੀ ਬਿਟਕੋਇਨ ਦੀ ਕੀਮਤ 70,000 ਡਾਲਰ ਦੇ ਪੱਧਰ ਤੋਂ ਹੇਠਾਂ ਆ ਗਈ ਹੈ। ਇਹ ਲਗਭਗ 1.44% ਡਿੱਗ ਕੇ 69,600 ਡਾਲਰ ਦੇ ਹੇਠਾਂ ਕਾਰੋਬਾਰ ਕਰ ਰਿਹਾ ਸੀ।
Ethereum: ਇਸ ਵਿੱਚ 2.5% ਤੋਂ ਵੱਧ ਦੀ ਗਿਰਾਵਟ ਦਰਜ ਕੀਤੀ ਗਈ ਅਤੇ ਇਸ ਦੀ ਕੀਮਤ 2,116 ਡਾਲਰ ਦੇ ਆਸ-ਪਾਸ ਰਹੀ।
ਹੋਰ ਸਿੱਕੇ: BNB ਵਿੱਚ 2% ਤੋਂ ਵੱਧ, XRP ਵਿੱਚ 3% ਅਤੇ Solana ਵਿੱਚ ਲਗਭਗ 4% ਦੀ ਗਿਰਾਵਟ ਆਈ। Dogecoin 5% ਤੱਕ ਲੁੜਕ ਗਿਆ, ਜਦੋਂ ਕਿ Cardano ਅਤੇ Shiba Inu ਵਿੱਚ ਵੀ 4% ਤੋਂ ਵੱਧ ਦੀ ਗਿਰਾਵਟ ਦੇਖੀ ਗਈ।
Kite Crypto: ਸਭ ਤੋਂ ਵੱਧ ਨੁਕਸਾਨ 'ਕਾਈਟ' ਨੂੰ ਹੋਇਆ, ਜੋ 24 ਘੰਟਿਆਂ ਵਿੱਚ ਲਗਭਗ 10% ਤੱਕ ਟੁੱਟ ਗਿਆ।
ਕੁਝ ਸਿੱਕਿਆਂ ਨੇ ਦਿਖਾਈ ਮਜ਼ਬੂਤੀ
ਬਾਜ਼ਾਰ ਦੀ ਇਸ ਮੰਦੀ ਦੇ ਬਾਵਜੂਦ ਕੁਝ ਕ੍ਰਿਪਟੋਕਰੰਸੀਆਂ ਹਰੇ ਨਿਸ਼ਾਨ 'ਤੇ ਰਹੀਆਂ। TRON ਵਿੱਚ 2% ਤੋਂ ਵੱਧ ਅਤੇ ਕੈਂਟਨ ਕੋਇਨ ਵਿੱਚ 1% ਤੋਂ ਵੱਧ ਦਾ ਉਛਾਲ ਆਇਆ। ਸਭ ਤੋਂ ਹੈਰਾਨੀਜਨਕ ਵਾਧਾ ਮੀਮਕੋਰ (Memecore) ਵਿੱਚ ਦੇਖਿਆ ਗਿਆ, ਜੋ ਲਗਭਗ 40% ਤੱਕ ਚੜ੍ਹ ਗਿਆ।
ਗਿਰਾਵਟ ਦੇ ਮੁੱਖ ਕਾਰਨ
ਮਾਹਰਾਂ ਅਨੁਸਾਰ, ਕ੍ਰਿਪਟੋ ਬਾਜ਼ਾਰ ਵਿੱਚ ਇਸ ਵੱਡੀ ਬਿਕਵਾਲੀ ਦੇ ਦੋ ਪ੍ਰਮੁੱਖ ਕਾਰਨ ਹਨ:
ਗਲੋਬਲ ਤਣਾਅ: ਮੱਧ ਪੂਰਬ (Middle East) ਵਿੱਚ ਵਧਦੀ ਅਨਿਸ਼ਚਿਤਤਾ, ਖਾਸ ਕਰਕੇ ਈਰਾਨ ਅਤੇ ਅਮਰੀਕਾ ਵਿਚਕਾਰ ਵਧਦੇ ਟਕਰਾਅ ਨੇ ਨਿਵੇਸ਼ਕਾਂ ਦੇ ਹੌਸਲੇ ਪਸਤ ਕੀਤੇ ਹਨ।
ਰੈਗੂਲੇਟਰੀ ਅਸਮੰਜਸ: ਅਮਰੀਕਾ ਵਿੱਚ ਪ੍ਰਸਤਾਵਿਤ ਕ੍ਰਿਪਟੋ ਰੈਗੂਲੇਟਰੀ ਬਿੱਲ ਨੂੰ ਲੈ ਕੇ ਬਾਜ਼ਾਰ ਵਿੱਚ ਡਰ ਅਤੇ ਭੰਬਲਭੂਸੇ ਵਾਲੀ ਸਥਿਤੀ ਬਣੀ ਹੋਈ ਹੈ, ਜਿਸ ਕਾਰਨ ਨਿਵੇਸ਼ਕ ਆਪਣਾ ਪੈਸਾ ਕੱਢ ਰਹੇ ਹਨ।