ਨਵੀਂ ਦਿੱਲੀ : ਨੈਸ਼ਨਲ ਸਟਾਕ ਐਕਸਚੇਂਜ (ਐੱਨ. ਐੱਸ. ਈ.) ਨੇ ਗੋਲਡ ਅਤੇ ਸਿਲਵਰ ਨੂੰ ਲੈ ਕੇ ਵੱਡਾ ਐਲਾਨ ਕੀਤਾ ਹੈ। ਨਵੇਂ ਸਰਕੁਲਕ ਮੁਤਾਬਕ ਸੋਨੇ ਅਤੇ ਚਾਂਦੀ ਦੇ ਫਿਊਚਰਜ਼ ’ਚ ਵੱਧਦੀ ਵੋਲੈਟੀਲਿਟੀ ਨੂੰ ਵੇਖਦੇ ਹੋਏ ਵਾਧੂ ਮਾਰਜਿਨ ਲਾਉਣ ਦਾ ਫੈਸਲਾ ਕੀਤਾ ਹੈ।
ਅੱਜ ਜਾਰੀ ਸਰਕੁਲਰ ਮੁਤਾਬਕ 23 ਅਕਤੂਬਰ ਤੋਂ ਸਾਰੇ ਸਿਲਵਰ ਫਿਊਚਰਜ਼ ਕਾਂਟ੍ਰੈਕਟ ’ਤੇ 2.5 ਫੀਸਦੀ ਅਤੇ ਗੋਲਡ ਫਿਊਚਰਜ਼ ਕਾਂਟ੍ਰੈਕਟ ’ਤੇ 1 ਫੀਸਦੀ ਦਾ ਵਾਧੂ ਮਾਰਜਿਨ ਲਾਇਆ ਜਾਵੇਗਾ। ਐਕਸਪਰਟਸ ਦਾ ਕਹਿਣਾ ਹੈ ਕਿ ਇਹ ਕਦਮ ਰਿਸਕ ਨੂੰ ਕੰਟਰੋਲ ਕਰਨ ਅਤੇ ਬਾਜ਼ਾਰ ਦੀ ਸਥਿਰਤਾ ਬਣਾਏ ਰੱਖਣ ਲਈ ਚੁੱਕਿਆ ਗਿਆ ਹੈ।
ਕਿਉਂ ਲਾਗੂ ਹੋਇਆ ਨਵਾਂ ਨਿਯਮ
ਹਾਲ ਦੇ ਹਫਤਿਆਂ ’ਚ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ’ਚ ਜ਼ਬਰਦਸਤ ਉਤਰਾਅ-ਚੜ੍ਹਾਅ ਵੇਖਿਆ ਗਿਆ। ਸੋਨਾ 4,100 ਡਾਲਰ ਪ੍ਰਤੀ ਔਂਸ ਤੋਂ ਹੇਠਾਂ ਡਿੱਗਾ ਅਤੇ ਚਾਂਦੀ ਨੇ 7 ਫੀਸਦੀ ਦੀ ਗਿਰਾਵਟ ਝੱਲੀ। ਇਸ ਵੋਲੈਟੀਲਿਟੀ ਨੂੰ ਵੇਖਦੇ ਹੋਏ ਐੱਨ. ਐੱਸ. ਈ. ਨੇ ਇਹ ਫੈਸਲਾ ਲਿਆ ਕਿ ਨਿਵੇਸ਼ਕਾਂ ਅਤੇ ਬ੍ਰੋਕਰ ਸਿਸਟਮ ’ਤੇ ਅਚਾਨਕ ਰਿਸਕ ਘੱਟ ਕੀਤਾ ਜਾਵੇ, ਇਸ ਲਈ 23 ਅਕਤੂਬਰ ਤੋਂ ਵਾਧੂ ਮਾਰਜਿਨ ਲਾਗੂ ਕੀਤਾ ਜਾ ਰਿਹਾ ਹੈ।