ਪੈਰਿਸ : ਸਪੇਨ ਦੀ ਰਾਸ਼ਟਰੀ ਮੌਸਮ ਸੇਵਾ ਨੇ ਕਿਹਾ ਕਿ ਬਾਰਸੀਲੋਨਾ ਵਿਚ ਗਰਮੀ ਨੇ ਨਵੇਂ ਰਿਕਾਰਡ ਕਾਇਮ ਕੀਤੇ ਹਨ। ਇਕ ਸਦੀ ਪਹਿਲਾਂ ਜਦੋਂ ਤੋਂ ਗਰਮੀ ਨੂੰ ਰਿਕਾਰਡ ਕੀਤਾ ਜਾਂਦਾ ਰਿਹਾ ਹੈ ਉਦੋਂ ਤੋਂ ਇਸ ਸਾਲ ਦਾ ਜੂਨ ਮਹੀਨਾ ਸਭ ਤੋਂ ਗਰਮ ਮਹੀਨਾ ਰਿਕਾਰਡ ਕੀਤਾ ਗਿਆ ਹੈ।
ਬਾਰਸੀਲੋਨਾ ਦੀ ਇੱਕ ਪਹਾੜੀ 'ਤੇ ਸਥਿਤ ਕੈਨ ਫੈਬਰਾ ਆਬਜ਼ਰਵੇਟਰੀ ਨੇ ਔਸਤਨ ਤਾਪਮਾਨ 26 ਡਿਗਰੀ ਸੈਲਸੀਅਸ ਦਰਜ ਕੀਤਾ, ਜਿਸ ਨਾਲ 1914 ਤੋਂ ਬਾਅਦ ਦੇ ਸਾਰੇ ਰਿਕਾਰਡ ਟੁੱਟ ਗਏ ਹਨ। ਜੂਨ ਲਈ ਪਿਛਲਾ ਸਭ ਤੋਂ ਗਰਮ ਔਸਤ 2003 'ਚ 25.6 ਸੈਲਸੀਅਸ ਸੀ। ਉਸੇ ਮੌਸਮ ਸਟੇਸ਼ਨ ਨੇ ਕਿਹਾ ਕਿ ਜੂਨ ਲਈ ਇੱਕ ਦਿਨ ਦਾ ਉੱਚਤਮ ਤਾਪਮਾਨ 37.9 ਸੈਲਸੀਅਸ ਸੋਮਵਾਰ, 30 ਜੂਨ ਨੂੰ ਦਰਜ ਕੀਤਾ ਗਿਆ ਸੀ।
ਸਪੇਨ ਦੇ ਉੱਤਰ-ਪੂਰਬੀ ਕੋਨੇ ਵਿੱਚ ਪਹਾੜੀਆਂ ਅਤੇ ਮੈਡੀਟੇਰੀਅਨ ਦੇ ਵਿਚਕਾਰ ਇਸਦੀ ਸਥਿਤੀ ਦੇ ਕਾਰਨ ਬਾਰਸੀਲੋਨਾ ਆਮ ਤੌਰ 'ਤੇ ਸਪੇਨ ਵਿੱਚ ਸਭ ਤੋਂ ਜ਼ਿਆਦਾ ਗਰਮੀ ਤੋਂ ਬਚਿਆ ਰਹਿੰਦਾ ਹੈ। ਪਰ ਦੇਸ਼ ਦਾ ਜ਼ਿਆਦਾਤਰ ਹਿੱਸਾ ਸਾਲ ਦੀ ਪਹਿਲੀ ਗਰਮੀ ਦੀ ਲਹਿਰ ਦੀ ਲਪੇਟ 'ਚ ਆ ਗਿਆ ਹੈ।