ਗਲੋਬਲ ਸਮਾਰਟਫੋਨ ਮਾਰਕੀਟ 'ਚ ਸਾਲ 2026 ਦੀ ਸ਼ੁਰੂਆਤ 'ਚ ਵੱਡਾ ਉਲਟਫੇਰ ਦੇਖਣ ਨੂੰ ਮਿਲਿਆ ਹੈ। ਦਿੱਗਜ ਟੈਕ ਕੰਪਨੀ Apple ਨੇ ਇਤਿਹਾਸ ਰਚਦੇ ਹੋਏ ਸਾਲ 2026 ਦੀ ਪਹਿਲੀ ਤਿਮਾਹੀ (Q1) 'ਚ ਦੁਨੀਆ ਦੇ ਸਭ ਤੋਂ ਵੱਡੇ ਸਮਾਰਟਫੋਨ ਬ੍ਰਾਂਡ ਦਾ ਖਿਤਾਬ ਆਪਣੇ ਨਾਮ ਕਰ ਲਿਆ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਐਪਲ ਨੇ ਸਾਲ ਦੀ ਪਹਿਲੀ ਤਿਮਾਹੀ 'ਚ ਸੈਮਸੰਗ ਨੂੰ ਪਛਾੜ ਕੇ ਪਹਿਲਾ ਸਥਾਨ ਹਾਸਲ ਕੀਤਾ ਹੈ।

ਐਪਲ ਦੀ ਬਾਦਸ਼ਾਹਤ ਅਤੇ ਸੈਮਸੰਗ ਦੀ ਗਿਰਾਵਟ

ਕਾਊਂਟਰਪੁਆਇੰਟ ਰਿਸਰਚ ਦੀ ਰਿਪੋਰਟ ਮੁਤਾਬਕ, ਐਪਲ 21% ਮਾਰਕੀਟ ਸ਼ੇਅਰ ਨਾਲ ਪਹਿਲੇ ਸਥਾਨ 'ਤੇ ਹੈ। ਕੰਪਨੀ ਦੀ ਇਸ ਸਫਲਤਾ ਪਿੱਛੇ iPhone 17 ਸੀਰੀਜ਼ ਦੀ ਜ਼ਬਰਦਸਤ ਮੰਗ ਅਤੇ ਸ਼ਾਨਦਾਰ 'ਟਰੇਡ-ਇਨ' ਆਫਰਸ ਦਾ ਵੱਡਾ ਹੱਥ ਹੈ। ਦੂਜੇ ਪਾਸੇ, ਸੈਮਸੰਗ 20% ਮਾਰਕੀਟ ਸ਼ੇਅਰ ਨਾਲ ਦੂਜੇ ਸਥਾਨ 'ਤੇ ਖਿਸਕ ਗਈ ਹੈ। ਗਲੈਕਸੀ S26 ਸੀਰੀਜ਼ ਦੀ ਲਾਂਚਿੰਗ 'ਚ ਦੇਰੀ ਅਤੇ ਬਜਟ ਸੈਗਮੈਂਟ 'ਚ ਘੱਟ ਮੰਗ ਨੂੰ ਸੈਮਸੰਗ ਦੀ ਗਿਰਾਵਟ ਦਾ ਮੁੱਖ ਕਾਰਨ ਮੰਨਿਆ ਜਾ ਰਿਹਾ ਹੈ।

ਹੋਰ ਕੰਪਨੀਆਂ ਦਾ ਪ੍ਰਦਰਸ਼ਨ

Xiaomi
- 14% ਮਾਰਕੀਟ ਸ਼ੇਅਰ ਨਾਲ ਤੀਜੇ ਸਥਾਨ 'ਤੇ ਬਣੀ ਹੋਈ ਹੈ।

OPPO & Vivo
- ਓਪੋ 11% ਨਾਲ ਚੌਥੇ ਅਤੇ ਵੀਵੋ 8% ਨਾਲ ਪੰਜਵੇਂ ਨੰਬਰ 'ਤੇ ਹੈ।

Google
- ਪਿਕਸਲ 10a ਅਤੇ ਬਿਹਤਰੀਨ AI ਫੀਚਰਸ ਕਾਰਨ ਗੂਗਲ ਨੇ 14% ਦੀ ਸਾਲਾਨਾ ਗਰੋਥ ਦਰਜ ਕੀਤੀ ਹੈ।

Nothing
- ਕਾਰਲ ਪੇਈ ਦੀ ਕੰਪਨੀ 'ਨਥਿੰਗ' ਨੇ ਸਭ ਤੋਂ ਤੇਜ਼ 25% ਦੀ ਛਲਾਂਗ ਲਗਾਈ ਹੈ, ਜਿਸ ਵਿੱਚ Nothing Phone (4a) ਦਾ ਅਹਿਮ ਯੋਗਦਾਨ ਹੈ।

ਮਾਰਕੀਟ 'ਚ ਗਿਰਾਵਟ ਦੇ ਕਾਰਨ

ਹਾਲਾਂਕਿ ਕੁਝ ਕੰਪਨੀਆਂ ਨੇ ਵਧੀਆ ਪ੍ਰਦਰਸ਼ਨ ਕੀਤਾ ਹੈ, ਪਰ ਕੁੱਲ ਸਮਾਰਟਫੋਨ ਸ਼ਿਪਮੈਂਟ 'ਚ 6% ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਇਸ ਦੇ ਮੁੱਖ ਕਾਰਨ ਮੈਮੋਰੀ ਚਿਪਸ (DRAM ਅਤੇ NAND) ਦੀ ਵਿਸ਼ਵਵਿਆਪੀ ਕਿੱਲਤ ਅਤੇ ਵਧਦੀ ਲਾਗਤ ਕਾਰਨ ਬਜਟ ਫੋਨਾਂ ਦੀ ਮੰਗ 'ਚ ਕਮੀ ਆਉਣਾ ਹੈ। ਰਿਪੋਰਟ ਅਨੁਸਾਰ, ਗਾਹਕ ਹੁਣ ਸਸਤੇ ਫੋਨਾਂ ਦੀ ਬਜਾਏ ਪ੍ਰੀਮੀਅਮ ਅਤੇ AI-ਪਾਵਰਡ ਫੋਨਾਂ ਵੱਲ ਜ਼ਿਆਦਾ ਰੁਝਾਨ ਦਿਖਾ ਰਹੇ ਹਨ।