ਸਪੇਨ ਦੀ ਰਾਜਕੁਮਾਰੀ ਲਿਓਨੋਰ ਦਾ ਨਾਂ ਦੇਸ਼ ਦੇ 150 ਸਾਲਾਂ ਦੇ ਇਹਿਤਾਸ 'ਚ ਆਪਣਾ ਨਾਂ ਸੁਨਹਿਰੀ ਅੱਖਰਾਂ 'ਚ ਦਰਜ ਕਰਵਾਉਣ ਜਾ ਰਹੀ ਹੈ। ਉਹ ਦੇਸ਼ ਦੇ ਪਿਛਲੇ 150 ਸਾਲਾਂ ਦੇ ਇਤਿਹਾਸ 'ਚ ਪਹਿਲੀ ਮਹਿਲਾ ਸ਼ਾਸਕ ਬਣਨ ਜਾ ਰਹੀ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਰਾਜਕੁਮਾਰੀ ਦੀ ਜ਼ਿੰਦਗੀ ਨਾਲ ਜੁੜੇ ਕੁਝ ਅਹਿਮ ਕਿੱਸੇ-
ਸਪੇਨ ਦੀ ਰਾਜਕੁਮਾਰੀ ਲਿਓਨੋਰ ਸਪੇਨ ਦੇ ਰਾਜਾ ਫੇਲਿਪ VI ਅਤੇ ਰਾਣੀ ਲੇਟੀਜ਼ੀਆ ਦੀ ਵੱਡੀ ਪੁੱਤਰੀ ਹੈ ਅਤੇ ਮੌਜੂਦਾ ਸਮੇਂ ਵਿੱਚ ਸਪੇਨ ਦੇ ਤਖ਼ਤ ਦੀ ਮੁੱਖ ਵਾਰਿਸ ਹੈ। ਜਦੋਂ ਉਹ ਰਾਣੀ ਬਣੇਗੀ, ਤਾਂ ਉਹ ਪਿਛਲੇ 150 ਤੋਂ ਵੱਧ ਸਾਲਾਂ ਵਿੱਚ ਸਪੇਨ ਦੀ ਪਹਿਲੀ ਮਹਿਲਾ ਸ਼ਾਸਕ ਹੋਵੇਗੀ। ਇਸ ਤੋਂ ਪਹਿਲਾਂ ਰਾਣੀ ਇਜ਼ਾਬੇਲਾ II ਦਾ ਸ਼ਾਸਨ 1868 ਵਿੱਚ ਖ਼ਤਮ ਹੋਇਆ ਸੀ।
ਲਿਓਨੋਰ ਨੇ ਮੈਡ੍ਰਿਡ ਅਤੇ ਵੇਲਜ਼ (UWC ਅਟਲਾਂਟਿਕ ਕਾਲਜ) ਤੋਂ ਪੜ੍ਹਾਈ ਕੀਤੀ ਹੈ। ਉਹ ਸਪੈਨਿਸ਼, ਅੰਗਰੇਜ਼ੀ, ਫ੍ਰੈਂਚ ਅਤੇ ਕੈਟਲਨ ਭਾਸ਼ਾਵਾਂ ਬੋਲਣ ਵਿੱਚ ਮਾਹਿਰ ਹੈ। ਸਪੈਨਿਸ਼ ਹਥਿਆਰਬੰਦ ਸੈਨਾਵਾਂ ਦੀ ਕਮਾਂਡਰ-ਇਨ-ਚੀਫ਼ ਬਣਨ ਦੀ ਤਿਆਰੀ ਵਜੋਂ, ਉਸ ਨੇ ਅਗਸਤ 2023 ਵਿੱਚ 3 ਸਾਲਾ ਫੌਜੀ ਸਿਖਲਾਈ ਸ਼ੁਰੂ ਕੀਤੀ ਸੀ। ਇਸ ਵਿੱਚ ਥਲ ਸੈਨਾ, ਜਲ ਸੈਨਾ ਅਤੇ ਹਵਾਈ ਸੈਨਾ ਦੀ ਸਿਖਲਾਈ ਸ਼ਾਮਲ ਹੈ, ਜਿਸ ਦੌਰਾਨ ਉਸ ਨੇ ਆਪਣੀ ਪਹਿਲੀ ਇਕੱਲੀ ਉਡਾਣ ਵੀ ਮੁਕੰਮਲ ਕਰ ਲਈ।
ਸਪੇਨ ਦੀ ਸੰਵਿਧਾਨਕ ਪ੍ਰਣਾਲੀ ਅਨੁਸਾਰ, ਜਦੋਂ ਤੱਕ ਰਾਜੇ ਦੇ ਕੋਈ ਪੁੱਤਰ ਪੈਦਾ ਨਹੀਂ ਹੁੰਦਾ, ਉਦੋਂ ਤੱਕ ਲਿਓਨੋਰ ਹੀ ਗੱਦੀ ਦੀ ਵਾਰਿਸ ਰਹੇਗੀ। ਹੁਣ ਤੱਕ ਕੋਈ ਹੋਰ ਵਾਰਿਸ (ਪੁੱਤਰ) ਨਾ ਹੋਣ ਕਾਰਨ, ਉਸ ਦਾ ਰਾਣੀ ਬਣਨਾ ਨਿਸ਼ਚਿਤ ਜਾਪਦਾ ਹੈ, ਜੋ ਸਪੇਨ ਦੇ ਇਤਿਹਾਸ ਵਿੱਚ ਇੱਕ ਨਵਾਂ ਅਧਿਆਏ ਲਿਖੇਗਾ। ਰਾਜਕੁਮਾਰੀ ਦੀ ਇਹ ਸਖ਼ਤ ਫੌਜੀ ਅਤੇ ਅਕਾਦਮਿਕ ਸਿਖਲਾਈ ਇੱਕ ਨੀਂਹ ਪੱਥਰ ਵਾਂਗ ਹੈ, ਜੋ ਇੱਕ ਮਜ਼ਬੂਤ ਅਤੇ ਆਧੁਨਿਕ ਸ਼ਾਸਨ ਦੀ ਇਮਾਰਤ ਤਿਆਰ ਕਰਨ ਲਈ ਜ਼ਰੂਰੀ ਹੈ।