ਬੈਂਕ ਆਫ ਇੰਡੀਆ (Bank of India) ਨੇ ਆਪਣੇ ਗਾਹਕਾਂ ਨੂੰ ਵੱਡੀ ਰਾਹਤ ਦਿੰਦੇ ਹੋਏ ਫਿਕਸਡ ਡਿਪਾਜ਼ਿਟ (FD) ਦੀਆਂ ਵਿਆਜ ਦਰਾਂ ਵਿੱਚ ਵਾਧਾ ਕਰ ਦਿੱਤਾ ਹੈ। ਇਸ ਫੈਸਲੇ ਨਾਲ ਗਾਹਕਾਂ ਨੂੰ ਹੁਣ ਆਪਣੀ ਬੱਚਤ 'ਤੇ ਪਹਿਲਾਂ ਨਾਲੋਂ ਜ਼ਿਆਦਾ ਮੁਨਾਫਾ ਮਿਲੇਗਾ। ਬੈਂਕ ਵੱਲੋਂ 3 ਕਰੋੜ ਰੁਪਏ ਤੋਂ ਘੱਟ ਦੀ FD 'ਤੇ ਇਹ ਨਵੀਆਂ ਦਰਾਂ ਲਾਗੂ ਕੀਤੀਆਂ ਗਈਆਂ ਹਨ, ਜੋ ਕਿ 18 ਮਈ, 2026 ਤੋਂ ਪ੍ਰਭਾਵੀ ਹੋ ਗਈਆਂ ਹਨ।
ਬੈਂਕ ਆਫ ਇੰਡੀਆ ਨੇ ਵੱਖ-ਵੱਖ ਸਮੇਂ ਦੀਆਂ ਐਫ.ਡੀਜ਼ ਲਈ ਹੇਠ ਲਿਖੇ ਅਨੁਸਾਰ ਵਿਆਜ ਦਰਾਂ ਤੈਅ ਕੀਤੀਆਂ ਹਨ:
1 ਸਾਲ ਤੋਂ 2 ਸਾਲ ਤੋਂ ਘੱਟ: 6.5 ਫੀਸਦੀ ਵਿਆਜ।
2 ਸਾਲ ਤੋਂ 3 ਸਾਲ ਤੋਂ ਘੱਟ: 6.6 ਫੀਸਦੀ ਵਿਆਜ।
3 ਸਾਲ ਦੀ ਐਫ.ਡੀ: 6.7 ਫੀਸਦੀ ਵਿਆਜ।
ਸੀਨੀਅਰ ਸਿਟੀਜ਼ਨਜ਼ ਲਈ ਵਿਸ਼ੇਸ਼ ਫਾਇਦਾ: ਬੈਂਕ ਨੇ ਬਜ਼ੁਰਗ ਨਾਗਰਿਕਾਂ ਲਈ ਵਧੇਰੇ ਵਿਆਜ ਦਾ ਪ੍ਰਬੰਧ ਕੀਤਾ ਹੈ:
ਸੀਨੀਅਰ ਸਿਟੀਜ਼ਨਜ਼ ਨੂੰ 6 ਮਹੀਨੇ ਤੋਂ ਲੈ ਕੇ 3 ਸਾਲ ਤੋਂ ਘੱਟ ਦੀ ਮਿਆਦ ਵਾਲੀ FD 'ਤੇ 50 ਬੇਸਿਸ ਪੁਆਇੰਟ (0.50%) ਵਾਧੂ ਵਿਆਜ ਮਿਲੇਗਾ।
ਇਸੇ ਮਿਆਦ ਲਈ ਸੁਪਰ ਸੀਨੀਅਰ ਸਿਟੀਜ਼ਨਜ਼ ਨੂੰ 65 ਬੇਸਿਸ ਪੁਆਇੰਟ ਵੱਧ ਵਿਆਜ ਦਿੱਤਾ ਜਾਵੇਗਾ।
ਜੇਕਰ FD 3 ਸਾਲ ਜਾਂ ਇਸ ਤੋਂ ਵੱਧ ਦੀ ਹੈ, ਤਾਂ ਸੀਨੀਅਰ ਸਿਟੀਜ਼ਨਜ਼ ਨੂੰ ਆਮ ਗਾਹਕਾਂ ਨਾਲੋਂ 75 ਬੇਸਿਸ ਪੁਆਇੰਟ ਅਤੇ ਸੁਪਰ ਸੀਨੀਅਰ ਸਿਟੀਜ਼ਨਜ਼ ਨੂੰ 90 ਬੇਸਿਸ ਪੁਆਇੰਟ ਦਾ ਵਾਧੂ ਲਾਭ ਮਿਲੇਗਾ।
ਬੈਂਕ ਦੇ ਇਸ ਕਦਮ ਨਾਲ ਨਿਵੇਸ਼ਕਾਂ, ਖਾਸ ਕਰਕੇ ਸੀਨੀਅਰ ਸਿਟੀਜ਼ਨਜ਼ ਨੂੰ ਆਪਣੀ ਜਮ੍ਹਾਂ ਪੂੰਜੀ 'ਤੇ ਬਿਹਤਰ ਰਿਟਰਨ ਹਾਸਲ ਹੋਵੇਗਾ।