ਘਰੇਲੂ ਸ਼ੇਅਰ ਬਾਜ਼ਾਰ ਵਿੱਚ ਵੀਰਵਾਰ ਨੂੰ ਭਾਰੀ ਉਤਾਰ-ਚੜ੍ਹਾਅ ਦੇ ਵਿਚਕਾਰ ਨਿਵੇਸ਼ਕਾਂ ਨੂੰ ਜ਼ੋਰਦਾਰ ਝਟਕਾ ਲੱਗਿਆ ਹੈ। ਵਿਸ਼ਵਵਿਆਪੀ ਸੰਕੇਤਾਂ ਦੀ ਕਮਜ਼ੋਰੀ ਅਤੇ ਕਈ ਖੇਤਰਾਂ ਵਿੱਚ ਹੋਈ ਭਾਰੀ ਵਿਕਰੀ ਕਾਰਨ ਪ੍ਰਮੁੱਖ ਸੂਚਕਾਂਕ ਲਾਲ ਨਿਸ਼ਾਨ 'ਤੇ ਬੰਦ ਹੋਏ।
ਬਾਜ਼ਾਰ ਦੀ ਸਥਿਤੀ
ਬੀਐਸਈ (BSE) ਸੈਂਸੈਕਸ 582.86 ਅੰਕ ਡਿੱਗ ਕੇ 76,913.50 'ਤੇ ਆ ਗਿਆ। ਇਸੇ ਤਰ੍ਹਾਂ ਐਨਐਸਈ (NSE) ਨਿਫਟੀ 50 ਵੀ 180.10 ਅੰਕਾਂ ਦੀ ਕਮਜ਼ੋਰੀ ਨਾਲ 23,997.55 'ਤੇ ਫਿਸਲ ਗਿਆ। ਬਾਜ਼ਾਰ ਵਿੱਚ ਵਿਕਰੀ ਦਾ ਦਬਾਅ ਇੰਨਾ ਜ਼ਿਆਦਾ ਸੀ ਕਿ ਡਿੱਗਣ ਵਾਲੇ ਸ਼ੇਅਰਾਂ ਦੀ ਗਿਣਤੀ ਵਧਣ ਵਾਲੇ ਸ਼ੇਅਰਾਂ ਨਾਲੋਂ ਕਿਤੇ ਜ਼ਿਆਦਾ ਸੀ।
ਇਨ੍ਹਾਂ ਸੈਕਟਰਾਂ 'ਚ ਰਿਹਾ ਸਭ ਤੋਂ ਵੱਧ ਨੁਕਸਾਨ
ਸਭ ਤੋਂ ਜ਼ਿਆਦਾ ਮਾਰ ਮੈਟਲ (Metal) ਸ਼ੇਅਰਾਂ 'ਤੇ ਪਈ, ਜਿਨ੍ਹਾਂ ਵਿੱਚ 2 ਫੀਸਦੀ ਤੋਂ ਵੱਧ ਦੀ ਗਿਰਾਵਟ ਦਰਜ ਕੀਤੀ ਗਈ। ਆਈਟੀ (IT) ਨੂੰ ਛੱਡ ਕੇ ਹੋਰ ਸਾਰੇ ਸੂਚਕਾਂਕ ਜਿਵੇਂ ਕਿ ਪੀਐਸਯੂ ਬੈਂਕ, ਪ੍ਰਾਈਵੇਟ ਬੈਂਕ, ਐਫਐਮਸੀਜੀ (FMCG), ਅਤੇ ਰੀਅਲਟੀ ਸੈਕਟਰ ਲਾਲ ਨਿਸ਼ਾਨ 'ਤੇ ਬੰਦ ਹੋਏ। ਮਿਡਕੈਪ ਅਤੇ ਸਮਾਲਕੈਪ ਸ਼ੇਅਰਾਂ ਵਿੱਚ ਵੀ 0.5% ਤੋਂ 1% ਤੱਕ ਦੀ ਗਿਰਾਵਟ ਦੇਖੀ ਗਈ।
ਗਿਰਾਵਟ ਦੇ ਮੁੱਖ ਕਾਰਨ
ਮਾਹਰਾਂ ਅਨੁਸਾਰ, ਇਸ ਗਿਰਾਵਟ ਦੇ ਪਿੱਛੇ ਤਿੰਨ ਮੁੱਖ ਕਾਰਨ ਹਨ:
1.ਭੂ-ਰਾਜਨੀਤਿਕ ਤਣਾਅ: ਪੱਛਮੀ ਏਸ਼ੀਆ ਵਿੱਚ ਵਧਦੇ ਯੁੱਧ ਦੇ ਹਾਲਾਤ।
2.ਕੱਚਾ ਤੇਲ: ਬ੍ਰੈਂਟ ਕਰੂਡ ਦਾ ਭਾਅ 120 ਡਾਲਰ ਪ੍ਰਤੀ ਬੈਰਲ ਤੋਂ ਪਾਰ ਹੋਣਾ।
3.ਰੁਪਏ ਦੀ ਕਮਜ਼ੋਰੀ: ਭਾਰਤੀ ਰੁਪਿਆ ਅਮਰੀਕੀ ਡਾਲਰ ਦੇ ਮੁਕਾਬਲੇ 94.90 ਦੇ ਇਤਿਹਾਸਕ ਹੇਠਲੇ ਪੱਧਰ 'ਤੇ ਪਹੁੰਚ ਗਿਆ ਹੈ।
ਟਾਪ ਲੂਜ਼ਰ ਸ਼ੇਅਰ
ਨੈਸ਼ਨਲ ਸਟਾਕ ਐਕਸਚੇਂਜ (NSE) 'ਤੇ ਸਭ ਤੋਂ ਵੱਧ ਨੁਕਸਾਨ ਉਠਾਉਣ ਵਾਲੇ ਸ਼ੇਅਰਾਂ ਵਿੱਚ ETERNAL (-2.92%), TMPV (-2.92%), Hindalco (-2.83%), Hindustan Unilever (-2.61%) ਅਤੇ Tata Steel (-2.08%) ਸ਼ਾਮਲ ਰਹੇ।