ਅੱਜ ਸੋਮਵਾਰ ਸਵੇਰੇ ਤੋਂ ਹੀ ਭਾਰਤੀ ਸ਼ੇਅਰ ਬਾਜ਼ਾਰ ਵਿੱਚ ਜ਼ਬਰਦਸਤ ਉਛਾਲ ਦੇਖਣ ਨੂੰ ਮਿਲ ਰਿਹਾ ਹੈ। ਬਾਜ਼ਾਰ ਖੁੱਲ੍ਹਦੇ ਹੀ ਸੈਂਸੈਕਸ 800 ਅੰਕਾਂ ਤੋਂ ਵੱਧ ਚੜ੍ਹ ਗਿਆ, ਜਦਕਿ ਨਿਫਟੀ 50 ਵਿੱਚ ਵੀ 250 ਅੰਕਾਂ ਦੀ ਤੇਜ਼ੀ ਦਰਜ ਕੀਤੀ ਗਈ। ਬਾਜ਼ਾਰ ਵਿੱਚ ਇਸ ਤੇਜ਼ੀ ਦਾ ਸਭ ਤੋਂ ਵੱਡਾ ਕਾਰਨ ਕੱਚੇ ਤੇਲ ਵਿੱਚ ਨਰਮੀ ਹੈ, ਜੋ ਕਿ ਲਗਭਗ 97 ਡਾਲਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਸੈਕਟਰਲ ਪ੍ਰਦਰਸ਼ਨ ਨੂੰ ਦੇਖਦੇ ਹੋਏ, FMCG ਨੂੰ ਛੱਡ ਕੇ ਸਾਰੇ ਸੂਚਕਾਂਕ ਹਰੇ ਰੰਗ ਵਿੱਚ ਬੰਦ ਹੋਏ। ਆਟੋ, PSU ਬੈਂਕ, ਪ੍ਰਾਈਵੇਟ ਬੈਂਕ ਅਤੇ ਵਿੱਤੀ ਸਭ ਤੋਂ ਮਜ਼ਬੂਤ ਸਨ। ਸਿਰਫ਼ FMCG ਸੂਚਕਾਂਕ ਵਿੱਚ ਥੋੜ੍ਹੀ ਜਿਹੀ ਗਿਰਾਵਟ ਦੇਖਣ ਨੂੰ ਮਿਲੀ।
ਮੌਜੂਦਾ ਸਮੇਂ ਸੈਂਸੈਕਸ 1073.61 ਅੰਕ ਭਾਵ 1.42% ਦੇ ਵਾਧੇ ਨਾਲ 76,488.96 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਸੈਂਸੈਕਸ ਦੇ 26 ਸ਼ੇਅਰਾਂ ਚ ਵਾਧਾ ਅਤੇ ਸਿਰਫ਼ 4 ਸਟਾਕ ਵਿਚ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ।
ਟਾਪ ਗੇਨਰਸ
ਬਜਾਜ ਫਾਇਨਾਂਸ, ਲਾਰਸਨ ਐਂਡ ਟਰਬੋ, ਐੱਚਡੀਐੱਫਸੀ ਬੈਂਕ, ਇਟਰਨਲ, ਬਜਾਜ ਫਿਨਸਰਵ, ਕੋਟਕ ਬੈਂਕ,ਆਈਸ਼ਰ ਮੋਟਰਜ਼, ਅਡਾਨੀ ਐਂਟਰਪ੍ਰਾਈਜ਼ਿਜ਼, ਬਜਾਜ ਫਾਈਨੈਂਸ ਨਿਫਟੀ ਵਿੱਚ ਸਭ ਤੋਂ ਵੱਧ ਲਾਭ ਪ੍ਰਾਪਤ ਕਰਨ ਵਾਲੇ ਸਨ, ਜਿਨ੍ਹਾਂ ਵਿੱਚ 3-6.5% ਦਾ ਵਾਧਾ ਹੋਇਆ।
ਟਾਪ ਲੂਜ਼ਰਸ
INFY, TCS, Sunpharma, hindunilvr
ਦੂਜੇ ਪਾਸੇ ਨਿਫਟੀ 312.40 ਅੰਕ ਭਾਵ 1.32% ਦੇ ਵਾਧੇ ਨਾਲ 24,031.70 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਇਸ ਨਾਲ ਬੀ.ਐੱਸ.ਈ. (BSE) 'ਤੇ ਸੂਚੀਬੱਧ ਕੰਪਨੀਆਂ ਦਾ ਕੁੱਲ ਮਾਰਕੀਟ ਕੈਪ ਵਧ ਕੇ 468 ਲੱਖ ਕਰੋੜ ਰੁਪਏ ਹੋ ਗਿਆ ਹੈ।
ਬਾਜ਼ਾਰ ਵਿੱਚ ਇਸ ਵੱਡੀ ਤੇਜ਼ੀ ਦੇ 5 ਮੁੱਖ ਕਾਰਨ:
ਅਮਰੀਕਾ-ਈਰਾਨ ਸ਼ਾਂਤੀ ਸਮਝੌਤੇ ਦੀ ਉਮੀਦ: ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਬਿਆਨ ਕਿ ਵਾਸ਼ਿੰਗਟਨ ਅਤੇ ਤੇਹਰਾਨ ਵਿਚਕਾਰ ਹੋਰਮੁਜ਼ ਜਲਡਮਰੂਮੱਧ (Strait of Hormuz) ਨੂੰ ਮੁੜ ਖੋਲ੍ਹਣ ਲਈ ਸ਼ਾਂਤੀ ਸਮਝੌਤੇ 'ਤੇ ਗੱਲਬਾਤ ਲਗਭਗ ਮੁਕੰਮਲ ਹੋ ਚੁੱਕੀ ਹੈ, ਨੇ ਵਿਸ਼ਵ ਬਾਜ਼ਾਰਾਂ ਵਿੱਚ ਹਾਂ-ਪੱਖੀ ਸੰਦੇਸ਼ ਭੇਜਿਆ ਹੈ।
ਕੱਚੇ ਤੇਲ ਦੀਆਂ ਕੀਮਤਾਂ ਵਿੱਚ ਭਾਰੀ ਗਿਰਾਵਟ: ਸ਼ਾਂਤੀ ਵਾਰਤਾ ਦੀਆਂ ਖ਼ਬਰਾਂ ਕਾਰਨ ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਕੱਚੇ ਤੇਲ ਦੀਆਂ ਕੀਮਤਾਂ ਕਰੈਸ਼ ਹੋ ਗਈਆਂ ਹਨ। ਬ੍ਰੈਂਟ ਕਰੂਡ 5% ਡਿੱਗ ਕੇ 98 ਡਾਲਰ ਅਤੇ ਡਬਲਯੂ.ਟੀ.ਆਈ (WTI) ਕਰੂਡ ਕਰੀਬ 6% ਡਿੱਗ ਕੇ 91.30 ਡਾਲਰ ਪ੍ਰਤੀ ਬੈਰਲ 'ਤੇ ਆ ਗਿਆ ਹੈ। ਭਾਰਤ ਆਪਣੀ ਲੋੜ ਦਾ 85% ਤੇਲ ਦਰਾਮਦ ਕਰਦਾ ਹੈ, ਇਸ ਲਈ ਤੇਲ ਦਾ ਸਸਤਾ ਹੋਣਾ ਭਾਰਤੀ ਬਾਜ਼ਾਰ ਲਈ ਵੱਡੀ ਰਾਹਤ ਹੈ।
ਗਲੋਬਲ ਬਾਜ਼ਾਰਾਂ ਵਿੱਚ ਤੇਜ਼ੀ: ਜਾਪਾਨ ਦਾ ਨਿੱਕੇਈ (Nikkei) ਇੰਡੈਕਸ ਇਤਿਹਾਸ ਵਿੱਚ ਪਹਿਲੀ ਵਾਰ 65,000 ਦੇ ਪਾਰ ਚਲਾ ਗਿਆ। ਚੀਨ ਅਤੇ ਤਾਇਵਾਨ ਦੇ ਬਾਜ਼ਾਰਾਂ ਵਿੱਚ ਵੀ ਤੇਜ਼ੀ ਦੇਖੀ ਗਈ, ਜਿਸ ਦਾ ਅਸਰ ਭਾਰਤੀ ਬਾਜ਼ਾਰ 'ਤੇ ਵੀ ਪਿਆ।
ਰੁਪਏ ਵਿੱਚ ਮਜ਼ਬੂਤੀ: ਪਿਛਲੇ ਹਫ਼ਤੇ ਦੇ ਹੇਠਲੇ ਪੱਧਰ ਤੋਂ ਉੱਭਰਦੇ ਹੋਏ ਭਾਰਤੀ ਰੁਪਿਆ ਡਾਲਰ ਦੇ ਮੁਕਾਬਲੇ 0.37% ਮਜ਼ਬੂਤ ਹੋ ਕੇ 95.34 'ਤੇ ਖੁੱਲ੍ਹਿਆ, ਜਿਸ ਨਾਲ ਵਿਦੇਸ਼ੀ ਨਿਵੇਸ਼ਕਾਂ ਦਾ ਭਰੋਸਾ ਵਧਿਆ ਹੈ।
ਬਾਂਡ ਯੀਲਡ ਵਿੱਚ ਗਿਰਾਵਟ: ਅਮਰੀਕੀ ਟ੍ਰੇਜ਼ਰੀ ਬਾਂਡ ਯੀਲਡ ਵਿੱਚ ਗਿਰਾਵਟ ਆਉਣ ਕਾਰਨ ਨਿਵੇਸ਼ਕਾਂ ਨੇ ਬਾਂਡ ਮਾਰਕੀਟ ਦੀ ਬਜਾਏ ਸ਼ੇਅਰ ਬਾਜ਼ਾਰ ਵਿੱਚ ਪੈਸਾ ਲਗਾਉਣਾ ਸ਼ੁਰੂ ਕਰ ਦਿੱਤਾ ਹੈ।
ਚਿੰਤਾ ਦਾ ਵਿਸ਼ਾ: ਬਾਜ਼ਾਰ ਵਿੱਚ ਤੇਜ਼ੀ ਦੇ ਬਾਵਜੂਦ ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ (FIIs) ਦੀ ਲਗਾਤਾਰ ਵੇਚਵਾਲੀ ਚਿੰਤਾ ਦਾ ਵਿਸ਼ਾ ਬਣੀ ਹੋਈ ਹੈ। ਸਾਲ 2026 ਵਿੱਚ ਹੁਣ ਤੱਕ ਵਿਦੇਸ਼ੀ ਨਿਵੇਸ਼ਕਾਂ ਨੇ 2,22,343 ਕਰੋੜ ਰੁਪਏ ਦੀ ਵੇਚਵਾਲੀ ਕੀਤੀ ਹੈ, ਜੋ ਕਿ ਪਿਛਲੇ ਸਾਲ ਦੇ ਮੁਕਾਬਲੇ ਕਿਤੇ ਜ਼ਿਆਦਾ ਹੈ।