ਭਾਰਤੀ ਸ਼ੇਅਰ ਬਾਜ਼ਾਰ ਵਿੱਚ ਹਫ਼ਤੇ ਦੇ ਆਖਰੀ ਕਾਰੋਬਾਰੀ ਦਿਨ ਸ਼ੁੱਕਰਵਾਰ ਨੂੰ ਨਿਰਾਸ਼ਾ ਦੇਖਣ ਨੂੰ ਮਿਲੀ। ਸ਼ੁਰੂਆਤੀ ਤੇਜ਼ੀ ਤੋਂ ਬਾਅਦ ਬਾਜ਼ਾਰ ਆਪਣੀ ਲੜਖੜਾਹਟ 'ਤੇ ਕਾਬੂ ਨਹੀਂ ਰੱਖ ਸਕਿਆ ਅਤੇ ਅੰਤ ਵਿੱਚ ਦੋਵੇਂ ਪ੍ਰਮੁੱਖ ਸੂਚਕ ਅੰਕ ਲਾਲ ਨਿਸ਼ਾਨ 'ਤੇ ਬੰਦ ਹੋਏ। ਕਾਰੋਬਾਰ ਦੇ ਅੰਤ ਵਿੱਚ ਬੀਐਸਈ ਸੈਂਸੈਕਸ 160.73 ਅੰਕ ਭਾਵ 0.21 ਫੀਸਦੀ ਦੀ ਗਿਰਾਵਟ ਨਾਲ 75,237.99 ਦੇ ਪੱਧਰ 'ਤੇ ਬੰਦ ਹੋਇਆ। ਉੱਥੇ ਹੀ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ (Nifty) 46.10 ਅੰਕ ਜਾਂ 0.19 ਫੀਸਦੀ ਡਿੱਗ ਕੇ 23,643.50 'ਤੇ ਰਿਹਾ।
ਹਫ਼ਤੇ ਭਰ ਵਿੱਚ 3 ਫੀਸਦੀ ਦੀ ਗਿਰਾਵਟ
ਇਸ ਪੂਰੇ ਹਫ਼ਤੇ ਦੌਰਾਨ ਭਾਰਤੀ ਇਕੁਇਟੀ ਬੈਂਚਮਾਰਕਸ ਵਿੱਚ ਵੱਡੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਦੋਵੇਂ ਸੂਚਕ ਅੰਕ ਇਸ ਹਫ਼ਤੇ ਲਗਭਗ 3 ਫੀਸਦੀ ਤੱਕ ਹੇਠਾਂ ਡਿੱਗ ਚੁੱਕੇ ਹਨ।
ਰੁਪਿਆ ਪਹਿਲੀ ਵਾਰ 96 ਦੇ ਪਾਰ ਕਰੰਸੀ ਬਾਜ਼ਾਰ ਤੋਂ ਵੀ ਭਾਰਤੀ ਅਰਥਵਿਵਸਥਾ ਲਈ ਚਿੰਤਾਜਨਕ ਖ਼ਬਰ ਸਾਹਮਣੇ ਆਈ ਹੈ। ਅਮਰੀਕੀ ਡਾਲਰ ਦੇ ਮੁਕਾਬਲੇ ਭਾਰਤੀ ਰੁਪਿਆ 96 ਦੇ ਪੱਧਰ ਤੋਂ ਵੀ ਹੇਠਾਂ ਡਿੱਗ ਗਿਆ। ਸ਼ੁੱਕਰਵਾਰ ਨੂੰ ਰੁਪਿਆ 96.14 ਦੇ ਇਤਿਹਾਸਕ ਹੇਠਲੇ ਪੱਧਰ 'ਤੇ ਪਹੁੰਚ ਗਿਆ,। ਕੱਚੇ ਤੇਲ ਦੀਆਂ ਵਧਦੀਆਂ ਕੀਮਤਾਂ ਅਤੇ ਪੱਛਮੀ ਏਸ਼ੀਆ ਵਿੱਚ ਭੂ-ਰਾਜਨੀਤਿਕ ਤਣਾਅ ਨੇ ਰੁਪਏ 'ਤੇ ਭਾਰੀ ਦਬਾਅ ਪਾਇਆ ਹੈ।
ਕੱਚਾ ਤੇਲ ਅਤੇ ਹੋਰ ਕਾਰਨ
ਕੌਮਾਂਤਰੀ ਬਾਜ਼ਾਰ ਵਿੱਚ ਬ੍ਰੈਂਟ ਕਰੂਡ ਦੀ ਕੀਮਤ 110 ਡਾਲਰ ਪ੍ਰਤੀ ਬੈਰਲ ਨੂੰ ਪਾਰ ਕਰ ਗਈ ਹੈ। ਤੇਲ ਦੀਆਂ ਵਧਦੀਆਂ ਕੀਮਤਾਂ ਭਾਰਤ ਲਈ ਵਪਾਰਕ ਘਾਟਾ ਵਧਾਉਣ ਦਾ ਮੁੱਖ ਕਾਰਨ ਬਣ ਰਹੀਆਂ ਹਨ। ਅਪ੍ਰੈਲ ਮਹੀਨੇ ਵਿੱਚ ਭਾਰਤ ਦਾ ਵਪਾਰਕ ਘਾਟਾ ਅਨੁਮਾਨ ਤੋਂ ਵੱਧ ਕੇ 28.38 ਬਿਲੀਅਨ ਡਾਲਰ ਹੋ ਗਿਆ ਹੈ।
ਟਾਪ ਲੂਜ਼ਰਸ
ਬੈਂਕਿੰਗ, ਐਨਰਜੀ ਅਤੇ ਪੀਐਸਈ (PSE) ਇੰਡੈਕਸ
ਟਾਪ ਗੇਨਰਸ
ਆਈਟੀ (IT), ਐਫਐਮਸੀਜੀ (FMCG) ਅਤੇ ਫਾਰਮਾ ਸੈਕਟਰ
ਪ੍ਰਮੁੱਖ ਸ਼ੇਅਰਾਂ ਦੀ ਸਥਿਤੀ
ਟਾਟਾ ਮੋਟਰਜ਼ ਦੇ ਸ਼ੇਅਰ ਚੰਗੇ ਨਤੀਜਿਆਂ ਤੋਂ ਬਾਅਦ 8 ਫੀਸਦੀ ਤੱਕ ਉਛਲੇ।
ਹਡਕੋ (HUDCO) ਵਿੱਚ ਭਾਰੀ ਮੁਨਾਫ਼ਾ ਵਸੂਲੀ ਹੋਈ ਅਤੇ ਸ਼ੇਅਰ 8 ਫੀਸਦੀ ਤੋਂ ਵੱਧ ਡਿੱਗ ਗਿਆ।
ਸ਼ੀਲਾ ਫੋਮ ਦੇ ਸ਼ੇਅਰਾਂ ਵਿੱਚ ਬੰਪਰ ਖਰੀਦਦਾਰੀ ਕਾਰਨ 20 ਫੀਸਦੀ ਦਾ ਉਛਾਲ ਆਇਆ।
ਮੁਨਾਫ਼ਾ ਵਸੂਲੀ ਦੇ ਚਲਦਿਆਂ ਮੁਥੂਟ ਫਾਈਨੈਂਸ ਅਤੇ ਹਿੰਦੁਸਤਾਨ ਜ਼ਿੰਕ ਦੇ ਸ਼ੇਅਰਾਂ ਵਿੱਚ ਵੀ ਗਿਰਾਵਟ ਦਰਜ ਕੀਤੀ ਗਈ,।
ਬਾਜ਼ਾਰ ਮਾਹਿਰਾਂ ਅਨੁਸਾਰ, ਕੱਚੇ ਤੇਲ ਦੀਆਂ ਕੀਮਤਾਂ ਅਤੇ ਗਲੋਬਲ ਤਣਾਅ ਆਉਣ ਵਾਲੇ ਦਿਨਾਂ ਵਿੱਚ ਵੀ ਬਾਜ਼ਾਰ ਦੀ ਚਾਲ ਨਿਰਧਾਰਿਤ ਕਰਨਗੇ।