ਘਰੇਲੂ ਸਟਾਕ ਮਾਰਕੀਟ, ਸੈਂਸੈਕਸ ਅਤੇ ਨਿਫਟੀ, ਸੋਮਵਾਰ ਨੂੰ ਕਾਰੋਬਾਰ ਵਿੱਚ ਤੇਜ਼ੀ ਦਾ ਰੁਝਾਨ ਦੇਖਣ ਨੂੰ ਮਿਲ ਰਿਹਾ ਹੈ। ਇਹ ਵਿਦੇਸ਼ੀ ਨਿਵੇਸ਼, ਏਸ਼ੀਆਈ ਬਾਜ਼ਾਰਾਂ ਵਿੱਚ ਵਾਧੇ ਅਤੇ ਨਵੇਂ ਭਾਰਤ-ਅਮਰੀਕਾ ਵਪਾਰ ਸਮਝੌਤੇ ਤੋਂ ਬਾਅਦ ਬਾਜ਼ਾਰ ਵਿੱਚ ਸਕਾਰਾਤਮਕ ਭਾਵਨਾ ਦੇ ਕਾਰਨ ਸੀ। ਬੀਐਸਈ ਸੈਂਸੈਕਸ 485.35 ਅੰਕ ਭਾਵ 0.58% ਵਧ ਕੇ 84,065.75 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਸੈਂਸੈਕਸ ਦੇ 21 ਸਟਾਕ ਵਾਧੇ ਨਾਲ ਅਤੇ 9 ਸਟਾਕ ਗਿਰਾਵਟ ਲੈ ਕੇ ਬੰਦ ਹੋਏ ਹਨ।
ਦੂਜੇ ਪਾਸੇ 50-ਸ਼ੇਅਰਾਂ ਵਾਲਾ ਐਨਐਸਈ ਨਿਫਟੀ 173.60 ਅੰਕ ਭਾਵ 0.60 ਪ੍ਰਤੀਸ਼ਤ ਵਧ ਕੇ 25,867.30 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਬੈਂਕ ਨਿਫਟੀ 548 ਅੰਕ ਵਧ ਕੇ 60,669 'ਤੇ ਬੰਦ ਹੋਇਆ। ਨਿਫਟੀ ਮਿਡ ਸਿਲੈਕਟ 223 ਅੰਕ ਵਧ ਕੇ 13,868 'ਤੇ ਬੰਦ ਹੋਇਆ, ਜੋ ਕਿ 1.64% ਦਾ ਵਾਧਾ ਹੈ। ਦੂਜੇ ਪਾਸੇ, ਸਮਾਲਕੈਪ ਵਿੱਚ ਹੋਰ ਉਤਸ਼ਾਹ ਦੇਖਣ ਨੂੰ ਮਿਲਿਆ, ਨਿਫਟੀ ਸਮਾਲਕੈਪ 447 ਅੰਕ ਵਧ ਕੇ 17,385 'ਤੇ ਬੰਦ ਹੋਇਆ, ਜੋ ਕਿ ਲਗਭਗ 2.64% ਦਾ ਵਾਧਾ ਹੈ।
ਟਾਪ ਗੇਨਰਸ
ਸੈਂਸੈਕਸ ਦੀਆਂ 30 ਕੰਪਨੀਆਂ ਵਿੱਚੋਂ, ਸਟੇਟ ਬੈਂਕ ਆਫ਼ ਇੰਡੀਆ, ਟਾਈਟਨ, ਟਾਟਾ ਸਟੀਲ,Ultracemco, ਈਟਰਨਲ, Bel, ਕੋਟਕ ਮਹਿੰਦਰਾ ਬੈਂਕ, Trent,Indigo,M&M, L&T,ਅਡਾਨੀ ਪੋਰਟਸ,Reliance, Asian Paints,Sun Pharma ਦੇ ਸ਼ੇਅਰ ਲਾਭ ਲੈਣ ਵਾਲਿਆਂ ਵਿੱਚ ਸ਼ਾਮਲ ਸਨ।
ਟਾਪ ਲੂਜ਼ਰਸ
ਪਾਵਰਗ੍ਰਿਡ, ਆਈਟੀਸੀ,ਐਨਟੀਪੀਸੀ,ਆਈਸੀਆਈਸੀਆਈ ਬੈਂਕ,Infy,HDFC Bank,ਮਾਰੂਤੀ, ਐਕਸਿਸ ਬੈਂਕ ਦੇ ਸ਼ੇਅਰ ਘਾਟੇ ਵਿੱਚ ਸਨ।
ਗਲੋਬਲ ਬਾਜ਼ਾਰਾਂ ਦਾ ਹਾਲ
ਏਸ਼ੀਆਈ ਬਾਜ਼ਾਰਾਂ ਵਿੱਚ, ਜਾਪਾਨ ਦਾ ਨਿੱਕੇਈ 225, ਦੱਖਣੀ ਕੋਰੀਆ ਦਾ ਕੋਸਪੀ, ਚੀਨ ਦਾ ਐਸਐਸਈ ਕੰਪੋਜ਼ਿਟ ਅਤੇ ਹਾਂਗ ਕਾਂਗ ਦਾ ਹੈਂਗ ਸੇਂਗ ਲਾਭ ਵਿੱਚ ਸਨ। ਸ਼ੁੱਕਰਵਾਰ ਨੂੰ ਅਮਰੀਕੀ ਬਾਜ਼ਾਰ ਦੋ ਪ੍ਰਤੀਸ਼ਤ ਤੋਂ ਵੱਧ ਦੇ ਵਾਧੇ ਨਾਲ ਬੰਦ ਹੋਏ। ਅੰਤਰਰਾਸ਼ਟਰੀ ਮਿਆਰੀ ਬ੍ਰੈਂਟ ਕਰੂਡ ਦੀ ਕੀਮਤ 0.94 ਪ੍ਰਤੀਸ਼ਤ ਡਿੱਗ ਕੇ $67.41 ਪ੍ਰਤੀ ਬੈਰਲ ਹੋ ਗਈ। ਸਟਾਕ ਮਾਰਕੀਟ ਦੇ ਅੰਕੜਿਆਂ ਅਨੁਸਾਰ, ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕ (ਐਫਆਈਆਈ) ਸ਼ੁੱਕਰਵਾਰ ਨੂੰ ਖਰੀਦਦਾਰ ਸਨ ਅਤੇ 1,950.77 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ।