ਜੰਮੂ-ਕਸ਼ਮੀਰ ਦੇ ਜੰਗਲਾਤ, ਵਾਤਾਵਰਣ ਅਤੇ ਅੰਕੜਾ ਵਿਭਾਗ ਨੇ ਜਾਰੀ ਹੁਕਮਾਂ ਤਹਿਤ 14 ਜੰਗਲਾਤ ਅਧਿਕਾਰੀਆਂ ਦਾ ਤਬਾਦਲਾ ਕੀਤਾ ਹੈ। ਮੁੱਖ ਵਣਪਾਲ ਜੰਮੂ ਡਾ. ਐੱਮ.ਕੇ. ਕੁਮਾਰ ਨੂੰ ਖੇਤਰੀ ਨਿਰਦੇਸ਼ਕ ਸਮਾਜਿਕ ਜੰਗਲਾਤ ਜੰਮੂ ਦਾ ਵਾਧੂ ਚਾਰਜ ਸੌਂਪਿਆ ਗਿਆ ਹੈ। ਵਿਭਾਗ ਦੇ ਕਮਿਸ਼ਨਰ ਸਕੱਤਰ ਸ਼ੀਤਲ ਨੰਦਾ ਨੇ ਉਪ ਰਾਜਪਾਲ ਦੇ ਆਦੇਸ਼ਾਂ 'ਤੇ ਤਬਾਦਲਾ ਆਦੇਸ਼ ਜਾਰੀ ਕੀਤਾ ਅਤੇ ਮੁੱਖ ਵਣਪਾਲ ਜੰਗਲਾਤ ਕਸ਼ਮੀਰ ਇਰਫਾਨ ਰਸੂਲ ਵਾਨੀ ਨੂੰ ਖੇਤਰੀ ਨਿਰਦੇਸ਼ਕ ਸਮਾਜਿਕ ਜੰਗਲਾਤ ਕਸ਼ਮੀਰ ਦਾ ਵਾਧੂ ਚਾਰਜ ਦਿੱਤਾ ਗਿਆ ਹੈ।
ਡੀਐਫਓ ਬਾਰਾਮੂਲਾ ਸਤੇਂਦਰ ਮੌਰੀਆ ਨੂੰ ਡੀਐਫਓ ਉਧਪੁਰ ਜੰਗਲਾਤ ਡਿਵੀਜ਼ਨ ਵਜੋਂ ਤਬਦੀਲ ਕਰਕੇ ਤਾਇਨਾਤ ਕੀਤਾ ਗਿਆ ਹੈ। ਡੀਐਫਓ ਮਹੋਰ ਜੰਗਲਾਤ ਸ਼ਾਹਬਾਜ਼ੁਲ ਰਹਿਮਾਨ ਨੂੰ ਡੀਐਫਓ ਡੋਡਾ ਜੰਗਲਾਤ ਡਿਵੀਜ਼ਨ ਵਜੋਂ ਤਬਦੀਲ ਕਰਕੇ ਤਾਇਨਾਤ ਕੀਤਾ ਗਿਆ ਹੈ। ਡੀਸੀਐਫ ਇੰਚਾਰਜ ਜਨਰਲ ਮੈਨੇਜਰ ਪੀ ਐਂਡ ਪੀ ਜੰਮੂ ਬਿਸ਼ਨ ਦਾਸ ਨੂੰ ਡੀਐਫਓ ਰਾਮਬਨ ਵਜੋਂ ਤਬਦੀਲ ਕਰ ਕੇ ਤਾਇਨਾਤ ਕੀਤਾ ਗਿਆ ਹੈ ਜਦੋਂ ਕਿ ਅੰਕਿਤ ਸਿਨਹਾ ਨੂੰ ਉਨ੍ਹਾਂ ਦੀ ਜਗ੍ਹਾ 'ਤੇ ਤਾਇਨਾਤ ਕੀਤਾ ਗਿਆ ਹੈ।
ਖੇਤਰੀ ਡਾਇਰੈਕਟਰ ਸਮਾਜਿਕ ਜੰਗਲਾਤ ਜ਼ਾਹਿਦ ਅਸਲਮ ਮੁਗਲ ਨੂੰ ਖੇਤਰੀ ਡਾਇਰੈਕਟਰ ਅੰਕੜਾ, ਵਾਤਾਵਰਣ ਅਤੇ ਰਿਮੋਟ ਸੈਂਸਿੰਗ ਜੰਮੂ ਵਜੋਂ ਤਬਦੀਲ ਕਰਕੇ ਤਾਇਨਾਤ ਕੀਤਾ ਗਿਆ ਹੈ ਅਤੇ ਹੁਣ ਉਨ੍ਹਾਂ ਨੂੰ ਡੀਐਫਓ ਬਾਰਾਮੂਲਾ ਜੰਗਲਾਤ ਵਿਭਾਗ ਵਜੋਂ ਤਾਇਨਾਤ ਕੀਤਾ ਗਿਆ ਹੈ। ਇਸੇ ਤਰ੍ਹਾਂ ਪ੍ਰੋਜੈਕਟ ਕੋਆਰਡੀਨੇਟਰ ਡਬਲਯੂਯੂਸੀਐਮਏ ਓਵੈਸ ਫਾਰੂਕ ਮੀਰ, ਡੀਸੀਐਫ ਨੂੰ ਡੀਐਫਓ ਕਾਮਰਾਜ ਜੰਗਲਾਤ ਵਿਭਾਗ ਵਜੋਂ ਤਬਦੀਲ ਕਰ ਕੇ ਤਾਇਨਾਤ ਕੀਤਾ ਗਿਆ ਹੈ। ਡੀਐਫਓ ਕਿਸ਼ਤਵਾੜ ਜੰਗਲਾਤ ਵਿਭਾਗ ਵਿਜੇ ਕੁਮਾਰ ਵਰਮਾ ਨੂੰ ਡੀਏਪੀ ਮਹੋਰ ਜੰਗਲਾਤ ਵਿਭਾਗ ਵਜੋਂ ਤਬਦੀਲ ਕਰਕੇ ਤਾਇਨਾਤ ਕੀਤਾ ਗਿਆ ਹੈ।