ਵਿਦੇਸ਼ੀ ਨਿਵੇਸ਼ 'ਚ ਟੈਕਸ ਦੀ ਕਟੌਤੀ ਦੀ ਉਮੀਦ ਕਾਰਨ ਸ਼ੇਅਰ ਬਾਜ਼ਾਰ ਨੇ ਦਰਜ ਕੀਤੀ ਸ਼ਾਨਦਾਰ ਰਿਕਵਰੀ

ਵਿਦੇਸ਼ੀ ਨਿਵੇਸ਼ 'ਚ ਟੈਕਸ ਦੀ ਕਟੌਤੀ ਦੀ ਉਮੀਦ,ਸੋਨੇ ਦੀ ਆਯਾਤ ਡਿਊਟੀ 'ਚ ਵਾਧੇ, ਰੁਪਏ 'ਚ ਮਾਮੂਲੀ ਰਿਕਵਰੀ ਵਿਚਕਾਰ ਅੱਜ ਬਾਜ਼ਾਰ ਵਿੱਚ ਤੇਜ਼ੀ ਜਾਰੀ ਰਹੀ। ਘਰੇਲੂ ਸ਼ੇਅਰ ਬਾਜ਼ਾਰ ਵਿੱਚ ਅੱਜ ਵਾਧੇ ਦਾ ਮਾਹੌਲ ਦੇਖਣ ਨੂੰ ਮਿਲ ਰਿਹਾ ਹੈ। ਸ਼ੁਰੂਆਤੀ ਕਾਰੋਬਾਰ ਦੌਰਾਨ ਬੀਐਸਈ ਸੈਂਸੈਕਸ (BSE Sensex) ਵਿੱਚ 400 ਅੰਕਾਂ ਤੋਂ ਵੱਧ ਦਾ ਉਛਾਲ ਆਇਆ, ਜਦਕਿ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ (Nifty) ਵੀ ਲਗਭਗ 150 ਅੰਕ ਚੜ੍ਹ ਗਿਆ।

ਮੌਜੂਦਾ ਸਮੇਂ ਸੈਂਸੈਕਸ 789.74 ਅੰਕ ਭਾਵ 1.06% ਦੀ ਤੇਜ਼ੀ ਨਾਲ 75,398.72 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਸੈਂਸੈਕਸ ਦੇ 8 ਸਟਾਕ ਵਾਧੇ ਨਾਲ ਅਤੇ 22 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਜਾ ਰਹੇ ਹਨ।

ਦੂਜੇ ਪਾਸੇ ਨਿਫਟੀ 277.00 ਅੰਕ ਭਾਵ 1.18% ਵੱਧ ਕੇ 23,689.60 'ਤੇ ਬੰਦ ਹੋਇਆ ਹੈ। ਜ਼ਿਕਰਯੋਗ ਹੈ ਕਿ ਲਗਾਤਾਰ ਚਾਰ ਦਿਨਾਂ ਦੀ ਗਿਰਾਵਟ ਤੋਂ ਬਾਅਦ ਅੱਜ ਵੀਰਵਾਰ ਨੂੰ ਬਾਜ਼ਾਰ ਸ਼ਾਨਦਾਰ ਵਾਧਾ ਲੈ ਕੇ ਬੰਦ ਹੋਇਆ ਸੀ, ਜਿਸ ਤੋਂ ਬਾਅਦ ਅੱਜ ਵੱਡਾ ਉਛਾਲ ਦੇਖਣ ਨੂੰ ਮਿਲਿਆ ਹੈ।

ਟਾਪ ਗੇਨਰਸ
ਅਡਾਨੀ ਪੋਰਟਸ, ਐਨਟੀਪੀਸੀ (NTPC), ਟਰੈਂਟ (Trent), ਪਾਵਰਗ੍ਰਿਡ, ਐਲਐਂਡਟੀ (L&T)

ਇਸ ਤੋਂ ਇਲਾਵਾ ਏਸ਼ੀਅਨ ਪੈਂਟਸ, ਅਲਟਰਾਟੈਕ ਸੀਮਿੰਟ, ਮਹਿੰਦਰਾ ਐਂਡ ਮਹਿੰਦਰਾ, ਆਈਸੀਆਈਸੀਆਈ ਬੈਂਕ, ਐਸਬੀਆਈ, ਬੀਈਐਲ ਅਤੇ ਭਾਰਤੀ ਏਅਰਟੈੱਲ ਵਿੱਚ ਵੀ ਵਧੀਆ ਖਰੀਦਦਾਰੀ ਦੇਖਣ ਨੂੰ ਮਿਲੀ।
ਇਨ੍ਹਾਂ ਸ਼ੇਅਰਾਂ 'ਚ ਦਿਖੀ ਗਿਰਾਵਟ: ਦੂਜੇ ਪਾਸੇ, ਆਈਟੀ (IT) ਸੈਕਟਰ ਦੇ ਕੁਝ ਦਿੱਗਜ ਸ਼ੇਅਰਾਂ ਵਿੱਚ ਗਿਰਾਵਟ ਦਰਜ ਕੀਤੀ ਗਈ, ਜਿਨ੍ਹਾਂ ਵਿੱਚ ਇਨਫੋਸਿਸ, ਟੈਕ ਮਹਿੰਦਰਾ, ਟੀਸੀਐਸ (TCS) ਅਤੇ ਐਚਸੀਐਲ ਟੈਕ ਸ਼ਾਮਲ ਹਨ।