ਮੁੰਬਈ ਵਿਚ ਰਹਿਣ ਵਾਲੇ ਲੋਕਾਂ ਲਈ ਵੱਡੀ ਖ਼ੁਸ਼ਖ਼ਬਰੀ ਵਾਲੀ ਖ਼ਬਰ ਹੈ। ਮੁੰਬਈ ਮੈਟਰੋ ਲਾਈਨ 3, ਜਿਸਨੂੰ 'ਐਕਵਾ ਲਾਈਨ' ਵੀ ਕਿਹਾ ਜਾਂਦਾ ਹੈ, ਹੁਣ ਆਪਣੇ ਆਖਰੀ ਪੜਾਅ ਵਿੱਚ ਹੈ। ਉਮੀਦ ਹੈ ਕਿ ਇਹ ਮੈਟਰੋ ਅਗਲੇ ਮਹੀਨੇ ਯਾਨੀ ਅਗਸਤ 2025 ਤੱਕ ਕੰਮ ਕਰਨਾ ਸ਼ੁਰੂ ਕਰ ਦੇਵੇਗੀ। ਇਹ ਭਾਰਤ ਦੀ ਸਭ ਤੋਂ ਲੰਬੀ ਅਤੇ ਪੂਰੀ ਤਰ੍ਹਾਂ ਭੂਮੀਗਤ ਮੈਟਰੋ ਲਾਈਨ ਹੋਵੇਗੀ।
ਇਹ ਮੈਟਰੋ ਲਾਈਨ 33.5 ਕਿਲੋਮੀਟਰ ਲੰਬੀ ਹੋਵੇਗੀ। ਇਹ ਕਫ਼ ਪਰੇਡ, ਬਾਂਦਰਾ ਕੁਰਲਾ ਕੰਪਲੈਕਸ ਅਤੇ ਆਰੇ ਜੇਵੀਐਲਆਰ ਨੂੰ ਜੋੜੇਗੀ। ਇਸ ਪੂਰੇ ਰੂਟ 'ਤੇ 27 ਮੈਟਰੋ ਸਟੇਸ਼ਨ ਹੋਣਗੇ, ਜੋ ਮੁੰਬਈ ਦੇ ਕਈ ਵਿਅਸਤ ਅਤੇ ਮਹੱਤਵਪੂਰਨ ਖੇਤਰਾਂ ਨੂੰ ਜੋੜਨਗੇ। ਇਹ ਵੱਡਾ ਪ੍ਰਾਜੈਕਟ ਮੁੰਬਈ ਮੈਟਰੋ ਰੇਲ ਕਾਰਪੋਰੇਸ਼ਨ ਲਿਮਟਿਡ ਦੁਆਰਾ ਬਣਾਇਆ ਜਾ ਰਿਹਾ ਹੈ। ਇਸ ਵਿਚ ਜਾਪਾਨ ਦੀ ਇੱਕ ਸੰਸਥਾ ਜਾਪਾਨ ਇੰਟਰਨੈਸ਼ਨਲ ਕੋਆਪਰੇਸ਼ਨ ਏਜੰਸੀ (JICA) ਨੇ ਪੈਸੇ ਨਾਲ ਬਹੁਤ ਮਦਦ ਕੀਤੀ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਇਸ ਮੈਟਰੋ ਲਾਈਨ ਦਾ 20 ਕਿਲੋਮੀਟਰ ਲੰਬਾ ਹਿੱਸਾ ਪਹਿਲਾਂ ਹੀ ਸ਼ੁਰੂ ਹੋ ਚੁੱਕਾ ਸੀ। ਇਹ ਹਿੱਸਾ ਆਰੇ ਤੋਂ ਆਚਾਰੀਆਂ ਅਤਰੇ ਚੌਕ ਤੱਕ ਜਾਂਦਾ ਹੈ ਅਤੇ ਮੁੰਬਈ ਦੇ ਲੋਕ ਇਸ ਦਾ ਫ਼ਾਇਦਾ ਉਠਾ ਰਹੇ ਹਨ। ਹੁਣ ਇਸ ਲਾਈਨ ਦਾ ਆਖਰੀ ਹਿੱਸਾ, ਜੋ ਕਫ਼ ਪਰੇਡ ਅਤੇ ਵਰਲੀ ਵਰਗੇ ਖੇਤਰਾਂ ਨੂੰ ਜੋੜੇਗਾ, ਅਗਸਤ 2025 ਤੱਕ ਸ਼ੁਰੂ ਹੋਣ ਲਈ ਤਿਆਰ ਹੋ ਰਿਹਾ ਹੈ। ਜਦੋਂ ਇਹ ਲਾਈਨ ਪੂਰੀ ਤਰੀਕੇ ਨਾਲ ਚਾਲੂ ਹੋ ਜਾਵੇਗੀ, ਤਾਂ ਮੁੰਬਈ ਦੇ ਲੋਕਾਂ ਨੂੰ ਸੜਕਾਂ 'ਤੇ ਲੱਗਣ ਵਾਲੇ ਜਾਮ ਤੋਂ ਬਹੁਤ ਰਾਹਤ ਮਿਲੇਗੀ।
ਮੈਟਰੋ ਲਾਈਨ 3 ਦੇ ਸ਼ੁਰੂ ਹੋਣ ਨਾਲ ਮੁੰਬਈ ਦੀਆਂ ਸੜਕਾਂ 'ਤੇ ਵਾਹਨਾਂ ਦਾ ਦਬਾਅ ਘੱਟ ਜਾਵੇਗਾ। ਇਸ ਨਾਲ ਟ੍ਰੈਫਿਕ ਜਾਮ ਦੀ ਸਮੱਸਿਆ ਵਿਚ ਘਾਟ ਆਵੇਗੀ ਅਤੇ ਹਵਾ ਵਿਚ ਪ੍ਰਦੂਸ਼ਣ ਵੀ ਘੱਟ ਹੋਵੇਗਾ। ਇਸ ਦੇ ਨਾਲ ਹੀ ਇਹ ਮੈਟਰੋ ਲਾਈਨ ਬੀਕੇਸੀ ਵਰਗੇ ਵੱਡੇ ਵਪਾਰਕ ਕੇਂਦਰਾਂ ਅਤੇ ਵਰਲੀ ਵਰਗੇ ਖ਼ਾਸ ਰਿਹਾਇਸ਼ੀ ਖੇਤਰਾਂ ਨੂੰ ਬਿਹਤਰ ਤਰੀਕੇ ਨਾਲ ਜੋੜੇਗੀ। ਇਸ ਨਾਲ ਲੋਕਾਂ ਦੀ ਆਵਾਜਾਈ ਹੋਰ ਵੀ ਸੌਖੀ ਹੋ ਜਾਵੇਗੀ।