ਲੁਧਿਆਣਾ (ਰਵੀ ਗਰਗ) : ਅੱਜ ਹਲਕਾ ਸਾਹਨੇਵਾਲ ਅਧੀਨ ਪੈਂਦੀਆ ਪੰਚਾਇਤਾਂ ਪਿੰਡ ਭਾਮੀਆ ਕਲਾਂ, ਪਿੰਡ ਭਾਮੀਆ ਖੁਰਦ ਅਤੇ ਤਾਜਪੁਰ ਬੇਟ ਨੂੰ ਬਲਾਕ ਦੋ ਲੁਧਿਆਣਾ ਦੇ ਚੇਅਰਮੈਨ ਦਰਸ਼ਨ ਸਿੰਘ ਮਾਹਲਾ ਦੇ ਵੱਲੋਂ ਗਰਾਂਟਾਂ ਦੇ ਚੈੱਕ ਵੰਡੇ ਗਏ। ਇਸ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਦਰਸ਼ਨ ਸਿੰਘ ਮਾਹਲਾ ਨੇ ਆਖਿਆ ਕਿ ਪੰਜਾਬ ਦੇ ਕੈਬਨਿਟ ਮੰਤਰੀ ਸਰਦਾਰ ਹਰਦੀਪ ਸਿੰਘ ਮੁੰਡੀਆ ਦੇ ਵੱਲੋਂ ਲਗਾਤਾਰ ਹਲਕੇ ਅੰਦਰ ਵਿਕਾਸ ਕਾਰਜਾਂ ਦੇ ਕੰਮਾਂ ਸਬੰਧੀ ਗਰਾਂਟਾਂ ਦੇ ਗੱਫੇ ਵੰਡੇ ਜਾ ਰਹੇ ਹਨ ਇਸ ਸਬੰਧੀ ਪਿੰਡ ਭਾਮੀਆ ਖੁਰਦ ਭਾਮੀਆ ਕਲਾ ਤੇ ਤਾਜਪੁਰ ਬੇਟ ਦੇ ਪਿੰਡਾਂ ਲਈ ਵੀ ਵਿਕਾਸ ਕਾਰਜਾਂ ਲਈ ਗਰਾਂਟਾਂ ਜਾਰੀ ਹੋਈਆਂ ਸਨ ਇਸ ਸਬੰਧੀ ਅੱਜ ਮੰਤਰੀ ਸਾਹਿਬ ਦੇ ਹੁਕਮਾਂ ਸਦਕਾ ਸਰਪੰਚ ਸਾਹਿਬਾਨਾਂ ਨੂੰ ਦਫਤਰ ਬੁਲਾ ਕੇ ਗਰਾਂਟਾਂ ਦੇ ਚੈੱਕ ਵੰਡੇ ਗਏ। ਉੱਥੇ ਹੀ ਸਰਪੰਚ ਸਾਹਿਬਾਨਾਂ ਨੇ ਸਰਕਾਰ ਦੀ ਦੱਬ ਕੇ ਤਰੀਫ ਕਰਦੇ ਆਖਿਆ ਕਿ ਸਰਕਾਰ ਵੱਲੋਂ ਵੱਡੇ ਪੱਧਰ ਤੇ ਵਿਕਾਸ ਕਾਰਜਾਂ ਦੇ ਕੰਮ ਕਰਵਾਏ ਜਾ ਰਹੇ ਹਨ ਅਤੇ ਮੰਤਰੀ ਹਰਦੀਪ ਸਿੰਘ ਮੁੰਡੀਆ ਅਤੇ ਚੇਅਰਮੈਨ ਮਾਹਲਾ ਵਿਕਾਸ ਕਾਰਜਾਂ ਦੇ ਕੰਮ ਕਰਵਾਉਣ ਵਿੱਚ ਕੋਈ ਵੀ ਕਸਰ ਬਾਕੀ ਨਹੀਂ ਛੱਡ ਰਹੇ ਉਹਨਾਂ ਕਿਹਾ ਕਿ ਅਸੀਂ ਪੰਜਾਬ ਸਰਕਾਰ, ਕੈਬਨਿਟ ਮੰਤਰੀ ਹਰਦੀਪ ਸਿੰਘ ਮੁੰਡੀਆ ਤੇ ਚੇਅਰਮੈਨ ਮਾਹਲਾ ਦਾ ਧੰਨਵਾਦ ਕਰਦੇ ਹਾਂ। ਇਸ ਮੌਕੇ ਸਰਪੰਚ ਭਾਮੀਆ ਕਲਾ ਪਰਮਿੰਦਰ ਸਿੰਘ ਸੋਨੂ, ਸਰਪੰਚ ਪਿੰਡ ਭਾਮੀਆ ਖੁਰਦ ਕੁਲਵੰਤ ਸਿੰਘ, ਸਰਪੰਚ ਤਾਜਪੁਰ ਬੇਟ ਹਰਜਿੰਦਰ ਸਿੰਘ ਸਿੱਧੂ, ਸਰਪੰਚ ਹਰਤੇਜ ਤੇਜੀ, ਸਰਪੰਚ ਪਿੰਡ ਸਸਰਾਲੀ ਆਦਿ ਹੋਰ ਵੀ ਹਾਜ਼ਰ ਸਨ।